. ඕස්ට්‍රේලියාව 4-0 කින් අළු බඳුන ජයගනියි | කෙළිමඬල
2018 ජනවාරි මස 23 වැනි අගහරුවාදා
ඕස්ට්‍රේලියාව 4-0 කින් අළු බඳුන ජයගනියි
2018-01-08 19:39:49 | .

එංගලන්ත කණ්ඩායමට එරෙහිව සිඩ්නි ක්‍රීඩාංගණයේදී පැවැති අවසන් ටෙස්ට් ක්‍රිකට් තරගයෙන් ඉනිමක සහ ලකුණු 123 ක ජයක් අත්කරගත් ඕස්ට්‍රේලියානු කණ්ඩායම, දෙරට අතර පැවැති අළු බඳුන තරගාවලිය 4-0 ක් ලෙස ජයගැනීමට අද (8 වැනිදා) සමත් විය.

ඉනිමක පරාජයෙන් ගැළවීම සඳහා ලකුණු 303 ක් රැස්කිරීමේ අභියෝගයකට මුහුණදුන් එංගලන්ත කණ්ඩායම සිය දෙවැනි ඉනිම වෙනුවෙන් සියලු දෙනා දැවී රැස්කරගත හැකි වූයේ ලකුණු 180 ක් පමණි. එහිදී දක්ෂ පන්දු යැවීමක නිරත වූ පැට් කමින්ස් ලකුණු 39 කට කඩුලු 4 ක් දවාගත් අතර එංගලන්ත ඉනිම අඩු ලකුණු සංඛ්‍යාවකට සීමා කිරීම සඳහා ඔහුට අනගි සහායක් දුන් නේදන් ලයන් ලකුණු 54 කට කඩුලු 3 ක් දවාගත්තේය.
 
සිවුවැනි දිනය වූ ඊයේ (7 වැනිදා) තරගය නතර කරන විට කඩුලු 4 ක් දැවී ලකුණු 93 ක් ලබා සිටි එංගලන්ත කණ්ඩායමට අද දිනයේදී සිය දෙවැනි ඉනිමට අලුතින් එක්කරගත හැකි වූයේ ලකුණු 87 ක් පමණි.

ලකුණු 13 ක් ලබා සිටි මුයින් අලී කඩුල්ල මුවා කිරීමේ වරදට හසුකර ගනිමින් දිනයේ පළමු කඩුල්ල ලෙස පිටියෙන් ඉවත් කිරීමට නේදන් ලයන් සමත් විය. ඉන් අනතුරුව ක්‍රියාත්මක වූ පැට් කමින්ස්, ලකුණු 38 ක් ලබා සිටි ජොනී බෙයාස්ට්‍රෝ මෙන්ම ඔහුගේ දැවී යෑමෙන් අනතුරුව පිටියට පිවිසි ස්ටුවට් බ්‍රෝඞ්ද එකම ඕවරයක් තුළ ආපසු ක්‍රීඩාගාරයට හරවා යැවීය.

එංගලන්ත ඉනිමේ අවසන් පිතිකරුවන් දෙදෙනා වූ මේසන් ක්‍රේන්ට (2) සහ ජේම්ස් ඇන්ඩසන්ටද (2) වැඩි වේලාවක් කඩුල්ලේ රැදී සිටීමට අවස්ථාවක් නොලැබුණ අතර පැට් කමින්ස්ගේ සහ ජොස් හෙසල්වුඞ්ගේ පන්දු හමුවේ කඩුලු රකින ක්‍රීඩක ටිම් පේන් අතට උඩ පන්දු දෙමින් ඔවුහු දැවී ගියහ.

ඉනිම් දෙකේදීම ලකුණු 119 කට කඩුලු 8 ක් දවාගත් පැට් කමින්ස් අවසන් තරගයේ වීරයා ලෙස සම්මාන දිනාගත් අතර තරග පහේදී ඉනිම් 6 ක් තුළ ද්විත්ව ශතකයක්, ශතක 2 ක් සහ අර්ධ ශතක 2 ක් සමගින් ලකුණු 681 ක් රැස්කළ ස්ටීවන් ස්මිත් තරගාවලියේ වීරයා ලෙස සම්මාන ලැබීය.


- 036

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
සිම්බාබ්වේට ලකුණු 12 ක ජයක්...
2018-01-17 18:45:02
බංග්ලාදේශයේදී පැවැත්වෙන තුන්කොන් ක්‍රිකට් තරගාවලියේ ඩකාහිදි පැවැති දෙවැනි තරගයේදී ශ්‍රී ලංකාවට එරෙහිව ලකුණු 12 ක ජයක් හිමිකර ග...
ශ්‍රී ලංකාවට කඩුලු 5 ක ජයක්...
2018-01-21 11:50:03
තිසර පෙරේරාගේ (නොදැවී 39 සහ 33/4) තුන් ඉරියව් දස්කම් හේතුවෙන් බංග්ලාදේශයේදී පැවැත්වෙන තුන්කොන් ක්‍රිකට් තරගාවලියේ ඩකා හ...
බංග්ලාදේශයට ලකුණු 163 ක දැවැන්ත ජයක්...
2018-01-19 17:45:39
ශ්‍රී ලංකාව, බංග්ලාදේශය සහ සිම්බාබ්වේ අතර බංග්ලාදේශයේ ශ්රේ බංග්ලා ක්‍රීඩාංගණයේදී පැවැත්වෙන තුන් කොන් ක්‍රිකට් තරගාවලියේ තෙවැනි...
හතුරුසිංහට අපි බය නෑ - මොර්ටසා...
2018-01-18 22:16:15
තමන්ගේ හිටපු පුහුණුකරුවා වන චන්දික හතුරුසිංහ මහතා ශ්‍රී ලංකා කණ්ඩායමේ පුහුණුකරුවා වීම සම්බන්ධයෙන් බංග්ලාදේශය බිය නොවන බව බංග්ලාදේශ එක්...
ශ්‍රී ලංකාව සහ බංග්ලාදේශය අතර තරගය...
කවුරු පුහුණුකරු වුනත් වැඩක් නෑ. අපේ අයට දැන් පණ නෑ. හොඳම වැඩේ ක්‍රිකට් ක්‍රීඩාවට දෙන තැන මදක් අඩු කරලා අනෙක් ක්‍රීඩා වලට තැන දෙන එකයි. දැන් ඉන්න කට්ටි...
බංග්ලාදේශයට ලකුණු 163 ක දැවැන්ත ජයක්...
ලංකාවේ ඔක්කොම අංජ බජල් ...
හතුරුසිංහගෙන් එඩිතර ප්‍රකාශයක්...
අසේල ගුණරත්න ටෙස්ට් කණ්ඩායමෙන් ඉවත් කිරීම ගැටළුවක්. ඉන්දියානු සංචාරයේ තරමක් අසාර්ථක වුණත් ඔහු ටෙස්ට් කණ්ඩායමේ සිටිය යුතුම සටන්කාමී ක්‍රීඩකයෙක්. ඉහල පව...
ශ්‍රී ලංකා පිල පිටත්ව යයි...
දැන් තමයි හොඳම ටීම් එක ඉන්නේ... සුබ පතමි...
මනසින් ගනුදෙනු කරන හතුරුසිංහ ...
නියමයි.. වෙන්න ඕනේ ඒ දේ තමයි... සුබපැතුම් !!! ...