. ඔලිම්පික් කමිටුව තවත් අර්බුදයක | කෙළිමඬල
2018 ඔක්තෝබර් මස 20 වැනි සෙනසුරාදා
ඔලිම්පික් කමිටුව තවත් අර්බුදයක
2018-01-01 17:48:05 | නාමල් පතිරගේ

ජාතික ඔලිම්පික් කමිටුවේ ඉහළ පෙළේ නිලධාරීන් දෙදෙනකු ජාතික ක්‍රීඩා සංගම්වල නව තනතුරු සඳහා තේරී පත්වීම බලරහිත වන තත්ත්වයක් උද්ගතව ඇතැයි වාර්තා වේ. නොබෝදා පවත්වා අවසන් කෙරුණු නමගිය ජාතික ක්‍රීඩා සංගමයක සභාපති තනතුරට පත්වූ නිලධාරියකුටත් එම තත්ත්වයට මුහුණදීමට සිදුව ඇතැයි ක්‍රීඩා අමාත්‍යාංශ ආරංචි මාර්ග සඳහන් කරයි.

ක්‍රීඩා අමාත්‍යාංශයේ නීති අංශ පෙන්වා දී ඇත්තේ රටේ ක්‍රීඩා නීතිය ජාතික ඔලිම්පික් කමිටුවටත් එක ලෙසට අදාළ වන බැවින් මෙතෙක් විගණන වාර්තා ඉදිරිපත් නොකළ ජාතික ක්‍රීඩා සංවිධානයක් ලෙස ජාතික ඔලිම්පික් කමිටුවේ එකී කාල සීමාවන්ට අයත් ප්‍රධාන තනතුරු දැරූ නිලධාරීන්ට යළිත් ජාතික ක්‍රීඩා සංගම්හි තනතුරු සඳහා ඉදිරිපත් වීම ක්‍රීඩා පනතට පටහැනි බවයි.

මේ සම්බන්ධයෙන් ලංකාදීපය කළ විමසුමකදී ක්‍රීඩා ඇමැති දයාසිරි ජයසේකර මහතා පැවැසුවේ පසුගිය කාලයේ විගණන වාර්තා ඉදිරිපත් නොකළ ඇතැම් ජාතික ක්‍රීඩා සංගම්හි ප්‍රධාන තනතුරු දැරූ නිලධාරීන් වෙනත් ජාතික ක්‍රීඩා සංගම්හි තනතුරුවලට පත්වීමත් ක්‍රීඩා පනතට පටහැනි බවයි.

ක්‍රීඩා පනතේ 2016 අංක 1 දරන ජාතික ක්‍රීඩා සංගම් නියෝග මාලාවේ 4-ඒ “ග” යටතේ ඒ පිළිබඳව මෙසේ දන්වා තිබේ.

“නිශ්චිතව දක්වා ඇති කාල සීමාව තුළදී විගණන මූල්‍ය ප්‍රකාශ ඉදිරිපත් කිරීමට අසමත් වූ හෝ එසේ කිරීම පැහැර හැර ඇති ජාතික ක්‍රීඩා සංගමයක සභාපති, ලේකම් හෝ භාණ්ඩාගාරිකවරයකු වශයෙන් ධුරයක් දරා සිටි තැනැත්තකු වේ නම් එවැනි පුද්ගලයකු යම් ජාතික ක්‍රීඩා සංවිධානයකට තෝරා පත්කර ගැනීමට නුසුදුස්සකු විය යුතුය.”

එම තත්ත්වය තුළ ශ්‍රී ලංකා පාපැදි සම්මේලනයේ වත්මන් සභාපති විශේෂඥ වෛද්‍ය අමල් හර්ෂ ද සිල්වා මහතා යළි සභාපති ධුරයට ඉදිරිපත් වෙමින් බාරදුන් නාමයෝජනා පත්‍රය ක්‍රීඩා අමාත්‍යාංශයේ අභියාචනා කමිටුව විසින් ප්‍රතික්ෂේප කරන ලදි.

දීර්ඝ කාලයක් තිස්සේ පැවැති පරිපාලන අර්බුදවලින් පසුව නොබෝදා දෙවසරක නිල කාලයක් සඳහා පත් කළ ජාතික ක්‍රීඩා සංගමයක සභාපති ධුරයට පත්වූ නිලධාරියකුගේ එම පත්වීමට එරෙහිවත් එම චෝදනාවම එල්ලවීමෙන් ඔහුගේ නව පත්වීම මේ වනවිට අභියෝගයට ලක්ව තිබේ.

ජාතික ඔලිම්පික් කමිටුවේ විගණනය නොවූ බව කියන වසර 2012 සිට වසර 2016 දක්වා කාල සීමාවන්ට අයත් ගිණුම් වාර්තා මේ වනවිට රජයේ විගණකාධිපතිවරයා වෙත ඉදිරිපත් කර තිබේ.

නිලවරණය කැඳවීම සඳහා මෙම ගිණුම් වාර්තා පෙබරවාරි මාසය මැද වනවිටවත් අනුමත කර ලබාදීමට කටයුතු යොදන ලෙස ජාතික ඔලිම්පික් කමිටුවේ සභාපතිවරයා රජයේ විගණකාධිපතිවරයාගෙන් මේ වනවිටත් පෞද්ගලිකවම ඉල්ලීමක් කර ඇතැයි ද වාර්තා වේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
මාලිංග ලෝක කුසලාන තරගාවලිය ඉලක්ක කරයි...
2018-10-14 17:23:45
දැන්ම ක්‍රීඩාවෙන් විශ්‍රාම ගැනීම සම්බන්ධයෙන් තවමත් තමාගේ කිසිදු අදහසක් නොමැති බවත්, අවස්ථාව හිමි වුවහොත් 2019 වසරේදී පැවැත්වෙන එක්...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...