. හතුරුසිංහගෙන් එඩිතර ප්‍රකාශයක් | කෙළිමඬල
2018 දෙසැම්බර් මස 10 වැනි සඳුදා
හතුරුසිංහගෙන් එඩිතර ප්‍රකාශයක්
2018-01-15 14:30:23 | .

ශ්‍රී ලංකා කණ්ඩායම මේ වන විට බෙහෙවින් අයසට පත්ව සිටින කණ්ඩායමක් වූවත් ශ්‍රී ලංකා කණ්ඩායම පුහුණුකිරීමේ අභියෝගය තමන් සතුටින් බාරගන්නා බව නව පුහුණුකරු චන්දික හතුරුසිංහ මහතා කියයි. බංග්ලාදේශ කණ්ඩායමේ හිටපු පුහුණුකරුවාද වන හතුරුසිංහ මහතා බංග්ලාදේශයේදී පැවැත්වෙන තුන්කොන් තරගාවලිය සඳහා ශ්‍රී ලංකා කණ්ඩායම සමගින් බංග්ලාදේශයට යාමෙන් පසුව පැවැති පළමු වැනි පුවත් පත් සාකච්ඡාවේදී එසේ කියා සිටියේය. 

“ශ්‍රී ලංකා කණ්ඩායමට ගොඩාක් දියුණු වෙන්න තියෙනවා” යයි කී හතුරුසිංහ මහතා ඉදිරියේදී ශ්‍රී ලංකා කණ්ඩායමට එම අභියෝග ජයගත හැකිවෙතැයි සුබවාදීව පසුවෙයි. මේ වන විට ශ්‍රී ලංකා කණ්ඩායමේ නායකත්වය මෙන්ම ක්‍රීඩක සංයුතියද බරපතළ වෙනස්කම් වලට ලක්කර තිබේ. 

“මේ අභියෝගය බාරගත්තේ ඉතාමත් උද්යෝගයෙන්. මගේ වර්තමාන කණ්ඩායම සතු දස්කම් සම්බන්ධයෙන් මම මහත් උද්යෝගිමත් ස්ථාවරයක සිටිනවා” යයිද 49 වියැති හතුරුසිංහ මහතා පැවසීය. 

ශ්‍රී ලංකාව, බංග්ලාදේශය සහ සිම්බාබ්වේ අතර පැවැත්වෙන තුන්කොන් එක්දින තරගාවලිය අද (15 වැනිදා) ආරම්භ විය. එහි පළමු තරගය බංග්ලාදේශ සහ සිම්බාබ්වේ කණ්ඩායම් අතර අද පැවැත්වෙයි. ශ්‍රී ලංකාව සහ සිම්බාබ්වේ කණ්ඩායම් අතර තරගය 17 වැනිදා (බදාදා) පැවැත්වේ. ශ්‍රී ලංකාව සහ බංග්ලාදේශය අතර තරගය 19 වැනිදා පැවැත්වෙයි. 

වත්මන් එක්දින කණ්ඩායම් ශ්‍රේණිගත කිරීම අනුව බංග්ලාදේශය කණ්ඩායම ප්‍රසාද ලකුණු 92 ක් සමගින් 7 වැනි ස්ථානයේ රැඳී සිටින අතර ප්‍රසාද ලකුණු 88 ක් පමණක් හිමි ශ්‍රී ලංකා කණ්ඩායම 8 වැනි ස්ථානය දක්වා පහත වැටී සිටී. එක්දින ශ්‍රේණිගත ලයිස්තුවේ පහළින් සිටි බංග්ලාදේශ කණ්ඩායම 7 වැනි ස්ථානය දක්වා ඉහළ නැගීමේදී ඒ වෙනුවෙන් කණ්ඩායමට ගුරුහරුකම් දුන් පුහුණුකරුවා චන්දික හතුරුසිංහ මහතාය. ඒ අතරවාරයේදී ශ්‍රී ලංකාවේදී පැවැති ටෙස්ට්, එක්දින සහ විස්සයි-20 තරගාවලි තුනම සමකරගැනීමටද බංග්ලාදේශ ක්‍රීඩකයෝ සමත් වූහ. 

