. හතුරුසිංහට අපි බය නෑ - මොර්ටසා | කෙළිමඬල
2018 ඔක්තෝබර් මස 20 වැනි සෙනසුරාදා
හතුරුසිංහට අපි බය නෑ - මොර්ටසා
2018-01-18 22:16:15 | ...

තමන්ගේ හිටපු පුහුණුකරුවා වන චන්දික හතුරුසිංහ මහතා ශ්‍රී ලංකා කණ්ඩායමේ පුහුණුකරුවා වීම සම්බන්ධයෙන් බංග්ලාදේශය බිය නොවන බව බංග්ලාදේශ එක්දින පිලේ නායක මෂ්රාෆි මොර්ටසා පවසයි. බංග්ලාදේශයේ ශ්‍රේ බංග්ලා ජාතික ක්‍රීඩාංගණයේදී අද (18 වැනිදා) පැවැති පුවත් පත් සාකච්ඡාවකදී බංග්ලාදේශ නායකයා වාර්තාකරුවන් හමුවේ එසේ කීවේය.


බංග්ලාදේශයේදී පැවැත්වෙන තුන්කොන් එක්දින තරගාවලියේදී ශ්‍රී ලංකාව සහ බංග්ලාදේශය අතර තරගය හෙට (19 වැනිදා) පැවැත්වෙයි. මෙම තරගයට පොරතුව පැවැති පුවත් පත් සාකච්ඡාවේදී මොර්ටසා එසේ පැවසීය.


“අවංකවම කියනවා නම් ඒක ප්‍රශ්නයක් නෙමේ” මොර්ටසා පැවසීය.


“මගේ මනසේ ඉතුරු වෙලා තියෙන්නේ ජයග්‍රහණය ගැන මතක විතරයි. තරගය ජයග්‍රහණය ගැන හිතනවා ඇරෙන්න වෙන හිතන්න කිසිම දෙයක් නෑ.....ඕනෑවට වඩා හිතන්න ගියොත් වෙන්නේ පීඩනය වැඩි වෙන එක විතරයි” යයි කී මොර්ටසා


“හැමෝම හිතන්නේ කණ්ඩායමක් එක්ක තියෙන තරගයක් ගැනයි. තනි පුද්ගයකුට එරෙහිව තියෙන තරගයක් ගැන නෙමේ” යයිද පැවසීය.


නව පුහුණුකරු චන්දික හතුරුසිංහ සහ නව නායක ඇන්ජලෝ මැතිව්ස් සමගින් නව වසර ආරම්භ කළ නමුත් පළමු තරගයේදීම සිම්බාබ්වේ පිල හමුවේ ශ්‍රී ලංකා පිලට අත්වූයේ ලකුණු 12 ක පරාජයකි. තත්ත්වය වඩාත් නරක අතට හැරුණේ මෙම තරගයේදී ඇන්ජලෝ මැතිව්ස් නැවත වරක් කලව පිටුපස මස්පිඬුවේ ආබාධයකට ලක්වූ බැවිනි. එබැවින් හෙට පැවැත්වෙන තරගයට මැතිව්ස්ගේ සේවය ශ්‍රී ලංකා පිලට අහිමි වෙයි.


සිම්බාබ්වේ පිල මෙන්ම බංග්ලාදේශයට මේ වන විට තමන්ගේ පළමු වටයේ තරග ජයග්‍රහණය කර ඇති බැවින් තරගාවලියේ රැඳී සිටීමට නම් ශ්‍රී ලංකා කණ්ඩායම හෙට තරගය ජයගත යුතුව තිබේ.


මේ අතර ශ්‍රී ලංකා කණ්ඩායමේ පිතිහරඹ පුහුණුකරුවා වන තිලාන් සමරවීර මහතා කියන්නේ හතුරුසිංහ මහතා ශ්‍රී ලංකා පිලේ පුහුණුකරුවීමෙන් ශ්‍රී ලංකා පිලට විශේෂ වාසියක් නොලැබෙන බවයි.


“විස්සයි-20 ක්‍රිකට් ක්‍රීඩාවේදී හැමෝම එක කාමරයේදී මුණගැසෙනවා....දැන් ක්‍රිකට් ලෝකයේ රහස් නෑ.” යයි සමරවීර මහතා පැවසීය.
සමරවීර මහතාද බංග්ලාදේශ කණ්ඩායමේ හිටපු පිතිහරඹ පුහුණුකරුවා වෙයි.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
මාලිංග ලෝක කුසලාන තරගාවලිය ඉලක්ක කරයි...
2018-10-14 17:23:45
දැන්ම ක්‍රීඩාවෙන් විශ්‍රාම ගැනීම සම්බන්ධයෙන් තවමත් තමාගේ කිසිදු අදහසක් නොමැති බවත්, අවස්ථාව හිමි වුවහොත් 2019 වසරේදී පැවැත්වෙන එක්...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...