. සුරංග ලක්මාල් ටෙස්ට් උප නායකත්වයට | කෙළිමඬල
2018 ඔක්තෝබර් මස 15 වැනි සඳුදා
සුරංග ලක්මාල් ටෙස්ට් උප නායකත්වයට
2018-01-13 15:11:56 | .


බංග්ලාදේශයට එරෙහිව පැවැත්වෙන තරග 2 කින් සමන්විත ටෙස්ට් ක්‍රිකට් තරගාවලිය වෙනුවෙන් නම් කරන ලද ක්‍රීඩකයන් 16 දෙනකුගෙන් සමන්විත ශ්‍රී ලංකා සංචිතයේ උප නායකත්වය සඳහා වේග පන්දු යවන ක්‍රීඩක සුරංග ලක්මාල් පත් කිරීමට තේරීම් කමිටුව පියවර ගෙන තිබේ.

තිස්වැනි වියේ පසුවන ලක්මාල්, මේ වන විට ශ්‍රී ලංකා කණ්ඩායමේ සිටින ප්‍රවීණතම වේග පන්දු යවන්නා වන අතර මෙරට පළමු පෙළ ක්‍රිකට් තරගාවලියේදී ඔහු ද්‍රවිඩ සංගම් ක්‍රීඩා සමාජ කණ්ඩායමේ නායකත්වයද දරා තිබේ.

මේ දක්වා ටෙස්ට් තරග 42 කදී ශ්‍රී ලංකා කණ්ඩායමට ක්‍රීඩා කර ඇති ලක්මාල්, එහිදී බිඳහෙළා ඇති කඩුලු සංඛ්‍යාව 96 කි. ශ්‍රී ලංකාව වෙනුවෙන් ටෙස්ට් කඩුලු 100 සීමාව පසුකළ 7 වැනි පන්දු යවන්නා මෙන්ම සිවුවැනි වේග පන්දු යවන්නා වීම සඳහා ඔහුට අවශ්‍යව ඇත්තේ තවත් කඩුලු 4 ක් පමණි.

කෙසේ වුවත් අවසන් වරට ඉන්දියාවට එරෙහිව පැවැති ටෙස්ට් තරගාවලියේදී ශ්‍රී ලංකා කණ්ඩායමේ උප නායකයා ලෙස කටයුතු කළ ළහිරු තිරිමාන්නට මෙම තරගාවලියේදී උප නායකත්වය පමණක් නොව කණ්ඩායමේ ස්ථානයක්ද අහිමි වී තිබේ. ඉන්දීය තරගාවලියේදී තරග 2 කට ක්‍රීඩා කළ තිරිමාන්න, එහිදී ඉනිම් 4 තුළ අර්ධ ශතකයක් සමගින් රැස්කරගෙන තිබුණේ ලකුණු 90 ක් පමණි.

තිරිමාන්නට අමතරව ඉන්දීය තරගාවලියේදී ආරම්භක පිතිකරුවකු ලෙස ක්‍රීඩා කළ සධීර සමරවික්‍රමද බංග්ලාදේශ තරගාවලිය සඳහා නම් කරන ලද සංචිතයෙන් ඉවත් කර තිබේ. ඔවුන් දෙදෙනා වෙනුවට ඉන්දීය තරගාවලියට ඇතුළත් නොවූ ආරම්භක පිතිකරු ධනුෂ්ක ගුණතිලක සහ මුල් පෙළ පිතිකරු කුසල් මෙන්ඩිස් යළි සංචිතයට කැඳවීමට තේරීම් කමිටුව පියවර ගෙන තිබේ.

ශ්‍රී ලංකා එක්දින කණ්ඩායම නියෝජනය කරමින් පසුගිය තරගාවලි වලදී කැපී පෙනෙන දස්කම් දැක්වූ පිට දඟ පන්දු යවන ක්‍රීඩක අකිල ධනංජයද බංග්ලාදේශ ටෙස්ට් තරගාවලිය සඳහා කැඳවනු ලැබ සිටියි. 24 හැවිරිදි ධනංජය, එක්දින තරග 14 කදී කඩුලු 18 ක් බිඳහෙළා ඇති නමුත් තවමත් ශ්‍රී ලංකා වෙනුවෙන් ටෙස්ට් වරම් දිනා නොමැත. ධනංජය සංචිතයට ඇතුළත්ව සිටින සිවුවැනි දඟ පන්දු යවන්නා වන අතර ඔහුට අමතරව රංගන හේරත්, ඩිල්රුවන් පෙරේරා සහ ලක්ෂාන් සඳකැන්ට ඊට ඇතුළත්ව සිටිති.

මේ අතර දැනට ශ්‍රී ලංකාවේ සිටින වේගවත්ම පන්දු යවන්නන් දෙදෙනා ලෙස සැලකෙන දුෂ්මන්ත චමීර සහ ළහිරු කුමාරද බංග්ලාදේශ තරගාවලිය සඳහා නම් කරන ලද සංචිතයට කැඳවා සිටිති. ඔවුන් දෙදෙනාට සංචිතයේ ඉඩක් වෙන්කර දීම සඳහා ඉන්දීය තරගාවලියට ඇතුළත්ව සිටි තුන් ඉරියව් ක්‍රීඩක දසුන් ශානක සහ වමත් වේග පන්දු යවන ක්‍රීඩක විශ්ව ප්‍රනාන්දු සංචිතයෙන් ඉවත් කර තිබේ.

ඉන්දියාවට එරෙහිව පැවැති අවසන් ටෙස්ට් තරගය ජය පරාජයෙන් තොරව අවසන් කරගැනීම සඳහා අගනා ශතකයක් සහ අර්ධ ශතකයක් ලබාගනිමින් පිත්තෙන් දස්කම් දැක්වූ ධනංජය ද සිල්වා සහ රොෂේන් සිල්වා තවදුරටත් සංචිතයේ රඳවා ගැනීමටද තේරීම් කමිටුව තීරණය කර තිබේ.

අබාධ තත්ත්වයන්ට ලක්ව සිට යළිත් ශ්‍රී ලංකා එක්දින කණ්ඩායමට එක්වූ කුසල් පෙරේරාට සහ අසේල ගුණරත්නට මෙම තරගාවලියේදීත් ටෙස්ට් කණ්ඩායමේ ස්ථානයක් හිමි වී නැත.


ශ්‍රී ලංකා ටෙස්ට් සංචිතය
දිනේෂ් චන්දිමාල් (නායක), සුරංග ලක්මාල් (උප නායක), දිමුත් කරුණාරත්න, ඇන්ජලෝ මැතිව්ස්, ධනුෂ්ක ගුණතිලක, කුසල් මෙන්ඩිස්, ධනංජය ද සිල්වා, නිරෝෂන් දික්වැල්, රොෂේන් සිල්වා, රංගන හේරත්, ඩිල්රුවන් පෙරේරා, දුෂ්මන්ත චමීර, ලක්ෂාන් සඳකැන්, අකිල ධනංජය, ළහිරු ගමගේ සහ ළහිරු කුමාර

- 036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...