ශ්‍රී ලංකා කණ්ඩායම ශ්‍රේණිගත ලයිස්තුවේ පහළ වැටීමට ප්‍රධාන හේතුවක් වූයේ පසුගිය වසරේදී මුහුණ දුන් පරාජයන් වැලයි. ශ්‍රී ලංකා කණ්ඩායම වසර 2017 දී මුහුණ දුන් එක්දින තරග 29 න් ජයගත හැකිවූයේ තරග 5 ක් පමණි. එය වසර 1987 න් පසු ශ්‍රී ලංකා කණ්ඩායම මුහුණ දුන් වඩාත්ම අභාග්‍යසම්පන්න වර්ෂය 2017 ලෙසින් සැලකේ. 

තමන්ගේ පැරණි කණ්ඩායම වූ බංග්ලාදේශ පිල වෙනුවෙන් තවමත් ලැදියාවක් තිබේද යන්න කළ විමසීමේදී “එහෙම එකක් නෑ” යයි කී හතුරුසිංහ මහතා තුන්කොන් තරගාවලිය සම්බන්ධයෙන් බංග්ලාදේශ පිලට සුබ පැතුවේය. 

“මා ඔවුන් එක්ක ළඟින් වැඩ කරලා තියෙනවා. මා ඔවුන්ව හොඳින් දන්නවා. ඒත් ශ්‍රී ලංකා කණ්ඩායම හොඳින් තරග කරනවා දකින්න මට අවශ්‍යයි” යයිද හතුරුසිංහ මහතා පැවසීය. 

මේ අතර ශ්‍රී ලංකා නායක ඇන්ජලෝ මැතිව්ස් කියා සිටියේ නැවතත නායකත්වයට පත්වීම සම්බන්ධයෙන් තමන් සතුටට පත්වන බවයි. 
“මා එය නැවත බලාපොරොත්තු වුණේ නෑ. ඒත් දැන් මම ඒ අභියෝග වලට මුහුණ දීමට බලාපොරොත්තුවෙන් සිටිනවා” යයිද මැතිව්ස් පැවසීය. 
තරගාවලියේ සියලුම තරග මධ්‍යාහ්න 12.00 ට (ශ්‍රී ලංකාවේ වේලාවෙන් දහවල් 11.30 ට) ආරම්භ වේ.

 

- ඒ.එෆ්.පී ඇසුරිනි

 

ඔබේ ප්‍රතිචාර
Sanath2018-01-15 09:25:42
අසේල ගුණරත්න ටෙස්ට් කණ්ඩායමෙන් ඉවත් කිරීම ගැටළුවක්. ඉන්දියානු සංචාරයේ තරමක් අසාර්ථක වුණත් ඔහු ටෙස්ට් කණ්ඩායමේ සිටිය යුතුම සටන්කාමී ක්‍රීඩකයෙක්. ඉහල පවුල් පසුබිමක් නැති ක්‍රීඩකයන් නිතරම අසාධාරණයට ලක් වෙනවා. අජන්ත මෙන්ඩිස්ට වුණෙත් ඒ ටික​. ඔහුත් අසේල වගේම අහිංසක ක්‍රීඩකයෙක්.

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
නවසීලන්තය කඩුලු 7 කට 229 යි...
2018-12-03 20:00:03
පාකිස්තානයට එරෙහිව ඩුබායිහි ශෙයික් සයිඞ් ක්‍රීඩාංගණයේදී පැවැත්වෙන තෙවැනි ටෙස්ට් තරගයේ පළමු දිනය වූ අද (3 වැනිදා) තරගය නතර කරන විට පන්ද...