. ලක්‍ෂ 5 ක වැටුපකට සර්බියානු පුහුණුකරුවෙක් | කෙළිමඬල
2019 අපේ‍්‍රල් මස 23 වැනි අගහරුවාදා
ලක්‍ෂ 5 ක වැටුපකට සර්බියානු පුහුණුකරුවෙක්
2018-01-10 11:03:30 | සුසිල් ප්‍රේමලාල්
දෙවසරක කොන්ත්‍රාත් කාලයක් සඳහා සර්බියානු ජාතික වොලිබෝල් පුහුණුකරුවෙකු ලබන පෙබරවාරි මාසයේ ශ්‍රී ලංකාවට ගෙන්වීමට ශ්‍රී ලංකා වොලිබෝල් සම්මේලනය තීරණය කර ඇත. ක්‍රීඩා අමාත්‍යංශයේ මැදිහත් වීමෙන් මෙම පුහුණුකරු ලංකාවට ගෙන්වන අතර ඒ සඳහා වන කොන්ත්‍රාත් ගිවිසුම දැනටමත් සකස් කර ඇති බව ශ්‍රී ලංකා වොලිබෝල් සම්මේලනයේ ලේකම් ඒ.එස් නාලක මහතා පවසයි.
 
දේජාන් වුලිසිවික් නම් වූ මෙම වොලිබෝල් පුහුණුකරුගේ කොන්ත්‍රාත් කාලයේදී ඔහුගේ මාසික වේතනය ඇමරිකානු ඩොලර් 3500 කි. එය ශ්‍රී ලංකා මුදලින් රුපියල් ලක්‍ෂ 5 ඉක්මවයි. 
 
ලබන සැප්තැම්බර් 15 සිට 23 දක්වා ශ්‍රී ලංකාවේ හෝ වෙනත් රටක පැවැත්වීමට නියමිත 2018 ආසියානු අභියෝග කුසලතා පිරිමි තරගාවලිය සඳහා කණ්ඩායම මෙහෙයවීම සර්බියානු විශේෂඥ පුහුණුකරුට හිමිවන ප්‍රධාන ඉලක්කයයි. රටවල් 8 ක සහභාගිත්වයෙන් පැවැත්වෙන එම තරගාවලියේදී ශ්‍රී ලංකාව පළමු කණ්ඩායම් 3 අතරට ගෙන ආයුතු බව එම පුහුණුකරුවාට දී ඇති ඉලක්කයයි. 
 
පළමු වසර ඇතුළත දී දක්වන ප්‍රගතිය මත කොන්ත්‍රාත් කාලය දෙවැනි වසර දක්වා දීර්ඝ කිරීමට පුහුණුකරු හා ශ්‍රී ලංකා වොලිබෝල් සම්මේලනය එකඟතා ගිවිසුමකට එළඹෙනු ඇත.
 
මෙම වසර ඇතුළත ශ්‍රී ලංකා කණ්ඩායම ජාත්‍යන්තර වොලිබෝල් තරගාවලි 6 කට සහභාගී කරවීමට ශ්‍රී ලංකා වොලිබෝල් සම්මේලනය සූදානම් වේ. එම තරගාවලි පහත දැක්වේ.
 
ආසියානු කාන්තා (වයස අවු 19න් පහළ) වොලිබෝල් තරගාවලිය - වියට්නාමය
ආසියානු පිරිමි (වයස අවු 18න් පහළ) තරගාවලිය - ඉරානය 
ආසියානු පිරිමි (වයස අවු 20න් පහළ) තරගාවලිය - බහරේන් 
ආසියානු කාන්තා තරගාවලිය - කසකස්ථානය 
ආසියානු පිරිමි වොලිබෝල් තරගාවලිය - මියන්මාරය 
ආසියානු අභියෝග කුසලාන පිරිමි වොලිබෝල් තරගාවලිය 
 
මෙම තරගාවලි ඉලක්ක කර ගනිමින් දේශීය පුහුණුකරුවන්, සහය පුහුණුකරුවන් සහ අභ්‍යාසකවරුන් තෝරා ගැනීම සඳහා අයැදුම්පත් කැඳවා ඇත. මෙම මස 16 දා ඒ සඳහා සම්මුඛ පරීක්ෂණ පැවැත්වීමට ශ්‍රී ලංකා වොලිබෝල් සම්මේලනය  බලාපොරොත්තු වේ.
ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...