. රූට්ගේ දැවී යාමෙන් එංගලන්තය ඇද වැටෙයි | කෙළිමඬල
2018 ඔක්තෝබර් මස 15 වැනි සඳුදා
රූට්ගේ දැවී යාමෙන් එංගලන්තය ඇද වැටෙයි
2018-01-04 18:16:48 | ...

ශතකයක් කරා යමින් සිටි එංගලන්ත නායක ජෝ රූට්ගේ ගමන අවහිර කළ ඕස්ටේ්‍රලියානුවෝ සිඞ්නි ක්‍රිකට් ක්‍රීඩාංගණයේදී පැවැත්වෙන පස්වැනි සහ අවසන් අළු බඳුන තරගයේ පළමු දිනය වන අද (4 වැනිදා) නිමා වන විට තරගයේ පාලනය යම් තරමකට රැකගෙන සිටියහ. තරගයේ පළමු දිනය වූ අද සවස ක්‍රීඩාව නතර කරන විට එංගලන්ත පිල කඩුලු 5 ක් දැවී ලකුණු 233 ක් ලබා සිටියේය.

පළමු වතාවට අළු බඳුන තරගාවලියේ නායකත්වය දරන ජෝ රූට් මේ වන විටත් තරගාවලිය පරාජය වී හමාරය. එහෙත් කණ්ඩායම වෙනුවෙන් සටන් වැදීම තවමත් අතහැර දමානැත. ඬේවිඞ් මැලන් සමග එක්ව සිව්වැනි කඩුල්ල වෙනුවෙන් ලකුණු 133 ක සම්බන්ධතාවක් ගොඩනැංවූ ජෝ රූට්ගේ අභිප්‍රාය වන්නේ අඩුතරමේ අවසන් ටෙස්ට් තරගය හෝ ජයගනිමින් කණ්ඩායමේත් තමන්ගේ නම්බුව බේරා ගැනීමයි. ඒ සම්බන්ධයෙන් බලාපොරොත්තු තබා සිටි ජෝ රූට් පිටියේ රැඳී සිටියදී කඩුලු 3 කට ලකුණු 228 ක් ලබා සිටි එංගලන්ත කණ්ඩායම, රූට් දැවීයාමෙන් ඕවරයකට පසුව කඩුලු 5 කට 233 ක් ලෙසින් ඇද වැටිණ. විනාශය රැගෙන ආවේ දෙවැනි නව පන්දුවෙනි.


ඉතාමත් හොඳින් පන්දුවට පහර දෙමින් සිටි නායක ජෝ රූට් (83) සිය ශතකයට ලකුණු 17 ක් ඈතින් සිටියදී ගැසූ අලංකාර ෆ්ලික් පහරකින් පන්දුව ඇදී යද්දී ස්ක්වෙයාර් ලෙග්හි සිටි මිචෙල් මාෂ් විසින් අති විශිෂ්ට අයුරින් එය උඩපන්දුවක් බවට පත්කරගන්නා ලදි. උඩපන්දුව රැකගත් ආකාරය රූට්ටම අදහාගත නොහැකි විය.

මඳ වේලාවක් තණතීරුවේ වාඩිවී සිටි රූට් අනතුරුව හිස දෙපසට වනමින් ක්‍රීඩාගාරය වෙත පියමැන්නේය. ලෝකයේ මේ වන විට සිටින විශිෂ්ටතම පිතිකරුවන් වන විරාට් කෝලි, කේන් විලියම්සන් සහ ස්ටීව් ස්මිත් සමග සමතැන් ලා සැලකෙන ජෝ රූට් දැවීයන විට දිනයේ ඉතිරිව තිබුණේ ඕවර දෙකක් පමණි.


“එයා ලකුණු 50 කට දැවී ගියත් ලකුණු 150 කට දැවී ගියත් එයා ආපසු ක්‍රීඩාගාරයට යන්නේ කණගාටුවෙන් තමයි. ඒත් ලකුණු ලබාගන්න වුණාම ප්‍රතිවාදීන් සසළ කරමින් ලකුණු ලබාගන්න එයාට පුළුවන්” යයි සහායක පිතිකරු ඬේවිඞ් මැලන් සිය නායකයා සම්බන්ධයෙන් පැවසීය.


කාසියේ වාසිය දිනා පන්දුවට පහර දීම තෝරා ගත් එංගලන්ත පිලේ මුල් කඩුලු තුනම ලකුණු 95 කට ඇද වැටිණ.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...