. මෙන්ඩිස් - ලක්ෂාන් ශ්‍රී ලංකාව දිනවති | කෙළිමඬල
2018 ඔක්තෝබර් මස 15 වැනි සඳුදා
මෙන්ඩිස් - ලක්ෂාන් ශ්‍රී ලංකාව දිනවති
2018-01-14 18:21:25 | .

කාසියේ වාසිය දිනාගත් අයර්ලන්ත යොවුන් පිලේ නායක හැරී ටෙක්ටර් කීවේ විශාල ලකුණු සංඛ්‍යාවක් පුවරුවට එකතු කිරීමෙන් පසු ශ්‍රී ලංකා කණ්ඩායම පීඩනයට පත්වනු දැකීම තම අපේක්‍ෂාව බවයි. එහෙත් කමිඳු මෙන්ඩිස් නම් වූ තුන් ඉරියව් ක්‍රීඩකයා නිසා සිය අපේක්‍ෂා දෙකින් එකක්වත් ඉෂ්ඨ කර ගැනීමට අයර්ලන්ත යොවුන් නායකයාට නොහැකි විය.

යොවුන් ලෝක කුෂලාන තරගාලිය ආරම්භ කරමින් පැවැති පළමු තරගයේදීම ශ්‍රී ලංකා යොවුන් කණ්ඩායම අයර්ලන්තය පරදවා කඩුලු 7 ක විශිෂ්ට ජයක් අත්කරගත්තේය. මෙම තරගය නවසීලන්තයේ වැන්ගරෙයිහි කෝබම් ඕවල් පිටියේදී අද (14 වැනිදා) පැවැත්විණ.

විසිහය (26) වැනි ඕවරය නිමා වන විට කඩුල්ලක් දැවී ලකුණු 97 ක් ලබා සිටි අයර්ලන්ත ඉනිම මෝගන් ටොපින් දුවද්දී දැවී යාමත් සමගින් කඩා වැටෙන්නට විය. ලකුණු 117 දී නායක ටෙක්ටර් දැවී යාමත් ඉනිමේ නිමාවත් අතර රැස්කෙරුණු ලකුණු 90 දී කඩුලු 6 ක් බිඳ වැටිණ. ශ්‍රී ලංකා යොවුන් පිලේ නායකයාද වන කමිඳු මෙන්ඩිස් ලකුණු 35 කට කඩුලු 3 ක් දවාගත් අතර අයර්ලන්ත යොවුන් පිලේ ඉනිම ලකුණු 207 කට සීමා කෙරුණේ ශ්‍රී ලංකා යොවුන් ක්‍රීඩකයන්ගේ විශිෂ්ට පන්දු රැකීම හේතුවෙනි.

ලකුණු 208 ක ඉලක්කයක් කරා යාමට පිටියට බට ශ්‍රී ලංකා යොවුන් පිලට ලැබුණේ භයංකාර ආරම්භයකි. හසිත බෝයගොඩ සහ නිපුන් ධනංජය දෙදෙනාම ලකුණු 9 ක් වෙත්දී ආපසු හැරී ක්‍රීඩාගාරයට ගියහ. එහෙත් තවත් ධනංජය කෙනෙක් පිටියේ සිටියේය.

ධනංජය ලක්ෂාන් නොසැලී සිය පිත්ත හසුරුවමින් සිටින අතරේ අයර්ලන්ත යොවුන් පිලේ නායකයා තරගය තමන්ගේ පැත්තට හරවා ගැනීමට මාන බලමින් සිටියේ ලකුණු ගලා ඒම පාලනය කරමිනි. ශ්‍රී ලංකා යොවුන් පිලේ ලකුණු 50 වාර්තා වන විටත් ඕවර 12 ක් නිමා වී තිබිණ. ලකුණු ලබා නොගන්නා සෑම පන්දුවක් වටාම පීඩනය ගොඩනැඟෙමින් තිබිණ.

මැක්ස් නෙවිල් විසින් ක්‍රිෂාන් සංජුල දවාගනු ලැබීමත් සමගම ලකුණු 51 කට කඩුලු 3 ක් විය. එහෙත් නායකයන් යනු අර්බුදකාරී තත්ත්වයකදී කණ්ඩායම තනි අතින් ඇදගෙන යන්නෝ මිස පසුබසින්නෝ නොවෙති. කමිඳු මෙන්ඩිස් කළේද එයයි.

අයර්ලන්ත පන්දු යවන්නන්ට හිස එසවීමට ඉඩ නොදුන් මෙන්ඩිස් පිටියට පිවිසි විගසම ආක්‍රමණයට පිළිපන්නේය. හතරේ පහර එකින් එක එක්වෙන්නට විය. කඩුලු අතර දිවීම වේගවත් වූයේය.

අයර්ලන්ත ක්‍රීඩකයන්ගේ පන්දු රැකීමේ දුර්වලතාවලින් ප්‍රයෝජන ගත් බැවින් පන්දු රකින්නෝ පීඩනයට පත්වූහ. පන්දු රැකීම තව තවත් දුර්වල විය.

කමිඳුගේ ලකුණු ලබාගැනීමේ රටාව ලක්ෂාන්ට ආත්ම විශ්වාසය එන්නත් කරවන්නක් වූ බැවින් ඔහු නිර්භයව තමන්ට සුපුරුදු පුල් පහර කරා ගියේය. සිය අර්ධ ශතකය ලබාගැනීමෙන් පසුව වඩාත් වේගවත් වූ ලක්ෂාන් අයර්ලන්ත පන්දු යවන්නන්ට එලව එලවා පහර දෙන්නට වූයෙන් අයිරිෂ් ජාතිකයෝ හිස් බිමට නමා ගත්හ.

සිවුවැනි කඩුල්ල වෙනුවෙන් ලකුණු 157 ක අඛණ්ඩ සම්බන්ධතාවක් ගොඩනැංවූ මෙම අලංකාර පිතිකරුවෝ දෙදෙනා කඩුලු හතක් ඉතිරිව තිබියදී  ශ්‍රී ලංකා කණ්ඩායම ජයටැඹ පසුකර කැඳවාගෙන ගියහ.

තරගයේ රිද්මය වෙනස් කළ මෙන්ඩිස් ජයග්‍රාහී ලකුණ ලබාගත් පිතිකරුවාද විය. පන්දු 120 කට මුහුණ දුන් ලක්ෂාන් හතරේ පහර 8 කින් සහ හයේ පහරකින් සිය ඉනිම සරසද්දී නොදැවී ලකුණු 74 ක් ලබාගත් මෙන්ඩිස් මුහුණ දුන් පන්දු 73 කින් 6 ක් හතරේ සීමාවට යැවීය.

පෙරවරුවේදී පැවැති වර්ෂාව හ්තුවෙන් තරගය ඕවර 48 කට සීමා විය. 

ඡායාරූප - අන්තර්ජාතික ක්‍රිකට් සභාව අනුග්‍රහයෙනි

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...