. ‘සෙරීනා’ නම් මව යළි ටෙනිස් පිටියට | කෙළිමඬල
2018 ඔක්තෝබර් මස 15 වැනි සඳුදා
‘සෙරීනා’ නම් මව යළි ටෙනිස් පිටියට
2017-12-27 19:19:11 | .

දශක දෙකක් තරුණියක සේ අන්තර්ජාතික ටෙනිස් පිටිය දිග්විජය කළ මෑත කාලයේ ටෙනිස් රැජන අමෙරිකාවේ සෙරීනා විලියම්ස් මවක ලෙස නැවත ටෙනිස් කරළියට අවතීර්ණ වෙමින් සිටී. ඇය මේ මස 30 වැනිදා එක්සත් අරාබි එමීර් රාජ්‍යයේ අබුඩාබි නුවර මුබාඩලා ලෝක ටෙනිස් ශූරතාවලියේ ප්‍රදර්ශනාත්මක තරගයකට එක්වන්නීය.

මේ තරගයේදී ඇගේ ප්‍රතිවාදිනිය බවට පත්වනු ඇත්තේ ලැට්වියා රාජ්‍යයේ ටෙනිස් ශූරියක වන ජෙලීනා ඔස්ටපෙන්කෝය.

“අබුඩාබියේදී නැවතත් ටෙනිස් පිටියට පා තැබීමට ලැබීම ගැන මට පුදුමාකාර සතුටක්. පසුගිය සැප්තැම්බරයේ මගේ දරු සිඟිත්තිය ඉපදුණාට පස්සේ පළමුවතාවට ටෙනිස් පිටියට පා තැබීම ඇත්තටම විශාල සතුටක්” යයි සෙරීනා විලියම්ස් කීවාය.

“මුබාඩලා ලෝක ටෙනිස් ශූරතාවලිය කියන්නේ පිරිමි ටෙනිස් තරග බිමේ තරගාවලියක්. 10 වැනි වතාවටත් මේ තරගාවලියට කාන්තාවක් හැටියට ක්‍රීඩා කිරීමට ලැබීම මට මහත් ගෞරවයක්.... අබුඩාබියේ ක්‍රීඩාලෝලීන් හමුවේ මගේ පරණ දස්කම් පෙන්වනතුරු මට ඉවසුමක් නෑ” යයි ඇය කීවේ සිනහමුසු මුවින් යුතුවය.

ග්‍රෑන්ඞ් ස්ලෑම් ටෙනිස් තරග බිම විවෘත තරගාවලියක් බවට පත්වීමෙන් පසුව එයින්  ශූරතා 23 කටම හිමකම් කියමින් ටෙනිස් පිටියේ ආධිපත්‍ය පතුරුවාලූ මේ සුපිරි ක්‍රීඩිකාව සිය මාතෘත්වය වෙනුවෙන් මාස කිහිපයක්ම කැප කරමින් සියලු ක්‍රීඩා ක්‍රියාකාරකම්වලින් ඉවත්වී සිටියාය.

36 හැවිරිදි සෙරීනා මෙවර අබුඩාබියට යන්නේ ලබන වසරේ ඕස්ට්‍රේලියාවේ පැවැත්වීමට නියමිත වසරේ පළමු ග්‍රෑන්ඞ් ස්ලෑම් තරගාවලියට එක්වීමට පෙර සිය දස්කම් මුවහත් කරගැනීමේ අභිලාෂයද ඇතිවය.

එහෙත් තවම ඇය ඕස්ට්‍රේලියානු විවෘත ටෙනිස් ශූරතාවලියට එක්වන්නේදැයි යන්න තහවුරු කර නැත. එසේ වුවත් නිතරම ග්‍රෑන්ඞ් ස්ලෑම් කිරුළු අත්පත් කරගැනීමේ නොතිත් ආසාවෙන් පෙළෙන මේ විශිෂ්ට ක්‍රීඩිකාව එම අවස්ථාව ලෙහෙසියෙන් අත් හැර දමනු ඇතැයි සිතිය නොහැකිය.

“එයා දැනටමත් වීසා අරන් ඉවරයි. තරගාවලියටත් නම දීලා ඉවරයි” යයි ජනවාරි මස 15 වැනිදා ආරම්භ වන ඕස්ට්‍රේලියානු විවෘත ටෙනිස් ශූරතාවලියේ අධ්‍යක්ෂ ක්‍රෙග් ටිලේ අනාවරණය කර තිබේ.

“කොහොමටත් ඕස්ට්‍රේලියානු ටෙනිස් පිටිය කියන්නේ සෙරීනාටම කියාපු එකක්. ඒ  නිසා ඇය මේ තරගාවලිය මඟ හැර ගනු ඇතැයි මා නම් සිතන්නේ නෑ” යයිද ඔහු කීවේය.


 - 077

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...