. බොතේජු ස්නූකර් මේසයේ ආධිපත්‍ය යළි දිනාගනී | කෙළිමඬල
2018 අගෝස්තු මස 15 වැනි බදාදා
බොතේජු ස්නූකර් මේසයේ ආධිපත්‍ය යළි දිනාගනී
2017-12-25 11:35:57 | මොහාන් ප්‍රනාන්දු

ජාතික ස්නූකර් තරගාවලියේ අවසන් මහා තරගයේදී එම්.එෆ්.එම්.ෆාසිල්ට එරෙහිව තරග වට 6-5 ක තියුණු ජයක් වාර්තා කරමින් පසුගිය වසරේදී ගිලිහී ගිය ශූරතාව නැවතත් අත්පත් කරගැනීමට ප්‍රවීණ ක්‍රීඩක සුසන්ත බොතේජු සමත්විය.

දශක දෙකකට ආසන්න කාලයක් පුරා රැකගත් ජාතික ස්නූකර් මේසයේ ආධිපත්‍ය යළි අත්පත් කරගැනීම සඳහා පසුගිය වසරේ ශූරතාව දිනූ ෆසිල් සමග කරට කර සටනක් කිරීමට බොතේජුට සිදුවිය. 

සුසන්ත බොතේජු ජාතික ස්නූකර් ශූරතාව දිනාගත්තේ 19 වැනි වරටය. 

1996 වසරේ සිට අඛණ්ඩව 2001 වසර දක්වා ජාතික ස්නූකර් ශූරතාව දිනූ සුසන්ත 2002 වසරේදී නරේෂ් සමරවික්‍රම හමුවේ පරාජයට පත්විය. අනතුරුව 2003 වසරේ සිට 2006 දක්වාත්, 2008 වසරේ සිට 2015 දක්වාත් අඛණ්ඩව ජාතික ස්නූකර් ශූරතාවට හිමිකම් කීවේය. පසුගිය වසරේදී ඔහුට අවසන් මහා තරගයට සේන්දුවීමට ඉඩ නොලැබුණේ එම වසරේදී ශූරතාව දිනූ ෆාසිල් හමුවේ අවසන් පූර්ව වටයෙන් පරාජයට පත්වීම හේතුවෙනි. 

මෙවර අවසන් මහා තරගයේදී එහි වාඩුව ගත් සුසන්ත ජාතික ස්නූකර් මේසයේ සිය ආධිපත්‍ය නැවත වාරයක් පතුරුවාලීමට සමත්වීම කැපී පෙනේ. 
අවසන් තරගය සුසන්ත බොතේජු ජයගනු ලැබුවේ 58-26, 12-96, 73-64, 55-52, 69-7, 48-52, 31-64, 50-54, 73-0, 55-58, 65-13 ක් වශයෙනි. 

අවසන් පූර්ව වටයේදී සුසන්ත හමුවේ තරග වට 5-4 කින් පරාජයට පත්වූයේ ෆාසිල්ගේ සොයුරු මුවර්ස් ක්‍රීඩා සමාජයේ එම්.එෆ්.එම්.ෆාහිම්ය. පසුගිය වසරේ අනුශූරතාව දිනූ යුද හමුදා කණ්ඩායමේ එම්.එම්.මුබීන් මෙවර අවසන් පූර්ව වටයේදී තරග වට 5-4 කින් පරාජය කිරීමට ෆාසිල් සමත්විය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...