. ජ්‍යෙෂ්ඨයන් අසාර්ථක වීමෙන් එංගලන්තය අමාරුවේ | කෙළිමඬල
2018 ඔක්තෝබර් මස 22 වැනි සඳුදා
ජ්‍යෙෂ්ඨයන් අසාර්ථක වීමෙන් එංගලන්තය අමාරුවේ
2017-12-17 20:24:18 | .

එංගලන්ත පිලේ ජ්‍යෙෂ්ඨ ක්‍රීඩකයන්ගේ අසාර්ථකවීම හේතුවෙන් අළු බඳුන නැවතත් දිනාගැනීම පිළිබඳව එංගලන්තයේ සියලු සැලසුම් ව්‍යර්ථ වෙමින් යන තත්ත්වයක් ඇතිවී තිබේ. කණ්ඩායමේ ජ්‍යෙෂ්ඨතම පන්දු යවන්නකු වන ස්ටුවර්ට් බ්‍රෝඞ්ට ඕස්ට්‍රේලියානු මුල් ඉනිමේදී එකම කඩුල්ලක් හෝ දවාගත නොහැකි වූ අතර ඇලිස්ටෙයාර් කුක්ගේ 150 වැනි ටෙස්ට් තරගයේ ඉනිම දෙකේදීම ඔහුට ලබාගත හැකිවූයේ ලකුණු 21 ක් පමණි.

ස්ටුවර්ට් බ්‍රෝඞ් මෙම තරගයේදී ඕවර 35 ක් යවමින් ලකුණු 142 ක් ලබාගැනීමට අවසර දුන් නමුත් කඩුල්ලක් දවා නොගැනීම ඔහුගේ දුර්වලතම ටෙස්ට පන්දු යැවීම ලෙස වාර්තා වේ.

ඕස්ට්‍රේලියාවේ පර්ත් නුවර, බටහිර ඕස්ට්‍රේලියානු ක්‍රිකට් සංගම් ක්‍රීඩාංගණයේදී පැවැත්වෙන අළු බඳුන ටෙස්ට් තරගාවලියේ තුන්වැනි තරගයේ සිවුවැනි දිනය වන අද වර්ෂාව නිසා තරගය නතර කරන විට එංගලන්තය සිය දෙවැනි ඉනිම වෙනුවෙන් කඩුලු 4 ක් දැවී ලකුණු 132 ක් ලබා සිටියේය. ඕස්ටේ්‍රලියානුවන් සිය දැවැන්ත පළමු ඉනිම වෙනුවෙන් කඩුලු 9 ක් දැවී ලබාගත් ලකුණු 662 නිසා එංගලන්තය තවමත් ලකුණු 127 ක් පසුපසින් සිටී.
මේ වන විටත් 2-0 ක් ලෙසින් තරගාවලියේ පෙරමුණ ගෙන සිටින ඕස්ටේ්‍රලියානුවන් සතු භයංකාර වේග පන්දු යවන්නන් නිසා තරගයේ අවසන් දිනයේදී කඩුලු 6 ක් රැකගැනීමත් එංගලන්තයට අභියෝගයක් වී තිබේ.

ඇලිස්ටෙයාර් කුක්ගේ මෙවර අළු බඳුන තරගාවලිය ඉතාමත් අසාර්ථක වී තිබේ. එංගලන්ත පිලේ හිටපු නායකයාද වන ආරම්භක පිතිකරුවා මෙතෙක් පැවැති ටෙස්ට් තරග තුනේ ඉනිම 6 දීම ලබාගෙන ඇත්තේ ලකුණු 83 ක් පමණි. එහෙත් තරගයට පෙර එංගලන්ත පිලේ වත්මන් නායක ජෝ රූට් කියා සිටියේ තමන්ද ඇතුළුව, ජ්‍යෙෂ්ඨ ක්‍රීඩකයන් එක්ව කණ්ඩායම ඔසවාගත යුතු බවයි. එසේ කීවද ජෝ රූට් මෙම තරගයේදී ලබාගත්තේත් ලකුණු 20 ක් සහ 14 ක් පමණි.

මේ වන විටත් කඩුල්ලේ රැඳී සිටින ඩේවිඩ් මාලන් සහ ජොනී බෙයාර්ස්ටෝ දෙදෙනාට එංගලන්ත පිල ගලවාගැනීමේ අභියෝගයට මුහුණ දීමට සිදුව තිබේ. පළමු ඉනිමේදීත් එංගලන්ත පිල යන්තම් හිස ඔසවාගත්තේ මෙම පිතිකරුවන් දෙදෙනා එක්ව පස්වැනි කඩුල්ල වෙනුවෙන් ගොඩනැංවූ ලකුණු 237 ක සම්බන්ධතාව නිසාය.

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තය එක්දින තරගාවලිය ජයගනී...
2018-10-20 10:13:07
ශ්‍රී ලංකාව සහ එංගලන්තය අතර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී අද (20 වැනිදා) පැවැති සිවුවැනි එක්දින තරගයෙන් ඩක්...
ශ්‍රී ලංකාව පරාජයෙන් බේරීමේ මං සොයයි...
2018-10-19 17:58:44
මේ වන විට තරග 2 ක් පරාජය වී ඇති බැවින් කෙසේ හෝ ඉතිරි තරග 2 ජයගනිමින් එංගලන්තයට  එරෙහිව පැවැත්වෙන එක්දින තරගාවලිය 2-2 ක් ලෙස සම තත්වයට...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...