. හොකී නිලවරණය කැඳවයි | කෙළිමඬල
2018 දෙසැම්බර් මස 12 වැනි බදාදා
හොකී නිලවරණය කැඳවයි
2018-01-09 19:34:08 | නාමල් පතිරගේ

වසර තුනකට ආසන්න කාලයක් තිස්සේ අත්හිටුවා තිබූ ශ්‍රී ලංකා හොකී සම්මේලනයේ නිලවරණය කැඳවීමේ ගැසට් නිවේදනය නිකුත් කිරීමට ක්‍රීඩා අමාත්‍යාංශය සැරසේ. ගැසට් නිවේදනය නිකුත් කිරීමෙන් පසුව එතැන් සිට දින 40 ක් තුළදී නිලවරණය පවත්වා අවසන් කිරීමට මේ වන විට සැලසුම්  කර තිබේ.

ජාතික ඔලිම්පික් කමිටුවේ සාමාජික සංගමයක් ද වන හොකී සම්මේලන නිලවරණය පෙබරවාරි මස 23 වැනිදා කැඳවීමට නියමිතය.
හොකී සම්මේලනයේ නිලවරණය 2015 මාර්තු 31 වැනිදා පැවැත්වීමට නියමිතව තිබියදී එය අත්හිටුවීමට එවකට  ක්‍රීඩා අධ්‍යක්‍ෂ ජනරාල්වරයා ලෙස කටයුතු කළ කේ.ඩී. රුවන්චන්ද්‍ර මහතා කටයුතු කළේය. හොකී සම්මේලනය ක්‍රියාකාරිත්වය අත්හිටුවා තිබෙන තත්ත්වයක් තුළ එහි කටයුතු පවත්වාගෙන යාමේ නිසි බලධාරියා ලෙස කටයුතු කරන්නේ වත්මන් ක්‍රීඩා අධ්‍යක්‍ෂ ජනරාල් සමන් බණ්ඩාර මහතාය.

කෙසේ වුවත් හොකී සම්මේල නිලවරණය 2015 මැයි 23 වැනිදා පැවැත්වීමට නියමිතව තිබුණද එය නැවත වරක් කල් දැමීමට සිදු වූයේ ඒ සඳහා ඉදිරිපත්ව තිබූ නාමයෝජනා සම්බන්ධයෙන් උද්ගත වූ අර්බුදයක් හේතුවෙනි. එම නාමයෝජනා කීපයක් ගැසට් පත්‍රයට අනුකූල නොවන බැවින්ද එම නාමයෝජනා ඉදිරිපත් කළ ඇතැම් නිලධාරීන් තනතුරු දැරීමේ උපරිම කාලසීමාව වන සිව් වසරක් සම්පූර්ණකර තිබූ අය බැවින් ද එම නිලවරණය නැවතත් කල්දැමීමට සිදුවිය.

හොකී නිලවරණය කැඳවීමේ නැවත උත්සාහයක් ලෙස ඒ සඳහා 2015 ජූලි 3 වැනිදා නාමයෝජනා බාර ගැනීමට තීරණය වී තිබියදී සාමාජික සංගම් අටකට ඒ සඳහා අවස්ථාව නොලැබුණු බව දක්වමින් අභියාචනාධිකරණයේ පැවරූ නඩුවක් හේතුවෙන් නිලවරණය පැවැත්වීමේ ක්‍රීඩා අමාත්‍යාංශයේ එවර උත්සහයද අසාර්ථක විය. එම කමිටුව අනුව හොකී සම්මේලනයේ නිලවරණය සහ මහ සභා රැස්වීම අත්හිටුවීමේ නියෝගයක් 2015 ජූලි 22 වැනිදා අධිකරණය විසින් ලබා දී තිබේ.

හොකී සම්මේලනයේ එම පරිපාලන අර්බුද පැන නැගුණු එහි සභාපතිවරයා ලෙස කටයුතු කරමින් සිටියේ ජ්‍යෙෂ්ඨ නියෝජ්‍ය පොලිස්පති සුමිත් එදිරිසිංහ මහතාය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...