. නිලධාරීන් සිවු දෙනකුට දඬුවම් | කෙළිමඬල
2018 ජනවාරි මස 19 වැනි සිකුරාදා
නිලධාරීන් සිවු දෙනකුට දඬුවම්
2018-01-01 17:32:59 | නාමල් පතිරගේ

ක්‍රීඩා පනතට පටහැනිව කටයුතු කිරීම පිළිබඳව චෝදනා ලැබූ ශ්‍රී ලංකා කායවර්ධන හා ශාරීරික යෝග්‍යතා සම්මේලනයේ හිටපු ප්‍රධානියෙකු ඇතුළුව නිලධාරීන් සිව් දෙනෙකුට විශේෂ විමර්ශන කමිටුවක් මගින් දඬුවම් නිර්දේශ කර ඇතැයි වාර්තා වේ. එම එක් නිලධාරියෙකුට ජීවිතාන්තය දක්වා කායවර්ධන ක්‍රීඩාවේ නියැලීම තහනම් කිරීමට නිර්දේශ කර තිබෙන බවත් සෙසු නිලධාරීන්ට වසර කීපයක් බැගින් වන තහනමක්ද පනවා ඇතැයිද වැඩිදුරටත් තොරතුරු හෙළිවේ.

වසර 2015 ට පෙර ක්‍රියාත්මක වූ කායවර්ධන සම්මේලනයේ පාලන කාලසීමාව තුළදී ක්‍රීඩා පනතට පටහැණිව යමින් කටයුතු කිරීම සම්බන්ධයෙන් චෝදනා ගණනාවක් විභාග කිරීමෙන් පසුව ඔවුන්ට එරෙහිව එම දඬුවම් නිර්දේශ කර තිබේ.

විශ්‍රාමික මහාධිකරණ විනිසුරුවරුන්ගෙන් සමන්විත ත්‍රිපුද්ගල කමිටුවක් විසින් වසරකටත් අධික කාලයක් තිස්සේ පැවැත්වූ විමර්ශනයකින් පසුව ඔවුන්ට එරෙහිව ඉහත දඬුවම් නිර්දේශ කර තිබේ. පැමිණිල්ල ඉදිරිපත් කර තිබුණේ කායවර්ධන සම්මේලනයේ හිටපු ලේකම්වරයෙකු වන හේමාල් ඩයස් මහතා විසිනි.

දඬුවම් නිර්දේශ වූ හිටපු නිලධාරීන් අතර සම්මේලනයේ උප සභාපතිවරුන් දෙදෙනෙකුද වන බව සඳහන් වේ. මේ අතර කායවර්ධන සම්මේලනයේ තවත් නිලධාරීන් සිව් දෙනෙකුට එරෙහිවද ඉදිරියේදී ක්‍රීඩා පනතට පටහැනිව කටයුතු කිරීමේ චෝදනා එල්ල කරමින් විමර්ශනයක් පැවැත්වීමට ක්‍රීඩා අමාත්‍යාංශය තීරණය කර ඇතැයිද වාර්තාවේ. එම නිලධාරීන් අතුරින් කීප දෙනෙක් දැනටමත් සම්මේලනයේ තනතුරු දරන්නෝ වෙති.

පසුගිය වසර කීපයේදී සිදුවූ සම්මේලනයේ කටයුතු පදනම් කර ගනිමින් එම විමර්ශනය සිදුකෙරේ.

කායවර්ධන සම්මේලනයේ හිටපු නිලධාරීන්ට එරෙහිව දඬුවම් නිර්දේශ කිරීමේ කමිටු වාර්තාව මේවන විට ක්‍රීඩා ඇමැති දයාසිරි ජයසේකර මහතාට බාරදී ඇතැයි ද වාර්තාවේ.

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
හතුරුසිංහගෙන් එඩිතර ප්‍රකාශයක්...
2018-01-15 14:30:23
ශ්‍රී ලංකා කණ්ඩායම මේ වන විට බෙහෙවින් අයසට පත්ව සිටින කණ්ඩායමක් වූවත් ශ්‍රී ලංකා කණ්ඩායම පුහුණුකිරීමේ අභියෝගය තමන් සතුටින් බාරගන්න...
සිම්බාබ්වේට ලකුණු 12 ක ජයක්...
2018-01-17 18:45:02
බංග්ලාදේශයේදී පැවැත්වෙන තුන්කොන් ක්‍රිකට් තරගාවලියේ ඩකාහිදි පැවැති දෙවැනි තරගයේදී ශ්‍රී ලංකාවට එරෙහිව ලකුණු 12 ක ජයක් හිමිකර ග...
මෙන්ඩිස් - ලක්ෂාන් ශ්‍රී ලංකාව දිනවති...
2018-01-14 18:21:25
කාසියේ වාසිය දිනාගත් අයර්ලන්ත යොවුන් පිලේ නායක හැරී ටෙක්ටර් කීවේ විශාල ලකුණු සංඛ්‍යාවක් පුවරුවට එකතු කිරීමෙන් පසු ශ්‍රී ලංකා කණ්ඩා...
ශ්‍රී ලංකා පිල පිටත්ව යයි...
2018-01-12 19:49:44
මේ මස 15 වැනිදා බංග්ලාදේශයේදී ආරම්භ වන තුන්කොන් ක්‍රිකට් තරගාවලියට සහභාගි වන ශ්‍රී ලංකා කණ්ඩායම අද (12 වැනිදා) ශ්‍රී ලංකා ක්&z...