. ඉන්දියාව හමුවේ ශ්‍රී ලංකාව පසුබසී | කෙළිමඬල
2018 දෙසැම්බර් මස 12 වැනි බදාදා
ඉන්දියාව හමුවේ ශ්‍රී ලංකාව පසුබසී
2018-01-11 19:28:37 |

දෘශ්‍යාබාධිත ලෝක කුසලාන ක්‍රිකට් තරගාවලියේ ශ්‍රී ලංකාව හා ඉන්දියාව අතර ඩුබායිහිදී පැවැති තරගයෙන් කඩුලු 6 ක ජයක් අත්කර ගැනීමට ඉන්දීය කණ්ඩායම සමත් විය. ජයග්‍රහණය සඳහා ලකුණු 359 ක ඉලක්කයක් හඹාගිය ඉන්දීය ක්‍රීඩකයෝ ඕවර 31.1 ක් අවසානයේ කඩුලු 4 ක් පමණක් දැවී එම ඉලක්කය සපුරාගත්හ.


ඉන්දීය කණ්ඩායමේ ජයග්‍රහණයේ නියමුවා බවට පත්වූ දීපාක් මලික් පන්දු 107 කදී නොදැවී ලකුණු 178 ක් රැස්කළේය. පළමු කඩුල්ල වෙනුවෙන් වෙන්කටේශ්වර් රාඕ (28) සමග එක්ව ලකුණු 78 ක සබඳතාවයක් ගොඩනගමින් ඉන්දීය ඉනිමට සාර්ථක ආරම්භයක් ලබාදුන් දීපක්, ඉන් නොනැවතී ප්‍රකාශ් ජයරාම් (75) සමගද අගනා සම්බන්ධතාවයක් ගොඩනගමින් ඉන්දීය කණ්ඩායම ජයග්‍රහණය කරා ගෙන ගියේය.


පළමුවෙන් පන්දුවට පහරදුන් ශ්‍රී ලංකා කණ්ඩායම වෙනුවෙන් නායකත්වයේ ඉනිමක් ක්‍රීඩා කළ චන්දන දේශප්‍රිය පන්දු 67 කදී නොදැවී ලකුණු 97 ක් ලබාගනිමින් ශ්‍රී ලංකා ඉනිම අවසන් වන තෙක් කඩුල්ලේ රැදී සිටියේය. කේ. සිල්වා (64) සහ සුරංග සම්පත් (68) එක්ව ලකුණු 104 ක සම්බන්ධතාවයක් ගොඩනගමින් ශ්‍රී ලංකා ඉනිමේ ලකුණු සංඛ්‍යාව ඉහළ දැමූහ.


දීපක් මලික් තරගයේ වීරයා ලෙස සම්මාන දිනාගත් අතර චන්දන දේශප්‍රිය තරගයේ වටිනාම ක්‍රීඩකයා ලෙස සම්මාන දිනාගත්තේය. මෙම තරගාවලියේදී ශ්‍රී ලංකාව සහභාගි වන මීළඟ තරගය අනිද්දා (13 වැනිදා) නේපාලයට එරෙහිව පැවැත්වේ.


ශ්‍රී ලංකාව - ඕවර 40 කදී කඩුලු 8 කට 358
(චන්දන දේශප්‍රිය 97, සුරංග සම්පත් 68, කේ. සිල්වා 64, සුනිල් රමේෂ් 43/3)

ඉන්දියාව - ඕවර 31.1 කදී කඩුලු 4 කට 359
(දීපක් මලික් 178, ප්‍රකාශ් ජයරාම් 75, වෙන්කටේශ්වර් රාඕ 28, චන්දන කුමාර 40/1)

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...