. සී එච්ට පහසු ජයක් | කෙළිමඬල
2018 ඔක්තෝබර් මස 16 වැනි අගහරුවාදා
සී එච්ට පහසු ජයක්
2018-01-14 14:08:47 | මොහාන් ප්‍රනාන්දු

ගුවන් හමුදා කණ්ඩායම හමුවේ හිතේ හැටියට සිය දස්කම් මුවහත් කරගත් සී.එච්.ඇන්ඞ් එෆ්.සී. ක්‍රීඩකයෝ අන්තර් සමාජ පළමුපෙළ ඩයලොග් ලීග් රග්බි තරගාවලියේ දෙවැනි වටයේ තරගයකදී ලකුණු 28-12 ක ජයක් වාර්තා කිරීමට සමත්වූහ.

කොළඹ තුරඟ තරග පිටියේදී පැවැති මෙම තරගයේදී ගුවන් හමුදා ක්‍රීඩකයන්ට උත්සාහක දිනුමක් වෙනුවෙන් හැරෙන්නටවත් ඉඩ නොතබා සිය ආරක්ෂක වළල්ල තර කළ සී.එච්. ක්‍රීඩකයන් ගෝල 2 කින්,  උත්සාහක දිනුමක් සහ දඬුවම් පහර 3 කින් සිය කණ්ඩායම ඔසවා තබද්දී ප්‍රතිවාදීන් ලැබුවේ දඬුවම් පහර 4 ක් පමණි.

සී.එච්.පිලේ ජයග්‍රහණයට කදිම අඩිතාලමක් දැමූ කටුගස්තොට සාන්ත අන්තෝනි විදුහලෙන් බිහිවූ සැමුවෙල් මධුවන්ත ලකුණු 13 ක්ම කණ්ඩායමට ගෙනදීමට සමත්වූයේ උත්සාහක දිනුම් 2 ක්ම ගෝල බවට ප්‍රවර්තනය කිරීමෙන් සහ දඬුවම් පහර 3 ක් සාර්ථක කිරීමෙනි. ඒ සමගම ඔහු මෙවර තරගාවලියේ සමස්ත ලකුණු ලාභින් අතර දෙවැනි තැනට පත්වූයේ ලකුණු 99 ක්ම රැස් කරමිනි. මුල්තැන සිටින නාවික හමුදා පිලේ තිළිණ වීරසිංහ ලකුණු 102ක් ලබා සිටින අතර මහනුවර පිලේ තිළිණ විජේසිංහ ලකුණු 88 ක් ලබා තුන්වැනි තැන සිටියි. 

චරිත් සෙනෙවිරත්න පිට පිට සාර්ථක කරගත් දඬුවම් පහර දෙකකින් ගුවන් හමුදා පිල ලකුණු 6-0 කින් ආරම්භයේදීම පෙරමුණට පත්විය. එහෙත්  වැඩිවේලා යාමට පෙර දඬුවම් පහරක් සාර්ථක කරගත් සැමුවෙල් මධුවන්ත ප්‍රතිවාදීන් මුලා කරමින් අවිශ්ක ලී තැබූ අනගි උත්සාහක දිනුම ගෝලයක් බවට ප්‍රවර්තනය කර සී.එච්.පිලට ලකුණු 10-6 කින් පෙරමුණ අත්කර දුන්නේය. පළමු භාගය නිමාවට පත්වූයේ චරිත් සෙනෙවිරත්න තවත් දඬුවම් පහරක් සාර්ථක කිරීමෙන් ගුවන් හමුදා පිලේ ලකුණු සංඛ්‍යාව 9 දක්වා ඉහළ යාමෙන් පසුවය. 

දෙවැනි භාගයේ ආරම්භයේදීම දඬුවම් පහර දෙකක් සාර්ථක කරගත් මධුවන්ත සී.එච්.පිලේ ලකුණු සංඛ්‍යාව 16 දක්වා ඉහළ දැමීමට සමත්විය. ඊට මොහොතකට පසුව චරිත් සෙනෙවිරත්නත් දඬුවම් පහරක් සාර්ථක කරමින් ගුවන් හමුදා පිලේ ලකුණු සංඛ්‍යාව 12 දක්වා ඉදිරියට ගෙන ගියේය.
අවසන් භාගය පුරාම උත්සාහක දිනුමක් තැබීමට ගුවන් හමුදා පිලේ ක්‍රීඩකයන් දැරූ වෑයම හැම අතින්ම ව්‍යවර්ථ කළ සී.එච්. ක්‍රීඩකයෝ තරගයේ පාලනය සියතට ගත්තේ ප්‍රදීප් කුරුකුලසූරිය තැබූ විශිෂ්ට උත්සාහක දිනුමකිනි. එය ගෝලයක් බවට ප්‍රවර්තනය කිරීමට මධුවන්ත අසමත්වූවත් ලකුණු 21-12 කින් ඉදිරියට යාමට සී.එච්.පිල සමත්විය.

අවසන් මිනිත්තු දහයේදී සිය ආක්‍රමණශීලිත්වය තවත් වැඩි කළ සී.එච්.පිලේ ජයග්‍රහණය තහවුරුවූයේ ලී කීගල් තැබූ උත්සාහක දිනුමෙනි. එය ගෝලයක් බවට ප්‍රවර්තනය කළ මධුවන්ත සිය කණ්ඩායමට ලකුණු 28-12 කින් ඉහළට ඔසවා තැබුවේය. 

තරගයේ සිවුවැනි උත්සාහක දිනුමත් වාර්තා කරමින් බෝනස් ලකුණක් අත්පත් කරගැනීමට අවසන් මිනිත්තු කිහිපයේදී සී.එච්.පිලේ ක්‍රීඩකයන් දැඩි උත්සාහයක නිරතවූවත් එය සාර්ථක නොවීය. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...