. අභියාචනා නවයෙන් හයක්ම පිළිගනී | කෙළිමඬල
2018 ඔක්තෝබර් මස 20 වැනි සෙනසුරාදා
අභියාචනා නවයෙන් හයක්ම පිළිගනී
2018-01-02 21:06:39 | නාමල් පතිරගේ

අවස්ථා කිහිපයකදී නැවත නැවත අත්හිටවූ ශ්‍රී ලංකා පාපැදි සම්මේලනයේ නිලවරණය  (2017-21) මෙම 12 වැනිදා පැවැත්වීම තහවුරු කරමින් ක්‍රීඩා සමාජවලට දැනුවත් කිරීමේ ලිපි යොමු කළ බව එහි ලේකම් ගෲප් කපිතාන් කිත්සිරි ලිීලාරත්න මහතා පවසයි.

එම නිලවරණය එදින පෙරවරු 9ට ටොරින්ටන් පෙදෙසේ ජාතික ක්‍රීඩා විද්‍යායතන ශ්‍රවණාගාරයේදී පැවැත්වීමට කටයුතු යොදා තිබේ. එම අවස්ථාවේදී පැවැත්වෙන මහ සභා රැස්වීමට ක්‍රීඩා සමාජ 58කට සහභාගි වීමට අවසර ලැබුණත් නිලවරණයේදී ඡන්ද විමසුමට සහභාගී කර  ගත්තේ ක්‍රීඩා සමාජ 41ක් පමණක් බවත් ලීලාරත්න මහතා වැඩිදුරටත් පැවැසීය.

මේ අතර ක්‍රීඩා අමාත්‍යාංශයේ අභියාචනා කමිටුවේ විමර්ශනයෙන් පසුව සභාපති අපේක්ෂකත්වය තහවුරු කරගත් අන්තර් ජාතික පාපැදි විනිසුරු එන්. කරුණාරත්න මහතා හා ක්‍රීඩා සමාජ නියෝජිතයන් අතර හමුවක් ලබන සෙනසුරාදා (6) පස්වරු 5ට උස්වැටකෙයියාව නාවික හමුදා ක්‍රීඩා සමාජ පරිශ්‍රයේදී පැවැත්වීමට කටයුතු යොදා තිබේ.

මෙවර පාපැදි නිලවරණයේදී කැපී පෙණුනුම සිදුවීම වන්නේ නිලවරණ කමිටුව තහවුරු කළ සම්මේලනයේ වත්මන් සභාපති වෛද්‍ය අමල් හර්ෂ ද සිල්වා මහතා යළිත් සභාපති ධුරයට ඉදිරිපත් වෙමින් ඉදිරිපත් කළ නාමයෝජනාව අභියාචනා කමිටුව විසින් ප්‍රතික්ෂේප කිරීමෙන් ඔහුට අවසන් මොහොතේදී නිලවරණයෙන් ඉවත්වීමට සිදුවීමය.

ඊට හේතු වූයේ මෙවර නිලවරණයේදී සභාපති ධුරයට නාමයෝජනා බාරදුන් විල්මන් පෙරේරා මහතා ඔහුට එරෙහිව ඉදිරිපත් කළ විරෝධතාවක් අභියාචනා කමිටුව පිළිගැනීමය.

නිලවරණ කමිටුව ප්‍රතික්ෂේප කළත් අභියාචනා කමිටුව පිළිගැනීම තුළ එන්. කරුණාරත්න මහතා හැරුණු විට උපසභාපති ධුරයට තරග වදින නිශාන්ත පියසේන, උපසභාපති හා උපලේකම් ධුර සඳහා තරග වදින නලින් අධිකාරිආරච්චි, උපසභාපති ධුරයකට තරග වදින යූ.ජී. රුද්‍රිගු, සභාපති ධුරයට තරග වදින ඩබ්.එම්.එස්. බණ්ඩාර යන මහත්වරුන්ට නිලවරණයට ඉදිරිපත් වීමේ අවස්ථාව යළි හිමිව තිබේ.

එසේ වුවත් එම්.ජී. ජයසේන (ලේකම් හා භාණ්ඩාගාරික ධුර), ප්‍රදීප් චන්දන සිල්වා (උපසභාපති), කේ.ඒ. උපාලි තාබෲ (උපසභාපති) යන මහත්වරුන්ගේ නාමයෝජනා ප්‍රතික්ෂේප කිරීම අභියාචනා කමිටුව විසින් ද තහවුරු කර තිබේ.

වත්මන් සභාපතිවරයාගේ නාමයෝජනා ප්‍රතික්ෂේප කිරීමට හේතු වූ ප්‍රධානතම කරුණු ලෙස අභියාචනා කමිටුව දක්වා ඇත්තේ ඔහු සම්මේලනයේ සභාපති ධුරය දැරූ සමයේදී (2015) සම්මේලනයේ ගිණුම් වාර්තා ක්‍රීඩා පනතට හා එහි සංශෝධිත රෙගුලාසිවලට අනුව නියමිත කාල වකවානු තුළදී ඉදිරිපත් කිරීමට අපොහොසත් වීමෙන් ඔහු තවදුරටත් ජාතික ක්‍රීඩා සංගමය තනතුරු දැරීමට නුදුසුස්සකු වන බවය.

අභියාචනා කමිටුවේ ප්‍රධානියා ලෙස කටයුතු කළේ ක්‍රීඩා ඇමැතිවරයාගේ උපදේශක මිල්ටන් අමරසිංහ මහතාය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
මාලිංග ලෝක කුසලාන තරගාවලිය ඉලක්ක කරයි...
2018-10-14 17:23:45
දැන්ම ක්‍රීඩාවෙන් විශ්‍රාම ගැනීම සම්බන්ධයෙන් තවමත් තමාගේ කිසිදු අදහසක් නොමැති බවත්, අවස්ථාව හිමි වුවහොත් 2019 වසරේදී පැවැත්වෙන එක්...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...