. පාපන්දු ලෝක කුසලානය කොළඹට | කෙළිමඬල
2018 සැප්තැම්බර් මස 25 වැනි අගහරුවාදා
පාපන්දු ලෝක කුසලානය කොළඹට
2018-01-19 11:36:09 | නාමල් පතිරගේ

කැරට් 18 රත්තරන් කිලෝග්‍රෑම් 6.142 ක බරින් යුත් ලෝක පාපන්දු කුසලානය ශ්‍රී ලංකාවේ ප්‍රදර්ශනය කෙරෙන පැය පහක කාලය තුළදී එය නැරඹීම සඳහා පැමිණෙන එක් අයෙකුට ඒ සඳහා තත්ත්පර හයක කාලයක් වෙන්කර තිබේ. රටවල් 54 ක චාරිකාවකින් පසුව ලෝක පාපන්දු කුසලානය  ප්‍රදර්ශනය සඳහා  මෙම 23 වැනිදා රාත්‍රියේ විශේෂ ජෙට් යානයකින් ශ්‍රී ලංකාවට රැගෙන ඒමට නියමිතය.

ලෝක කුසලානය 24 වැනිදා පෙරවරු 9 සිට පස්වරු 2 දක්වා කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේදී මහජන ප්‍රදර්ශනය සඳහා තැබීමට කටයුතු කෙරේ.

පැය පහක් වන කාලය තුළදී නරඹන්නන් 1500 කට පමණ එය දැකබලා ගැනීමටත් ඡායාරූපයට ගැනීමටත් අවස්ථාව හිමිවෙයි. 

මේ මස 23 වැනිදා  රාත්‍රියේදී  කටුනායක ගුවන් තොටුපොළ වෙත ළඟා වෙන ලෝක පාපන්දු කුසලාන අනතුරුව කොළඹ බලා රැගෙන විත් “ෂැන්ග්‍රිලා” හෝටලයේ තැන්පත් කිරීම එදින රාත්‍රි 9.30ට පමණ ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් සිදුකෙරේ. කටුනායක  ගුවන් තොටුපොළේදී ලෝක කුසලානය පිළිගැනීම ක්‍රීඩා ඇමැති දයාසිරි ජයසේකර මහතාගේ ප්‍රධානත්වයෙන් සිදුකෙරේ.

එය රැගෙන එන විශේෂ ජෙට් යානයේ කුසලානයේ ආරක්‍ෂාවට සිටින ආරක්‍ෂකයන් ඇතුළු 22 දෙනකුගෙන් සමන්විත නියෝජිතයන්ගේ කණ්ඩායමක්ද දිවයිනට පැමිණෙයි. 

ලෝක කුසලාන පාපන්දු තරගාවලිය රුසියාවේ මොස්කව් ඇතුළු ප්‍රධාන නගර කීපයකදී ජුනි 14 වැනිදා සිට ජුලි 14 වැනිදා දක්වා පැවැත්වේ. එහි ජයග්‍රාහීි කණ්ඩායමට ප්‍රදානය කෙරෙන ලෝක පාපන්දු කුසලානය ලොව පුරා  ප්‍රදර්ශනය කරමින් රට රටවලට ගෙනයනු ලබයි. ලෝක කුසලාන චාරිකාවේ ගමනාන්තය කිලෝමීටර් 126,000කි න් සමන්විතය. ලෝක පාපන්දු සම්මේලනය පවසන්නේ එය ශ්‍රී ලංකාවට රැගෙන ඒම රටවල් 54ක් අතරින් ගෝලීය කොටසේ පළමු  ගමනාන්තය බවයි.

ශ්‍රී ලංකාවේ ප්‍රදර්ශනයෙන් පසුව ලෝක කුසලානය ප්‍රදර්ශනය සඳහා මාලදිවයින බලා රැගෙන යනු ඇත. මෙම 23 රාත්‍රියේ එය ශ්‍රී  ලංකාවට රැගෙන එන්නේ පාකිස්ථානයේ කළ ප්‍රදර්ශනයකින් පසුවය.

මිනිසුන් දෙදෙනකු ලෝක ගෝලය ඔසවා ගෙන සිටින අයුරින් තනි රනින් නිමවන ලද ලෝක පාපන්දු කුසලාන ආකෘතිය සැළසුම් කර ඇත්තේ 1974 දීය.
ලොව වටිනාකමින් වඩාත්ම වැඩිම, එමෙන්ම වඩාත්ම සම්මානයට පාත්‍රවන මෙම ලෝක පාපන්දු කුසලාන ස්පර්ශ කිරීමේ අවස්ථාවට ජයග්‍රාහී කණ්ඩායමට හැර හිමිවන්නේ තෝරා ගත් තවත් සුළු පිරිසකට පමණි. ඒ ලෝක කුසලාන පූර්ව ජයග්‍රාහකයන්ට හා රාජ්‍ය ප්‍රධානීන්ට පමණි.

එහි රෙගුලාසිවලට අනුව අන්තර්ජාතික පාපන්දු සම්මේලනය සතු ලෝක කුසලානය එය ජය ගන්නා කණ්ඩායමට පිළිගැන්වීමත් පමණක් කරන අතර ඒ වෙනුවට අදාල තරගාවලියේ ජයග්‍රාහකයා ඇතුළත් සෙසු තොරතුරු කෙටූ රන් ආලේපිත අනුරුවක් ඔවුන් සන්තකයේ තබාගැනීම සඳහා ප්‍රදානය කෙරේ.
පාපන්දු ලෝක කුසලානය ලෝකය පුරා ගෙන යාමට කෝකා කෝලා ආයතනය අනුග්‍රහය දක්වයි. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...