. ගප්ටිල් - ටේලර් නවසීලන්තයට ජය ගෙනෙති | කෙළිමඬල
2019 ජනවාරි මස 24 වැනි බ‍්‍රහස්පතින්දා
ගප්ටිල් - ටේලර් නවසීලන්තයට ජය ගෙනෙති
2018-01-09 17:31:09 | .

සංචාරක පාකිස්තාන කණ්ඩායමට එරෙහිව නෙල්සන්හි සැක්ස්ටන් ක්‍රීඩාංගණයේදී අද (9 වැනිදා) පැවැති දෙවැනි එක්දින තරගයෙන් ඩක්වත් ලුවිස් න්‍යායට අනුව කඩුලු 8 ක ජයක් අත්කර ගැනීමට සත්කාරක නවසීලන්ත කණ්ඩායම සමත් විය. 

වර්ෂාව නිසා නවසීලන්ත ඉනිම ඕවර 25 කට සීමා වූ අතර එහිදී ජයග්‍රහණය සඳහා ඔවුන්ට ලකුණු 151 ක ඉලක්කයක් හිමි විය. පන්දු 7 ක් ඉතිරිව තිබියදී කඩුලු 2 ක් පමණක් දැවී එම ඉලක්කය සපුරාගත් නවසීලන්ත ක්‍රීඩකයෝ කඩුලු 8 කින් ජය ලැබීය. 

තෙවැනි කඩුල්ල වෙනුවෙන් පන්දු 86 කදී ලකුණු 104 ක නොබිඳුණ සම්බන්ධතාවක් ගොඩනැගූ මාටින් ගප්ටිල් (නොදැවී 86) සහ රොස් ටේලර් (නොදැවී 45) නවසීලන්ත කණ්ඩායම ජයග්‍රහණය කරා ගෙන ගියහ. පන්දු 71 කදී වාර්තා වූ ගප්ටිල්ගේ අර්ධ ශතකයට හයේ පහර 5 ක් සහ හතරේ පහර 5 ක් ඇතුළත් වූ අතර පන්දු 43 කදී වාර්තා වූ ටේලර්ගේ ඉනිමට සහ හතරේ පහර 4 ක් අන්තර්ගත විය. 

පළමුවෙන් පන්දුවට පහරදුන් පාකිස්තාන කණ්ඩායම ඕවර 50 අවසානයේ කඩුලු 9 ක් දැවී ලකුණු 246 ක් රැස්කළ අතර මොහොමඞ් හෆීස් (60), ෂඩාඞ් ඛාන් (52) සහ හසන් අලී (51) එහිදී අර්ධ ශතක ලබාගත්හ. 

පන්දු 71 කට මුහුණදුන් හෆීස් සිය අර්ධ ශතකය හතරේ පහර 8 කින් අලංකාර කළ අතර පන්දු 68 කදී වාර්තා වූ ශඩාබ් ඛාන්ගේ ඉනිම හයේ පහරකින් සහ හතරේ පහර 3 කින් සමන්විත විය. පාකිස්තාන ඉනිමේ අවසන් ඕවර කිහිපයේදී වේගවත් පිතිහරඹයක නිරත වූ හසන් අලී පන්දු 31 කදී අර්ධ ශතකය සම්පූර්ණ කළේ හයේ පහර 4 ක් සහ හතරේ පහර 4 ක් සමගිනි. 

දක්ෂ පන්දු යැවීමක නිතර වූ ලොකී ෆර්ගියුසන් ලකුණු 39 කට කඩුලු 3 ක් දවාගනිමින් පාකිස්තාන පිතිකරුවන් අසරණ කළ අතර ඒ සඳහා ඔහුට අනගි සහායක් දුන් ට්‍රොඞ් ඇස්ටේල් සහ ටිම් සවුති කඩුලු 2 බැගින් දවාගත්හ. 

පාකිස්තානය - ඕවර 50 කදී කඩුලු 9 ක් දැවී 246 
(මොහොමඞ් හෆීස් 60, ෂොයිබ් මලික් 27, ෂඩාඞ් ඛාන් 52, හසන් අලී 51, ලොකී ෆර්ගියුසන් 39/3, ට්‍රොඞ් ඇස්ටේල් 50/2, ටිම් සවුති 57/2) 

නවසීලන්තය - ඕවර 23.5 කදී කඩුලු 2 ක් දැවී 151 
(මාටින් ගප්ටිල් නොදැවී 86, රොස් ටේලර් නොදැවී 45) 

-036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අවිශ්ක - මිලින්ද ‘ඒ’ පිල දිනවති...
2019-01-19 10:02:21
සංචාරක අයර්ලන්ත ‘ඒ’ කණ්ඩායම එරෙහිව සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී අද (19 වැනිදා) පැවැත...
ක්‍රිකට් කාපාළුවෝ ක්‍රීඩා ඇමතිටත් අල්ලස් දෙන්න හදත...
2019-01-18 20:45:26
  ශ්‍රී ලංකා ක්‍රිකට් කණ්ඩායමට ක්‍රීඩකයන් ඇතුළත් කිරීම සඳහා තමන්ට අල්ලස් දීමට තැත්කළ අය පිළිබඳව ජාත්‍යන්තර ක්...
පැටර්සන් - ඩෝරන් ඕස්ට්‍රේලියානු පිල ඔසවා තබති ...
2019-01-17 05:20:22
සංචාරක ශ්‍රී ලංකා කණ්ඩායම සහ ඕස්ට්‍රේලියානු  ක්‍රිකට් ආයතන කණ්ඩායම අතර හෝබාට්හි බෙලෙරිව් ඕවල් ක්‍රීඩාංගණයේදී අද (1...
නුවන් ප්‍රදීප්ට ටෙස්ට් තරගාවලිය අහිමිවෙයි ...
2019-01-20 15:00:49
ඕස්ට්‍රේලියානු ක්‍රිකට් ආයතන කණ්ඩායමට එරෙහිව පැවැති තෙදින දිවා-රාත්‍රී පුහුණු තරගයේදී කලවේ ආබාධයකට ලක්වූ නුවන් ප්‍රදීප්ට ශ්...