. ජාතික පුහුණුකාරිනි තිලකා | කෙළිමඬල
2018 අගෝස්තු මස 15 වැනි බදාදා
ජාතික පුහුණුකාරිනි තිලකා
2017-12-19 21:24:36 | නාමල් පතිරගේ

ජාතික දැල්පන්දු පුහුණුකරු ලෙස පත්වූ තිලකා ජිනදාස මෙනෙවියට ක්‍රීඩා ඇමැති අනුමැතිය ලැබුණු බව  නිලවශයෙන් ඇයට දැනුම්දීමට ශ්‍රී ලංකා දැල්පන්දු සම්මේලනය පෙරේදා (17) පියවර ගත් බව වාර්තාවේ. ඒ නියෝජ්‍ය සභාපතිනි ලක්ෂ්මී වික්ටෝරියා මහත්මියගේ ප්‍රධානත්වයෙන් පෙරේදා එහි විධායක සභාව රැස්වීමෙන් පසුවය. දැල්පන්දු සම්මේලනයේ සභාපතිනිය මේ වනවිට විදේශගතව සිටීම නිසා නියෝජ්‍ය සභාපතිනියගේ ප්‍රධානත්වයෙන් එම විධායක සභා රැස්වීම පවත්වා තිබේ.


නව ජාතික දැල්පන්දු පුහුණුකාරිණියගේ පත්කිරීමෙන් පසුව ඇගේ දීමනා හා ගෙවීම් පිළිබඳ වාර්තාවක් ලබාදෙන ලෙසත් ක්‍රීඩා අමාත්‍යාංශය ඇමැති අනුමැතිය ලබාදීමේ ලිපියෙන් දැල්පන්දු සම්මේලනය දැනුවත් කර ඇතැයිද වැඩිදුරටත් වාර්තාවේ.


දැල්පන්දු සම්මේලනයේ නිලවරණය පසුගිය ජුනි 18වැනිදා පැවැත්වුණත් එහි නිලධාරී මණ්ඩලය ඝනපූර්ණය සම්පූර්ණ වූයේ පසුගිය සැප්තැම්බර් 29 වැනිදා පැවැති විශේෂ මහා සභා රැස්වීමේදීය.


කෙසේ වුවත් නව නිලධාරී මණ්ඩලය පත්වීමෙන් පසුව මෙතෙක් ක්‍රියාත්මක වැඩසසටහන් දියත් නොවීම පිළිබඳව අනුසංගම් වෙතින් චෝදනා එල්ලවෙමින් තිබෙන අතර මධ්‍යම කමිටු රැස්වීමක් කැඳවන ලෙස ඉල්ලා මේ වන විට එම අනු සංගම් කීපයක් දැල්පන්දු සම්මේලනයට ලිපි යොමුකර ඇතැයි ද වාර්තාවේ.


මධ්‍යම කමිටු රැස්වීමක් අවම වශයෙන් මාස තුනකට වතාවත් වත් පැවැත්විය යුතු වුවත් සම්මේලනයේ නව නිල කාලය ඇරඹීමෙන් පසුව මෙතෙක් මධ්‍යම කමිටු රැස්වීමක් පවත්වා නැතැයිද දැල්පන්දු ආරංචි මාර්ග සඳහන් කරයි.


ඒ අතර ජාතික දැල්පන්දු තේරීම් කමිටුව නිර්දේශ කිරීමටද මෙතෙක් පියවරගෙන නැත. ඒ සදහා නාමයෝජනා 10ක් මේ වන විට ඉදිරිපත්ව තිබේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...