. පොඩි තෙන්ඩුල්කාර් වැඩට බසී | කෙළිමඬල
2018 ජූනි මස 22 වැනි සිකුරාදා
පොඩි තෙන්ඩුල්කාර් වැඩට බසී
2018-01-11 19:48:14 | ...

සචින් තෙන්ඩුල්කාර්ගේ පුතු අර්ජුන් තෙන්ඩුල්කාර් මේ දැනටමත් පුවත් මැවිමට සමත්වී සිටී. තවමත් 18 වියේ පසුවන අර්ජුන් ඕස්ටේ්‍රලියාවේ සිඞ්නි ක්‍රිකට් ක්‍රීඩාංගණය විසින් සංවිධානය කරන ක්‍රිකට් ක්‍රීඩාවේ ජීවගුණය - ගෝලිය අභියෝග කුසලාන සදහා පැවැත්වෙන තරගාවලිය සදහා සහභාගිවී වෙමින් සිටී.


සිඞ්නි ක්‍රිකට් ක්‍රීඩාංගණයේදී පැවැති ඉන්දියා ක්‍රිකට් සමාජය සහ හොංකොං ක්‍රිකට් සමාජය අතර පැවැති තරගයේදී ආරම්භක පිතිකරුලෙස පිටියට පිවිසි අර්ජුන් පන්දු 27 කට ලකුණු 48 ක් ලබාගත් අතර සහ ඕවර 4 කදී කඩුලු 4 ක් දවාගනිමින් පිත්තෙන් මෙන්ම පන්දුවෙන්ද දස්කම් පෑමට සමත්විය.


පිතිකරුවකු ලෙස ලොවම හඳුනාගත් සචින් තෙන්ඩුල්කාර් වාර්තා පිට වාර්තා තැබීම විනෝදයක් කරගත් නමුත් ඔහුගේ පුතු අර්ජුන් වේග පන්දු යවන්නකු ලෙස කරලියට පිවිස ඇත. අර්ජුන් වමත් වේගපන්දු යවන්නකු මෙන්ම වමත් පිතිකරුවකුද වෙයි.


“මම ලොකු වෙන්න ලොකු වෙන්න වේගයෙන් පන්දු යැවීමෙන් සතුටට පත්වුණා. අපේ රටේ වැඩිපුර වේග පන්දු යවන්නන් නැති නිසා මමත් වේගපන්දු යවන්නෙක් වෙන්න හිතුවා” යැයි ටයිම්ස් ඔෆ් ඉන්දියා පුවත් පතට අර්ජුන් පැවසීය.


අර්ජුන් ක්‍රිකට් ලෝකයේ අවධානය දිනාගත් පළමු අවස්ථාව මෙය නොවේ. ඉන්දියාවේ දේශීය තරගාවලියේදීද ඔහු දස්කම් දැක්වීය. පසුගිය ජුලි මාසයේදී පැවැති පුහුණු සැසියකදි අර්ජුන් දැමූ යෝකර් පන්දුවක් වැදීමෙන් එංගලන්ත පිතිකරු ජොනී බෙයාස්ටෝට වෛද්‍ය ප්‍රතිකාර ලබාගැනීමටද සිදුවිය.


අඩි හයක් උසැති අර්ජුන් ඕස්ටේ්‍රලියාවේ වමතින් වේගපන්දු යවන මිචෙල් ස්ටාර්ක් සහ එංගලන්ත තුන් ඉරියව් ක්‍රීඩක බෙන් ස්ටෝක්ස් අනුගමනය කරයි.


‘ලිට්ල් මාස්ටර්ගේ’ පුතා වීමෙන් අර්ජුන්ගේ ජීවිතයට අති විශාල බරක් පැටවී තිබුණද ඉන් ඔහු උඩඟුවී නැත.


“මම ඒ පීඩනය ගන්නේ නෑ. මම පන්දු යවනවිට පන්දුව හයියෙන් බිම පතිත කරන අතර පන්දුවට පහරදෙන විට මගේ පහරවල් කරා යමින් පහරදිය යුත්තේ කාටද නැත්තේ කාටද යන්න තෝරා ගන්නවා” යයි අර්ජුන් පැවසීය.


ක්‍රිකට් ක්‍රීඩාවේ ජීවගුණය - ගෝලිය අභියෝග කුසලාන තරගාවලිය පැවැත්වීමේ අදහස වනුයේ ක්‍රීඩාවේ ජීවගුණය පවත්වා ගැනීම වර්ධන කිරීමට සහ මිත්‍රත්වය වර්ධන කරගැනිම සැමරීමටයි.


ජනවාරි 7 වැනිදා සිට 14 වැනිදා දක්වා මෙම තරගාවලිය පැවැත්වෙන අතර තරගවලියට කණ්ඩායම් අටක් සහභාගී වෙයි. එස්.සී.ජී ඞෂ, මාර්ලිබෝන් ක්‍රිකට් සමාජය, ඉන්දියා ක්‍රීඩකයන්ගේ සමාජය, සිංගප්පූරූ ක්‍රිකට් සමාජය, හොංකොං ක්‍රිකට් සමාජය, දකුණු ඕස්ටේ්‍රලියා ක්‍රිකට් සංගමය, සිංගලීස් ක්‍රිකට් සමාජය සහ ඉසින්ගරී කණ්ඩායම් මෙම තරගාවලියට සහභාගීවන කණ්ඩායම් වෙති.


- ටයිම්ස් ඔෆ් ඉන්දියා ඇසුරිනි

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...