. හොකී තරග පාවාදීමක් ගැන චෝදනා | කෙළිමඬල
2018 ඔක්තෝබර් මස 16 වැනි අගහරුවාදා
හොකී තරග පාවාදීමක් ගැන චෝදනා
2018-01-19 20:02:49 | නාමල් පතිරගේ

රීඞ් මාවත කෘත්‍රිම හොකී පිටියේදී දැන් පැවැත්වෙන 58 වැනි ජාතික හොකී තරගාවලියේ අද (19) පැවැති තරගයකදී රාජ්‍ය සේවා කණ්ඩායම විසින් මාතර දිස්ත්‍රික් කණ්ඩායම ගෝල 28-0 කින් පරාජයට පත් කිරීම සැකයට තුඩු දෙන තරග ප්‍රතිඵලයක් බවත් එහි තරග පාවාදීමක් ඇතිදැයි සොයා බලන ලෙසත් ඉල්ලා වෙළෙඳ සේවා හොකී කණ්ඩායම තරග සංවිධායකයන්ට විරෝධතාවයක් භාරදී තිබේ.

රාජ්‍ය සේවා කණ්ඩායමට ඇතුළත් වීමට සුදුසුකම් නොමැති බව කියන ක්‍රීඩකයකු එම කණ්ඩායමට ක්‍රීඩා කිරීම ගැනත් වෙළඳ සේවා කණ්ඩායම එම විරෝධතාවෙන් කරුණු දක්වා ඇතැයි වැඩිදුරටත් වාර්තා වේ.
එම විරෝධතාවයෙන් වෙළෙඳ සේවා ක්‍රීඩා සමාජය අවධාරණය කර ඇත්තේ මතභේදයට තුඩුදුන් එම තරගයේ ප්‍රතිඵලය සැලසුම් සහගතව වෙනස් කිරීම තුළින් තරගාවලියේ ඉදිරියට යාම සඳහා ඇතැම් කණ්ඩායම්වලට වාසිදායක තත්ත්වයන් නිර්මාණය වූයේද යන්න පිළිබඳව විමර්ශනයක් කළ යුතු බවයි.

එයින් තරගාවලියේ අවසන් ප්‍රතිඵලයටද බලපෑමක් කිරීමට ඉඩ තිබූ බවත් තරගාවලියේ ඉදිරි තරගවලදී මුණ ගැසෙන ප්‍රතිවාදින් උපක්‍රමශීලීව වෙනස් කිරීමට එමගින් උත්සහ දැරුවේද යන්න ගැනත් එහිදී අවධානයට යොමු කළ යුතු බව වෙළෙඳ සේවා ක්‍රීඩා සමාජය සිය විරෝධතාවයෙන් වැඩිදුරටත් ඉල්ලා සිටියි.

ගෝල 28-0 කින් රාජ්‍ය සේවා ක්‍රීඩකයන් හමුවේ මාතර කණ්ඩායම පරාජයට පත්වූ මෙම තරගයේ පළමු භාගය ගෝල 15-0 ක් ලෙස රාජ්‍ය සේවා කණ්ඩායම ඉදිරියෙන් පසුවී තිබේ. තරගය පැයක කාලයක් පැවැති අතර ලකුණු සංඛ්‍යා 28-0 ක් වීම යනු රාජ්‍ය සේවා කණ්ඩායම ආසන්න වශයෙන් සෑම විනාඩි දෙකකට වරක් ගෝලයක් ලබාගැනීමයි. මෙම තරගයේදී දෙපිලේ හැසිරීමද විරෝධතාවයෙන් ප්‍රශ්න කර තිබේ.

හොකී ජාතික තරගාවලි ඉතිහාසයේ එක තරගයකදී කණ්ඩායමක් ලබාගත් ගත් වැඩිම ගෝල සංඛ්‍යාව ලෙසත් එය වාර්තාවී තිබේ. දැන් පැවැත්වෙන 58 වැනි ජාතික හොකී තරගාවලියේ මූලික වටයේ පැවැති තරගයකදී සන්නද්ධ සේවා කණ්ඩායම ගෝල 20-0 ක ජයක් ලැබීය.

වෙළෙඳ සේවා ක්‍රීඩා සමාජයේ ප්‍රකාශකයෙක් ලංකාදීපයට පැවැසුවේ මත්භේදයට තුඩු දුන් තරගයේ වාර්තාවූ ගෝල පරතරය තරගාවලියේ අර්ධ අවසන් හා අවසන් පූර්ව වටයට දැඩි බලපෑමක් එල්ල විය හැකි සිදුවීමක් බවයි.

මේ සම්බන්ධයෙන් තරගාවලියේ අධ්‍යක්ෂ ලෙස කටයුතු කරන ක්‍රීඩා නියෝජ්‍ය අධ්‍යක්ෂ අයි.පී. විජේරත්න මහතාගෙන් කළ විමසුමකදී ඔහු පැවැසුවේ අදාළ විරෝධතාවය පිළිගෙන ඇති බවත් ඒ සම්බන්ධයෙන් මෙම 24 වැනිදා විමර්ශනයක් පැවැත්වෙන බවත්ය.

කෙසේ වෙතත් තරගාවලිය දිගටම පවත්වා ගෙන යාමට තරග සංවිධායකයන්ට උපදෙස් දුන් බවත් ඔහු වැඩි දුරටත් පැවැසීය.

හෙට (21) අවසන් තරග පැවැත්වීමට නියමිත ජාතික හොකී ශූරතාවලිය (2017) ක්‍රීඩා අමාත්‍යාංශය විසින් සංවිධානය කරනු ලබයි. ඊට හේතුවී ඇත්තේ වසර දෙකක් තිස්සේ ශ්‍රී ලංකා හොකී සම්මේලනයේ ක්‍රියාකාරීත්වය අත්හිටුවා තිබීමයි.

විරෝධතාකරු වන වෙළඳ සේවා කණ්ඩායම අද පෙරවරුවේ පැවති අර්ධ අවසන් පූර්ව තරගයකදී ශ්‍රී ලංකා පාසල් කණ්ඩායම ගෝල 4-2 කට පරාජය කරමින් අවසන් පූර්ව වටයට පිවිසීමට සමත් විය.  

 

ඡායාරූපය - ශානුක අරවින්ද

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...