. ජාතික කනිෂ්ඨ ස්කොෂ් තරගාවලිය හෙට සිට | කෙළිමඬල
2018 මැයි මස 24 වැනි බ‍්‍රහස්පතින්දා
ජාතික කනිෂ්ඨ ස්කොෂ් තරගාවලිය හෙට සිට
2017-12-29 20:59:51 | ශානුක අරවින්ද

ශ්‍රී ලංකා ස්කොෂ් සම්මේලනය සංවිධානය කරන 28 වැනි ජාතික කනිෂ්ඨ ස්කොෂ් ශූරතාවලිය හෙට (30 වැනිදා) සිට ජනවාරි මස 7 වැනිදා දක්වා රත්මලාන ගුවන් හමුදා ගෘහස්ත ක්‍රීඩාංගණයේදී පැවැත්වේ.

එහිදී ප්‍රධාන වශයෙන් අවුරුදු 9 න් පහළ, 11 න් පහළ, 13 න් පහළ, 15 න් පහළ, 17 න් පහළ සහ 19 න් පහළ යන වයස් කාණ්ඩ සඳහා තරග පැවැත්වෙන අතර අවුරුදු 11 න් පහළ, 15 න් පහළ, සහ 19 න් පහළ යන වයස් කාණ්ඩවල අධුනික තරගකරුවන් සඳහා වෙනමමද තරග පැවැත්වේ.

තරගාවලියේ ප්‍රධානතම වයස් කාණ්ඩය වන 19 න් පහළ වයස් කාණ්ඩයේ අවසන් මහ තරග ජනවාරි මස 7 වැනිදා පස්වරු 4.00 සිට පැවැත්වෙන අතර ඉන් අනතුරුව ජයග්‍රාහක ජයග්‍රාහිකාවන් සඳහා ත්‍යාග ප්‍රදානෝත්සවය පැවැත්වේ.

මෙවර තරගාවලිය සඳහා දිවයින පුරා පාසල් රැසක් නියෝජනය කරමින් ක්‍රීඩක ක්‍රීඩිකාවන් 262 ක් ලියාපදිංචි වී සිටින අතර සෑම වයස් කාණ්ඩයකම පළමු, දෙවැනි සහ තෙවැනි ස්ථාන සඳහා සහතිකපත්, කුසලාන සහ සැනසිලි ත්‍යාග පිරිනැමීමට සංවිධායකයෝ සූදානමින් සිටිති.

ඉකුත් වසරේ පැවැති තරගාවලියේදී වයස 19 න් පහළ බාලක ශූරතාව දිනාගනිමින් ජාතික කනිෂ්ඨ ශූරයා බවට පත්වීමට කොළඹ ඩී.එස්. විදුහලේ ශමිල් වකීල් සමත් වූ අතර 19 න් පහළ බාලිකා ශූරතාව දිනාගනිමින් ජාතික කනිෂ්ඨ ශූරිය බවට පත්වීමට කොළඹ සිරිමාවෝ බණ්ඩාරනායක විදුහලේ මිහිලියා මෙත්සරණි සමත් වූවාය.
මංචි සමාගමේ අනුග්‍රහයෙන් මෙවර තරගාවලිය පැවැත්වෙන අතර එහි මුද්‍රිත මාධ්‍ය අනුග්‍රහය විජය පුවත්පත් සමාගම වෙතිනි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
චෙන්නායි පිල අවසන් තරගයට...
2018-05-22 18:53:38
හුදකලා සටනක නිරතවූ ෆැෆ් ඩු ප්ලේසීස්ගේ විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ අවසන් මහ තරගය සඳහා සුදුසුකම් ලබාගැනීමට චෙන්...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...