. අශ්වින් මඳවේග පන්දු යැවීමේ උත්සාහයක | කෙළිමඬල
2018 දෙසැම්බර් මස 12 වැනි බදාදා
අශ්වින් මඳවේග පන්දු යැවීමේ උත්සාහයක
2018-01-12 19:38:39 | .

පිට දඟ පන්දු යවන්නකු ලෙසින් අති විශිෂ්ට සාර්ථකත්වයක් අත්කරගත් රවිචන්ද්‍රන් අශ්වින් පා දඟ පන්දුව කෙරේ සිය අවධානය යොමු කළේ පන්දු යැවීමේදී පිතිකරුවා වික්ෂිප්ත කිරීමේ අටියෙනි. එහෙත් මේ දිනවල දකුණු අප්‍රිකාවේ සංචාරය කරමින් සිටින ඉන්දීය දඟ පන්දු යවන්නන්ට තණතීරු වලින් කිසිම ආකාරයේ සහයෝගයක් නොලැබෙන බැවින් අශ්වින් මඳ වේග පන්දු යැවම පිළිබඳව උනන්දු වී සිටී.

ඉන්දියාව සහ දකුණු අප්‍රිකාව අතර හෙට (13 වැනිදා) ආරම්භ වීමට නියමිත දෙවැනි ටෙස්ට් තරගයට පෙර සෙන්චූරියන් පිටියේදී අද පුහුණුවීම් කරමින් සිටි රවිචන්ද්‍රන් අශ්වින් පුහුණු දැළ තුළදී තරමක් වේගයෙන් පන්දු යවමින් සිටියේය. අශ්වින් උත්සාහ කරමින් සිටියේ පන්දුව වේගයෙන් යැවීමට වඩා පන්දුවේ මැස්ම උපයෝගී කරගනිමින් පන්දුව දෙපසට දෝලනය කිරීමටයි.

ඉන්දියාව සහ දකුණු අප්‍රිකාව අතර පැවැති පළමු ටෙස්ට් තරගයේදී දකුණු අප්‍රිකානුවන් ජයගත් හෙයින් තරග 3 කින් සමන්විත තරගාවලියේදී ඉන්දියාව මේ වන විටත් පසුපසින් සිටී.

මෙවර ඉන්දීය පිලේ දකුණු අප්‍රිකානු සංචාරය මාස දෙකකට ආසන්න කාලයක් පුරා දිවෙන අතර තවමත් ගතවී ඇත්තේ සති දෙකක් පමණි. කේප් ටවුන්හිදී පැවැති එකම ටෙස්ට් තරගයේ ඉනිම දෙකේදීම අශ්වින් විසින් යවන ලද්දේ ඕවර 8.1 ක් හෙවත් පන්දු 49 ක් පමණි. මෙම ටෙස්ට් තරගයේදී කඩුලු 40 ක් බිඳ වැටුණ නමුත් දඟ පන්දු යවන්නන්ට ලැබුණේ එකම කඩුල්ලක් පමණි. ඒ කගීසෝ රබාඩාගේ කඩුල්ල අශ්වින් විසින් දවාගන්නා ලද බැවිනි.

දකුණු අප්‍රිකාවේ තණතීරු මතදී දඟ පන්දු යවන්නන්ට සහයෝගයක් නොලැබෙන බව දන්නා බැවින් මඳ වේගී පන්දු යවමින් හෝ කඩුල්ලක් දෙකක් දවාගැනීමට උත්සාහ කිරීම කදිම අදහසකි. මක්නිසාද යත් අශ්වින් කණ්ඩායමේ සිටීම ඉන්දීය කණ්ඩායම සමබර කිරීමට හොඳ අවස්ථාවකි. මැද පෙළ පිතිකරුවකු ලෙසින්ද පන්දුවට පහර දිය හැකි අශ්වින් ඉතාමත් පළපුරුදු ක්‍රීඩකයෙකි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...