. සී. එච්. පිලට පෙරළිකාර ජයක් | කෙළිමඬල
2018 ඔක්තෝබර් මස 22 වැනි සඳුදා
සී. එච්. පිලට පෙරළිකාර ජයක්
2018-01-07 11:42:54 | මොහාන් ප්‍රනාන්දු

අන්තර් සමාජ පළමුපෙළ ඩයලොග් ලීග් රග්බි තරගාවලියේ දෙවැනි වටයේ දෙවැනි සති අන්තය උඩුයටිකුරු කරමින් හැව්ලොක්ස් ක්‍රීඩා සමාජයට එරෙහිව ලකුණු 27-25 ක පෙරළිකාර ජයක් වාර්තා කිරීමට සී.එච්.ඇන්ඞ් එෆ්.සී. ක්‍රීඩා සමාජය සමත්විය. 

තරගයේ පළමු භාගය නිමාවෙද්දී ලකුණු 25-13 කින් පෙරමුණ ගෙන සිටි හැව්ලොක්ස් ක්‍රීඩකයෝ ජයග්‍රහණ මාවතේ සෑහෙන දුරක් ගොස් සිටියහ. එහෙත් දෙවැනි භාගය පුරාම ආක්‍රමණශීලී තරග රටාවක් පෙන්නුම් කළ සී.එච්. පිලේ ක්‍රීඩකයන් හැව්ලොක්ස් පිලේ ජයග්‍රහණය ආපසු හැරවූයේ විස්මිත අයුරිනි. 

දෙවැනි භාගය පුරාම හැව්ලොක්ස් පිල ඇද බැඳ තබාගත් සී.එච්. ක්‍රීඩකයන් හැව්ලොක්ස් පිලට කිසිදු ලකුණක්වත් නොදීම ගෝල 2 ක් රැස් කරමින් ජයග්‍රහණය කරා ගියහ. 

හිරන්ත පෙරේරා තැබූ උත්සාහක දිනුමක් රීසා මුබාරක් විසින් ගෝලයක් බවට ප්‍රවර්තනය කරනු ලැබීමෙන් ලකුණු 7-0 කින් පෙරමුණ ගත් හැව්ලොක්ස් පිල ලසිඳු ඉෂාන්ගේ උත්සාහක දිනුමෙන් ලකුණු සංඛ්‍යාව 12 දක්වා ඉහළ දමාගත්තේය. 

අනතුරුව ලද දඬුවම් පහරක් සාර්ථක කරගත් සැමුවෙල් මධුවන්ත ලකුණු 3 කින් සී.එච්. පිලේ ලකුණු ලබාගැනීම ආරම්භ කළේය. ඊට මොහොතකට පසුව තරගයේ සිය පළමු උත්සාහක දිනුම තැබීමට සී.එච්.පිලේ ඉරංග ආරියපාල සමත්විය. මධුවන්ත විසින් එය ගෝලයක් බවට ප්‍රවර්තනය කිරීමෙන් සී.එච්.පිල ලකුණු 10 දක්වා ඉහළ ගියේය. 

ඉන් අනතුරුව පළමු භාගය නිමාවනතුරු තරගය සියතට ගත් හැව්ලොක්ස් පිල රීසා මුබාරක් සාර්ථක කරගත් දඬුවම් පහර 2කින් සහ ශෙහාන් ඩයස් තැබූ උත්සාහක දිනුමකින් ලකුණු සංඛ්‍යාව 25 දක්වා ඉහළ දමා ගත්තේය. ඒ අතරතුර ඩ්‍රොප් ගෝලයක් නිවැරැදිව එල්ල කළ සැමුවෙල් මධුවන්ත සී.එච්.පිලේ ලකුණු සංඛ්‍යාව 13 දක්වා ඉහළ දැමීමට සමත්විය.

එහෙත් තරගයේ දෙවැනි භාගය පුරාම හැව්ලොක්ස් පිල අන්දමන්ද කළ සී.එච්.පිල වෙනුවෙන් අවන්ත ලී තැබූ අගනා උත්සාහක දිනුම සැමුවෙල් විසින් ගෝලයක් බවට ප්‍රවර්ථනය කරනු ලැබීමෙන් ලකුණු 20ක් ඉදිරියට ගිය අතර තරගය නිමාවීමට මිනිත්තු 8කට පෙර ඉරංග ආරියපාල තැබූ දෙවැනි උත්සාහක දිනුමෙන් තරගයේ වාසිය සියතට ගත්තේය. සැමුවෙල් විසින් එම උත්සාහක දිනුමත් ගෝලයක් බවට ප්‍රවර්තනය කිරීමට සමත්වීමත් සමග ලකුණු 27-25 කින් පෙරමුණ ගැනීමට සී.එච්.පිලට හැකිවිය.

ඉතිරි කාලය තුළ හැව්ලොක්ස් පිලට හිස එසැවීමට සී.එච්.පිල ඉඩ දුන්නේම නැත. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තය එක්දින තරගාවලිය ජයගනී...
2018-10-20 10:13:07
ශ්‍රී ලංකාව සහ එංගලන්තය අතර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී අද (20 වැනිදා) පැවැති සිවුවැනි එක්දින තරගයෙන් ඩක්...
ශ්‍රී ලංකාව පරාජයෙන් බේරීමේ මං සොයයි...
2018-10-19 17:58:44
මේ වන විට තරග 2 ක් පරාජය වී ඇති බැවින් කෙසේ හෝ ඉතිරි තරග 2 ජයගනිමින් එංගලන්තයට  එරෙහිව පැවැත්වෙන එක්දින තරගාවලිය 2-2 ක් ලෙස සම තත්වයට...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...