. ස්මිත් සම්පූර්ණ සුද්දයකට සූදානම් | කෙළිමඬල
2018 ඔක්තෝබර් මස 22 වැනි සඳුදා
ස්මිත් සම්පූර්ණ සුද්දයකට සූදානම්
2017-12-25 19:43:23 | .

පුහුණුවීම් කිරීමේදී පන්දුවක් වැදීම ටෙස්ට් තරගයකින් ඉවත් වීමට තරම් කාරණාවක් නොවේ. ඇරත් බොක්සිං දිනයේ (දෙසැම්බර් 26 වැනිදා) ආරම්භ වන ටෙස්ට් තරගයකින් ඉවත්ව සිටීමට තරම් එය කිසිසේත්ම ප්‍රමාණවත් නැත.

නත්තල්දාට පෙරදා පුහුණුවීම් කරමින් සිටි කැමරන් බැන්ක්‍රොෆ්ට් ගැසූ පහරකින් විදුලි වේගයෙන් ඇදී ගිය පන්දුව  ස්ටීවන් ස්මිත්ගේ අතට වැදුණු නමුත් එංගලන්තයට එරෙහිව මෙල්බර්න් ක්‍රීඩාංගණයේදී ආරම්භ වන සිව්වැනි ටෙස්ට් තරගයට ක්‍රීඩා කිරීමට ඕස්ටේ්‍රලියානු නායකයා සූදානමින් සිටී. 28 හැවිරිදි ස්ටීවන් ස්මිත් කියා සිටියේ පන්දුව වැදුණු ඊයේත් අදත් තමන්ගේ අත වේදනා දුන් නමුත් සිව්වැනි තරගයටත් ක්‍රීඩා කරමින් එංගලන්තයට සුද්දයක් දීම තමන්ගේ බලාපොරොත්තුව බවයි.

“ටිකක් රිදෙනවා තමයි. ඒත් මම ඒක බලාගන්නම්. මම ඒකත් එක්ක සෙල්ලම් කරනවා” යයි ස්මිත් පැවසීය.

“පර්ත්වලදී පුහුණුවීම් කරන විටත් මෙතැනටම පන්දුව වැදුණා. තරගයේදීත් කීප වතාවක් වැදුණා...වැඬේ කියන්නේ පන්දුව වදින්න ගත්තාම එකම තැනට තමයි වදින්නේ” යයිද ස්මිත් පැවසීය.

මෙම සිදුවීම සම්බන්ධයෙන් සමාව අයදිමින් කැමරන් බැන්ක්‍රොෆ්ට් කිහිප වතාවක්ම ස්මිත් වෙත පැමිණ තිබේ. එහෙත් ස්මිත් කියන්නේ හදිසි අනතුරු සාමාන්‍ය දෙයක් බවයි.

මේ  වන විටත් 3-0 ක් ලෙසින් අළු බඳුන තරගාවලිය ජයගෙන සිටින ඕස්ටේ්‍රලියානු කණ්ඩායමේ එකම බලාපොරාත්තුව වී ඇත්තේ ඉතිරි තරග දෙකත් ජයගනිමින් එංගලන්තයට සම්පූර්ණ සුද්දයක් දීමයි. කෙසේ වෙතත් පාදයේ විලුඹ ආසන්නයේ ආබාධයකට ලක්ව සිටින මිචෙල් ස්ටාක් විවේක ගන්වමින් වෙනත් ක්‍රීඩකයකු ආදේශ කිරීමට ඕස්ටේ්‍රලියානු පිලට සිදුව තිබේ. ජැක්සන් බර්ඞ් එම ස්ථානයට එනු ඇත.

මෙල්බර්න් තණතීරුව පිතිකරුවන්ට යෝග්‍ය තත්ත්වයක තිබේ. එහෙත් තමන්ගේ අධිවේගී පන්දු යවන්නන් සමගින් කුමන ආකාරයේ තණතීරුවකදී වුවද එංගලන්ත පිතිකරුවන් මෙල්ල කිරීම කළ හැකිබව ස්මිත් දනී. ඇරත් නේතන් ලයන් කණ්ඩායමේ සිටින බැවින් තණතීරුව දඟ කැවෙනසුළු වූවත් එන තත්ත්වයට මුහුණදීමට ස්මිත් සහ සගයන්ට පුළුවන.

“පසුගිය අවුරුදු දෙක පුරාම මෙතැනදී (මෙල්බර්න් ක්‍රීඩාංගණයේදී) අපට හොඳ ප්‍රතිඵල ලැබුණා. අපි නැවතත් ඒ වෙනුවෙන් මහන්සි වෙනවා. කොහොම වුණත් පළමු ඉනිමේදී ලබාගන්නා ලකුණු සංඛ්‍යාව වැදගත්” යයි කී ස්මිත්...

“දිගින් දිගටම දිනාගෙන යන්න අපට දැන් හොඳ අවස්ථාවක් ලැබී තිබෙනවා. මා මගේ කොල්ලන්ට කියන්නේ එකම දෙයයි”

“5-0 ගැන දැන්ම කරදර වෙන්න එපා. පළමුව මේ තරගය ජයගත යුතුයි” යයිද පැවසීය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තය එක්දින තරගාවලිය ජයගනී...
2018-10-20 10:13:07
ශ්‍රී ලංකාව සහ එංගලන්තය අතර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී අද (20 වැනිදා) පැවැති සිවුවැනි එක්දින තරගයෙන් ඩක්...
ශ්‍රී ලංකාව පරාජයෙන් බේරීමේ මං සොයයි...
2018-10-19 17:58:44
මේ වන විට තරග 2 ක් පරාජය වී ඇති බැවින් කෙසේ හෝ ඉතිරි තරග 2 ජයගනිමින් එංගලන්තයට  එරෙහිව පැවැත්වෙන එක්දින තරගාවලිය 2-2 ක් ලෙස සම තත්වයට...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...