. රූට් - වෝක්ස් එංගලන්තය දිනවති | කෙළිමඬල
2019 අපේ‍්‍රල් මස 25 වැනි බ‍්‍රහස්පතින්දා
රූට් - වෝක්ස් එංගලන්තය දිනවති
2018-01-19 20:17:09 | .

ජෝ රූට්ගේ තුන් ඉරියව් දස්කම් හමුවේ ඕස්ට්‍රේලියාවට එරෙහිව බ්‍රිස්බේන්හි ගැබා ක්‍රීඩාංගණයේදී පැවැති දෙවැනි එක්දින ක්‍රිකට් තරගයෙන් කඩුලු 4 ක ජයක් වාර්තා කිරීමට එංගලන්ත කණ්ඩායම අද (19 වැනිදා) සමත් විය. ජයග්‍රහණය සඳහා ලකුණු 271 ක ඉලක්කයක් හඹාගිය එංගලන්ත ක්‍රීඩකයෝ ඕවර 44.2 ක් අවසානයේ කඩුලු 6 ක් පමණක් දැවී එම ඉලක්කය පසුකර ගියහ. පන්දු 58 කදී හතරේ පහරක් සමග නොදැවී ලකුණු 46 ක් රැස්කළ නායක ජෝ රූට්, එංගලන්ත ජයග්‍රහණයේ නියමුවා බවට පත් විය.

ජොස් බට්ලර් (42) සමග එක්ව පස්වැනි කඩුල්ල වෙනුවෙන් පන්දු 60 කදී ලකුණු 68 ක සම්බන්ධතාවක් ගොඩනැගූ රූට්, ඉන් නොනැවතී ක්‍රිස් වොක්ස් (නොදැවී 39) සමග එක්ව හත්වැනි කඩුල්ල වෙනුවෙන් පන්දු 40 කදී ලකුණු 47 ක නොබිඳුණ සම්බන්ධතාවක්ද ගොඩනගමින් එංගලන්ත කණ්ඩායම ජයග්‍රහණය කරා ගෙන ගියේය.

ජොනී බෙයාස්ට්‍රෝ (60) සහ ඇලෙක්ස් හේල්ස් (57) එක්ව දෙවැනි කඩුල්ල වෙනුවෙන් පන්දු 108 කදී ලකුණු 117 ක සම්බන්ධතාවක් ගොඩනගමින් එංගලන්ත කණ්ඩායමේ ජයග්‍රහණය සඳහා මනා අඩිතාලමක් දැමූහ.

පන්දු 56 කදී වාර්තා වූ බෙයාස්ට්‍රෝගේ අර්ධ ශතකයට හතරේ පහර 9 ක් ඇතුළත් වූ අතර පන්දු 60 කදී වාර්තා වූ හේල්ස්ගේ අර්ධ ශතකයට හයේ පහරක් සහ හතරේ පහර 7 ක් අන්තර්ගත විය.  දක්ෂ පන්දු යැවීමක නිතර වූ මිචෙල් ස්ටාක් ලකුණු 53 කට කඩුලු 4 ක් දවාගැනීමට සමත් වුවද, එංගලන්ත කණ්ඩායමේ ජයග්‍රහණය වලක්වාලීමට තරම් එය ප්‍රමාණවත් නොවීය.

පළමුවෙන් පන්දුවට පහරදුන් ඕස්ට්‍රේලියානු කණ්ඩායම වෙනුවෙන් ශතකයක් ලබාගැනීමට ඒරන් ෆින්ච් (106) සමත් විය. පන්දු 114 කට මුහුණදුන් ෆින්ච්, සිය 10 වැනි එක්දින ශතකය හයේ පහරකින් සහ හතරේ පහර 9 කින් අලංකාර කළේය. මෙය ෆින්ච් පිට පිටම ලබාගත් දෙවැනි ශතකයද විය.

ඬේවිඞ් වෝනර් (35) සමග එක්ව පළමු කඩුල්ල වෙනුවෙන් පන්දු 70 කදී ලකුණු 68 ක සම්බනධතාවක් ගොඩනැගූ ෆින්ච්, ඉන් නොනැවතී මිචෙල් මාෂ් (36) සමග එක්ව සිවුවැනි කඩුල්ල වෙනුවෙන් පන්දු 98 කදී ලකුණු 85 ක සම්බනධතාවක්ද ගොඩනමින් ඕස්ට්‍රේලියානු කණ්ඩායමේ ලකුණු සංඛ්‍යාව ඉහළ දැමීය.

මෙම තරගයේදී පන්දු යවන්නකු ලෙසද සාර්ථන වූ එංගලන්ත නායක ජෝ රූට් ඕවර 7 ක් යවමින් ලකුණු 31 කට ස්ටීවන් ස්මිත් සහ ට්‍රැවිස් හෙඩ් පිටියෙන් ඉවත් කළේය.


ඕස්ට්‍රේලියාව - ඕවර 50 කදී කඩුලු 9 ක් දැවී 270  
(ඬේවිඞ් වෝනර් 35, ඒරන් ෆින්ච් 106, ස්ටීවන් ස්මිත් 18, මිචෙල් මාෂ් 36, ඇලෙක්ස් කේරි 27, ආදිල් රෂීඞ් 71/2, ජෝ රූට් 31/2)

එංගලන්තය - ඕවර 44.2 කදී කඩුලු 6 ක් දැවී 274
(ජොනී බෙයාස්ට්‍රෝ 60, ඇලෙක්ස් හේල්ස් 57 ජෝ රූට් නොදැවී 46, ඔයින් මෝගන් 21, ජොස් බට්ලර් 42, ක්‍රිස් වොක්ස් නොදැවී 39, මිචෙල් ස්ටාක් 59/4, ජේ රිචඞ්සන් 57/2)


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ශම්මි සිල්වා...
2019-04-18 18:37:22
“ලෝක පූජිත ක්‍රීඩකයෙක් වුණ පළියට හොඳ නායකයෙක් වෙන්නේ නෑ. හොඳ නායකයෙක් ලෝක පූජිත ක්‍රීඩකයෙක් වෙන්නෙත් නෑ. මාලිංගට තරග 12 ක් ලබා දුන්නා...
කෝලි බැංගලෝර් පිලට ජය ගෙනෙයි...
2019-04-19 20:34:34
විරාට් කෝලීගේ (100) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 35 වැනි තරගය ලෙස කොල්කටා නයිට්රයිඩර්ස් සහ රෝය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...