. මහනුවර ක්‍රීඩකයෝ අපරාජිත බව රැකගනිති | කෙළිමඬල
2018 අපේ‍්‍රල් මස 22 වැනි ඉරිදා
මහනුවර ක්‍රීඩකයෝ අපරාජිත බව රැකගනිති
2017-12-17 18:39:40 | මොහාන් ප්‍රනාන්දු

අධිෂ්ඨානශීලීත්වයත්, සටන්කාමීත්වයත් එකට කැටි කළ මහනුවර ක්‍රීඩකයෝ අන්තර් සමාජ පළමුපෙළ ඩයලොග් ලීග් රග්බි තරගාවලියේ පළමු වටයේ අවසන් තරගයේදී හැව්ලොක්ස් පිලට එරෙහිව ලකුණු 20-9 කින් ජයගෙන සිය අපරාජිතභාවය රැකගැනීමට සමත්වූහ. පළමු භාගය  නිමාවනතුරුමහුස්මක් කටක් ගැනීමට ඉඩ නොදී ඉදිරියෙන් සිටි සත්කාරක හැව්ලොක්ස් ක්‍රීඩා සමාජයට එරෙහිව මෙම තරගය කොළඹදී පැවැත්විණ.
 
පසුගිය වසරේ ලීග් ශූරයන් වන මහනුවර කණ්ඩායම සිය බලකොටුවේදී පරාජයට ලක් කරමින් ඔවුන්ගේ අපරාජිත වාර්තාව බිඳ දැමීමට කුරුමානම් අල්ලමින් සිටි හැව්ලොක්ස් ක්‍රීඩකයෝ තරගයේ පළමු භාගය නිමාවෙද්දී දඬුවම් පහර 2ක් සමග ලකුණු 6-3 කින් පෙරමුණ ගැනීමට සමත්වූයේ ප්‍රතිවාදීන් එහෙම පිටින්ම ඇද බැඳ තබාගනිමිනි.

එහෙත් දෙවැනි භාගයේදී සිය පරිණතභාවය කදිමට විදහා දැක්වූ සෙංකඩගල ක්‍රීඩකයෝ තරගය ජයගත්තේ ගෝලයක්, උත්සාහක දිනුම් 2ක් සහ දඬුවම් පහරක් සමගිනි. හැව්ලොක්ස් පිල දෙවැනි භාගයේ ලැබූ දඬුවම් පහරත් සමග සමස්ත තරගයේදී ඔවුන්ගේ ලකුණු සංඛ්‍යාව සීමා වූයේ දඬුවම් පහර 3කට පමණි.

දෙවැනි භාගය ආරම්භ වී පළමු මිනිත්තු පහ ගෙවෙද්දී කරට කර සටනක නිරතවූ හැව්ලොක්ස් පිලේ ක්‍රීඩකයන් අභිබවා මහනුවර පිලට පළමු උත්සාහක දිනුම ගෙනදීමට යාකුබ් අලී සමත්විය. නයිජල් රත්වත්ත එය ගෝලයක් බවට ප්‍රවර්තනය කර සිය කණ්ඩායම ලකුණු 10-6 කින් ඉදිරියට ගෙන ගියේය. අනතුරුව 53 වැනි මිනිත්තුවේදී නයිජල් රත්වත්ත තැබූ අනගි උත්සාහක දිනුමකින් අස්වැසිල්ලක් ලබාගත් මහනුවර පිල ලකුණු 15-6 කින් ඉදිරියට ගියේය.

ඊට මොහොතකට පසුව රීසා මුබාරක් දඬුවම් පහරක් සාර්ථක කරමින් හැව්ලොක්ස් පිලේ ලකුණු සංඛ්‍යාව 9 දක්වා ඉහළ දැමුවත් අවසන් මොහොතේදී රිචඩ් ධර්මපාල තැබූ විශිෂ්ට උත්සාහක දිනුමෙන් මහනුවර පිලේ ජයග්‍රහණය තහවුරු විය.

ඡායාරූප - වරුණ කරුණාසේකර

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි ඉන්දියන්ස්ට ලකුණු 46 ක ජයක්...
2018-04-17 20:49:10
අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා...
හිරුණි විජේරත්න...
2018-04-16 19:26:26
“අද මම කළේ මගේ හොඳම මැරතන් තරගය නෙමේ. ඒත් මට පුළුවන් තරම් හොඳින් මම තරග කළා. කිලෝ මීටර 15 ක් විතර ගියාට මගේ තියෙන සියලුම ශක්තිය ඉවර වෙයි කියල...
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
අපේ කාලයේ පන්දු යැවීම පහසුයි - මුරලි...
2018-04-17 16:34:31
දඟ පන්දු යැවීමෙන් මුත්තයියා මුරලිදරන් පිතිකරුවන්ට කළ බලපෑම අති මහත්ය. ටෙස්ට් මෙන්ම එක්දින තරග වලදීත් ලෝකයේ වැඩිම කඩුලු සංඛ්‍යාවක් දවාග...