. පන්දු යවන්නෝ ඉන්දියාව අමාරුවේ දමති | කෙළිමඬල
2018 අගෝස්තු මස 15 වැනි බදාදා
පන්දු යවන්නෝ ඉන්දියාව අමාරුවේ දමති
2018-01-05 22:01:27 | .

දකුණු අප්‍රිකාව සහ ඉන්දියාව අතර කේප්ටවුන්හි නිවුලැන්ඞ් ක්‍රීඩාංගණයේදී අද (5 වැනිදා) ආරම්භවූ පළමු ටෙස්ට් තරගයේ පළමු දිනය නිමාවන විට පළමු ඉනිම වෙනුවෙන් පන්දුවට පහරදෙමින් සිටි ඉන්දියාව ලකුණු 28 කට කඩුලු 3 ක් අහිමිකරගෙන සිටියේය. පළමු දිනය සඳහා තරගය නතර කරන විට චිතේෂ්වර් පුජාරා ලකුණු 5 ක් රැස්කර සිටි අතර රෝහිත් ශර්මාට ලකුණු ලබාගැනීමට අවස්ථාවක් උදානොවීය.

කාසියේ වාසිය දිනා පළමුව පන්දුවට පහරදුන් දකුණු අප්‍රිකාවට සියලුදෙනා දැවී පළමු ඉනිම සදහා රැස්කිරීමට හැකිවූයේ ලකුණු 286 ක් පමණි. පළමු කඩුලු තුන ලකුණු 12 ක් තුළ දවාගනිමින් දකුණු අප්‍රිකානු පිතිකරුවන්ට පීඩනයක් ඇති කිරීමට සමත්වුවද නැවත කඩා වැටුණු ඉනිම ගොඩනැගීමට ඒ.බී. ඩිවිලියර්ස් සහ ෆෆ් ඩුප්ලෙසීස් සමත්වූහ.

ඒ.බී. ඩිවිලියර්ස් සහ ෆෆ් ඩුප්ලෙසීස් සිවුවැනි කඩුල්ල සදහා ලකුණු 114 ක සම්බන්ධතාවයක් ගොඩනැගූ අතර ලකුණු 65 ක් රැස්කර සිටි ඩිවිලියර්ස් දැවී යාමත් සමගින් එම සම්බන්ධතාවයට තිත තැබුණි. පන්දු 84 කදී වාර්තාවූ ඩිවිලියර්ස්ගේ ඉනිමට හතරේ පහර 11 ක් ඇතුළත්විය. පන්දු 104 කදී ලකුණු 64 ක් රැස්කර සිටි ෆෆ් ඩුප්ලෙසීස් දැවීයන විට ඔහුගේ ඉනිම හතරේ පහර 12 කින් අලංකාර විය.

පසුපෙළ පිතිකරුවන් තමන්ට හැකි උපරිමයෙන් දායකත්වය ලබාදීම හේතුවෙන් ඉන්දිය කණ්ඩායමට තරගයක් දියහැකි ලකුණු සංඛ්‍යාවක් කරා යෑමට දකුණු අප්‍රිකානුවන්ට අවස්ථාව හිමිවූහ.

දකුණු අප්‍රිකානු පිතිකරුවන්ට තර්ජනයක්වූ බුවනේෂ්වර් කුමාර් ලකුණු 87 කට දකුණු අප්‍රිකානු පිතිකරුවෝ සිවුදෙනෙකු ක්‍රීඩාගාරය වෙත යැවීමට හැකිවිය.


දකුණු අප්‍රිකාව - පළමු ඉනිම - ඕවර 73.1 කදී සියලුදෙනා දැවී ලකුණු 286
(ඒ.බී. ඩිවිලියර්ස් 65, ෆෆ් ඩුප්ලෙසීස් 62, කුයින්ටන් ඩිකොක් 43, වර්නන් ෆිලැන්ඩර් 23, කේෂව් මහරාජ් 35, කගීසෝ රබාඩා 26, බුවනේෂ්වර් කුමාර් 87/4, රවිචන්ද්‍රන් අශ්වින් 21/2)

ඉන්දියාව - පළමු ඉනිම - ඕවර 11 කදී කඩුලු 3 ක් දැවී ලකුණු 28

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...