. සී. ආර්. සැලසුම සාර්ථක වෙයි | කෙළිමඬල
2018 අපේ‍්‍රල් මස 22 වැනි ඉරිදා
සී. ආර්. සැලසුම සාර්ථක වෙයි
2017-12-30 12:28:41 | .


සැලසුම් සහගත ක්‍රීඩා රටාවක නිරතවෙමින් ජයග්‍රහණයේ මාවත හෙළි පෙහෙළි කරගත් සී.ආර්.ඇන්ඞ් එෆ්.සී. ක්‍රීඩකයෝ අන්තර් සමාජ පළමුපෙළ ඩයලොග් රග්බි ලීග් තරගාවලියේ දෙවැනි වටයේ පළමු තරගයෙන් ශ්‍රී ලංකා යුද හමුදා කණ්ඩායමට එරෙහිව ලකුණු 24-17 ක විශිෂ්ට ජයක් අත්කර ගත්හ. හැව්ලොක්ස් ක්‍රීඩා පිටියේ ඊයේ පස්වරුවේ පැවැති මේ තරගයේ දී සී.ආර්.පිල ගෝල් 3ක් සහ දඬුවම් පහරක් සාර්ථක කරගත් අතර යුද හමුදා පිල ලැබුවේ ගෝල් 2 ක් සහ දඬුවම් පහරක් පමණි.

ආරම්භයේදී දැඩි ආක්‍රමණශීලි ක්‍රීඩා විලාශයක් පෙන්නුම් කළ යුද හමුදා ක්‍රීඩකයෝ තරගයේ ගෝලයක් සහ දඬුවම් පහරක් සාර්ථක කරමින් ලකුණු 10-3 කින් පෙරමුණ ගැනීමට සමත් වූහ. එහෙත් පළමු භාගය නිමා වීමට පෙර නැවත තරගයට අවතීර්ණ වූ රතු බැනියම් කාරයන්ට ලකුණු සංඛ්‍යාව 10-10 ක් ලෙස සමකර ගැනීමට හැකිවූයේ ඔවුන්ගේ අංක අටේ ක්‍රීඩක ඕමල්ක ගුණරත්න තැබූ අනගි උත්සාහක දිනුමක් තරින්ද රත්වත්ත විසින් ගෝලයක් බවට ප්‍රවර්තනය කරනු ලැබීමෙනි.

දෙවැනි භාගය ආරම්භ වී මිනිත්තු 10 ක් පමණ දෙපිලම කරට කර  සටනක නිරතවූවත් 50 වැනි මිනිත්තුවේ දී සී.ආර්.පිලේ හුකර් ක්‍රීඩක සුපුන් වර්ණකුලසූරිය ප්‍රතිවාදී සීමා ඉර අසළදී සිදුවූ රෝලිං මොල් අවස්ථාවකින් කදිම ඵල නෙලා ගනිමින් අගනා උත්සාහක දිනුමක් තැබුවේය. කිසිදු අපහසුවකින් තොරව එය ගෝලයක් බවට ප්‍රවර්තනය කළ තරින්ද රත්වත්ත සී.ආර්.පිලේ ලකුණු සංඛ්‍යාව 17-10 කින් ඉහළට ඔසවා තැබීමට සමත්විය.

ඉන් නොනැවතුණු රතුබැනියම් කාරයන් තවත් මිනිත්තු දහයකින් පසුව තරගයේ පාලනය සියතට ගනිමින් ජයග්‍රහණයට අත වනන්නට පටන් ගත්තේ නායක කවිඳු පෙරේරා තැබූ සුපිරි උත්සාහක දිනුමත් සමගිනි. තරින්ද විසින් එය ගෝලයක් බවට ප්‍රවර්තනය කරනු ලැබීම නිසා සී.ආර්.පිලේ ලකුණු සංඛ්‍යාව 24 දක්වා ඉහළ යද්දී යුද හමුදා ක්‍රීඩකයන්ට පරාජය බාරගැනීමට සිදුවිය.

තරගය නිමාවීමට ස්වල්ප වේලාවකට පෙර යුද හමුදා පිලේ සෙන්ටර් ක්‍රීඩක සමීර බුලත්සිංහල සිය ක්‍රීඩකයන්ගේ කදිම පන්දු පිරිනැමීමක් හමුවේ විශිෂ්ට උත්සාහක දිනුමක් තැබීමට සමත්වූවත් තරගයේ ජයග්‍රහණයට එය කොහෙත්ම ප්‍රමාණවත් නොවීය. ගයාන් සාලින්ද විසින් එය ගෝලයක් බවට ප්‍රවර්තනය කරමින් යුද හමුදා පිලේ ලකුණු සංඛ්‍යාව 17 දක්වා ඉහළ දැමූමවද සමීරගේ උත්සාහක දිනුමත් තරගයේ නිමාවත් අතර පැවැතියේ විනාඩි දෙකක කාලයක් පමණි.

 

- 077

ඡායාරූප - වරුණ කරුණාසේකර

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි ඉන්දියන්ස්ට ලකුණු 46 ක ජයක්...
2018-04-17 20:49:10
අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා...
හිරුණි විජේරත්න...
2018-04-16 19:26:26
“අද මම කළේ මගේ හොඳම මැරතන් තරගය නෙමේ. ඒත් මට පුළුවන් තරම් හොඳින් මම තරග කළා. කිලෝ මීටර 15 ක් විතර ගියාට මගේ තියෙන සියලුම ශක්තිය ඉවර වෙයි කියල...
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
අපේ කාලයේ පන්දු යැවීම පහසුයි - මුරලි...
2018-04-17 16:34:31
දඟ පන්දු යැවීමෙන් මුත්තයියා මුරලිදරන් පිතිකරුවන්ට කළ බලපෑම අති මහත්ය. ටෙස්ට් මෙන්ම එක්දින තරග වලදීත් ලෝකයේ වැඩිම කඩුලු සංඛ්‍යාවක් දවාග...