. රෝද හතරෙන් ත්‍රාසජනක ගමනක් | කෙළිමඬල
2018 ඔක්තෝබර් මස 16 වැනි අගහරුවාදා
රෝද හතරෙන් ත්‍රාසජනක ගමනක්
2018-01-04 17:28:50 | ශානුක අරවින්ද සහ ගම්පහ තිලකරත්න දිසානායක

ඕනෑම භූමි ප්‍රදේශයක ගමන් කළ හැකි රෝද හතරකින් සමන්විත යතුරුපැදි පදවමින්, ත්‍රාස ජනක මෙන්ම විනෝද ජනක අත්දැකීමක් ලැබිය හැකි ධාවන පථයක් සහිත වික්‍රමාන්විත ක්‍රීඩා පරිශ්‍රයක් ගම්පහ, බුත්පිටිය, මාලිගාතැන්න ප්‍රදේශයේදී අද (4 වැනිදා) විවෘත කෙරිණ. මෙම ක්‍රීඩා පරිශ්‍රය දෙස් විදෙස් සංචාරකයින්ට විවෘත වෙයි. 

ක්‍රේට් ඇඞ්වෙන්චර් සමාගමේ අධ්‍යක්ෂ, පරිසරවේදී, රනුල් තන්තිලගේ මහතාගේ සංකල්පයකට අනුව අක්කර 50 ක පමණ භූමි ප්‍රමාණයකින් යුක්ත ගල් සහ කඳු සහිත වනපෙතක් ආශ්‍රිතව මෙම ධාවන පථය සහිත ක්‍රීඩා පරිශ්‍රය ඉදිකර තිබේ. 

සිලින්ඩර් ධාරිතාව 90 සිට 600 දක්වා වන ‘අවුට් ලෑන්ඩර්’ වර්ගයේ රෝද හතරකින් සමන්විත යතුරුපැදි 10 ක් පමණ ඇති අතර එම යතුරුපැදි පැදවීමට අවශ්‍ය පුහුණුවද ක්‍රීඩා පරිශ්‍රයේදීම ලබාදීමට එහි නිර්මාතෘවරුන් කටයුතු යොදා තිබේ. මෙම ‘අවුට් ලෑන්ඩර්’ යතුරුපැදි කැනඩාවේ සමාගමක් විසින් නිපදවන ලද නවතම රෝද හතරේ යතුරුපැදි විශේෂයකි. ‘කයාක්’ ඔරු පැදීම සඳහා ස්වභාවික ජලාශයක්ද මෙම ක්‍රීඩා පරිශ්‍රයේ පිහිටා තිබෙන අතර යතුරුපැදි පදවීමට අමතරව ‘කයක්’ ඔරු පැදීම මගින්ද සංචාරකයින්ට විනෝදාස්වාදයක් ලබාගත හැකිය. 

කැනඩාව, ඇමරිකාව සහ එංගලන්තය ඇතුලු බටහිර සහ යුරෝපා රටවල ඉතාමත් ජනප්‍රිය මෙවන් වික්‍රමාන්විත ක්‍රීඩා ඉසව් සඳහා ශ්‍රී ලංකාව තුළ වෙනමම ක්‍රීඩා පරිශ්‍රයක් ඉදිකරනු ලැබූ පළමු අවස්ථාව මෙයයි. 

මෙම ක්‍රීඩා පරිශ්‍රය විවෘත කිරීමේ අවස්ථාව සඳහා කලාකීර්ති ආචාර්ය එඞ්වින් ආරියදාස මහතාද එක්ව සිටියේය. මේ වන විට 96 වැනි වියේ පසුවන එඞ්වින් ආරියදාස මහතාද, රනුල් තන්තිලගේ මහතා සමග රෝද හතරේ යතුරුපැදියක නැග ධවන පථය වටා යමින් එම ත්‍රාස්‍ය ජනක අත්දැකීමට මුහුණ දුන්නේය. මහර ප්‍රාද්ශීය සභාවේ ලේකම් එස්.ඒ.එන්. ඉන්ද්‍රජිත්, කාර්ය භාර නිලධාරිණී සුලාරි පෙරේරා, මාධ්‍යවේදී කුමාරසිරි හෙට්ටිගේ යන මහත්ම මහත්මීහුද මෙම අවස්ථාවට එක්ව සිටියහ. 

‘ක්‍රියේට් ඇඞ්වෙන්චර්’ පුද්ගලික සමාගමේ අධ්‍යක්ෂවරුන් ලෙස අනුර තන්තිලගේ මහතා සහ පද්මලතා අබේසිංහ මහත්මියද කටයුතු කරති.

ඡායාරූප - ශානුක අරවින්ද

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...