. ශූරයා - රවිඳු : ශූරිය - මිහිලියා | කෙළිමඬල
2018 මැයි මස 24 වැනි බ‍්‍රහස්පතින්දා
ශූරයා - රවිඳු : ශූරිය - මිහිලියා
2017-12-25 13:20:20 | ශානුක අරවින්ද

කොළඹ සුගතදාස ගෘහස්ථ ක්‍රිඩාංගණයේදී පැවැති 37 වැනි ජාතික ස්කොෂ් ශූරතාවලියේ පිරිමි ශූරතාව දිනාගැනීමට ගුවන් හමුදාවේ රවිඳු ලක්සිරිද, කාන්තා ශූරතාව දිනාගැනීමට කොළඹ සිරිමාවෝ බණ්ඩාරනායක විදුහලේ මිහිලියා මෙත්සරණිද සමත් වූහ. 

අවසන් මහ තරගයේදී ඉතා තියුණ සටනකින් අනතුරුව වට 3-1 ලෙස කොළඹ ඩී. එස්. සේනානායක විදුහලේ ශමිල් වකීල් පරාජය කරමින් රවිඳු ලක්සිරි විවෘත පිරිමි ශූරතාව දිනාගත්තේය. රවිඳු ලක්සිරි පිට පිටම ජාතික ස්කොෂ් ශූරයා බවට පත්වූ පස්වැනි අවස්ථාව මෙය වන අතර මින් පෙර ඔහු 2013, 2014, 2015 සහ 2016 යන වසර වලදීද ජාතික ස්කොෂ් ශූරයා බවට පත්ව තිබේ. 

අවසන් පූර්ව වටයේදී වට 3-0 ක් ලෙස දෘවින්ක පෙරේරා පරාජය කරමින් රවිඳු ලක්සිරි අවසන් මහ තරගයට සුදුසුකම් ලබාගත් අතර ශමිල් වකීල් අවසන් මහ තරගයට සුදුසුකම් ලබාගත්තේ වට 3-0 ක් ලෙස සමන් තිලකරත්න පරාජය කරමිනි. 

මිහිලියා මෙත්සරණි විවෘත කාන්තා ශූරතාවට හිමිකම් කීවේ අවසන් මහ තරගයේදී තරග වට 3-0 ලෙස බම්බලපිටිය ශුද්ධ වූ පවුලේ කන්‍යාරාමයේ ෆතූම් ඉසඩීන් පරාජය කරමිනි. මිහිලියා මෙත්සරණි ජාතික ස්කොෂ් ශූරිය ලෙස සම්මාන දිනූ 5 වැනි අවස්ථාව මෙය වන අතර මින් පෙර ඇය 2012, 2013, 2014 සහ 2016 යන වසර වලදීද ජාතික ශූරතාව දිනාගෙන තිබේ. 

අවසන් පූර්ව වටයේදී වට 3-0 ක් ලෙස කසුනි ගුණවර්ධන පරාජය කරමින් මිහිලියා මෙත්සරණි අවසන් මහ තරගයට සුදුසුකම් ලබාගත් අතර ෆතූම් ඉසඩීන් අවසන් මහ තරගයට සුදුසුකම් ලබාගත්තේ වට 3-1 ක් ලෙස වසුන්දරා සුවාරිස් පරාජය කරමිනි. 

මෙම තරගාවලිය සඳහා ක්‍රීඩක ක්‍රීඩිකාවෝ 100 කට ආසන්න සංඛ්‍යාවක් සහභාගි වූ අතර තරගාවලියේ ශූරයාට සහ ශූරියට රුපියල් 50,000 බැගින් මුදල් ත්‍යාග පිරිනැමිණ. 

තරග ප්‍රතිඵල 

පිරිමි අවසන් මහ තරගය 
රවිඳු ලක්සිරි (ගුවන් හමුදාව) විසින් තරග වට 3-1 ක් ලෙස ශමිල් වකීල් (ඩී. එස්. සේනානායක විදුහල) පරාජය කරන ලදි. (10/12, 11/01, 11/05, 11/03) 

කාන්තා අවසන් මහ තරගය 
මිහිලියා මෙත්සරණි (සිරිමාවෝ බණ්ඩාරනායක විදුහල) විසින් තරග වට 3-0 ක් ලෙස ෆතූම් ඉසඩීන් (බම්බලපිටිය ශුද්ධ වූ පවුලේ කන්‍යාරාමය) පරාජය කරන ලදි. (11/06, 11/06, 11/10) 
 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
චෙන්නායි පිල අවසන් තරගයට...
2018-05-22 18:53:38
හුදකලා සටනක නිරතවූ ෆැෆ් ඩු ප්ලේසීස්ගේ විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ අවසන් මහ තරගය සඳහා සුදුසුකම් ලබාගැනීමට චෙන්...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...