. ගුවන් හමුදාව සොල්දාදුවන් බිම දමයි | කෙළිමඬල
2019 ජනවාරි මස 24 වැනි බ‍්‍රහස්පතින්දා
ගුවන් හමුදාව සොල්දාදුවන් බිම දමයි
2018-01-21 11:20:59 | මොහාන් ප්‍රනාන්දු

ප්‍රබල යුද හමුදා කණ්ඩායමට එරෙහිව ලකුණු 33-10 ක පෙරළිකාර ජයක් වාර්තා කරමින් අන්තර් සමාජ පළමුපෙළ ඩයලොග් රග්බි ලීග් තරගාවලියේ දෙවැනි වටයේ තරගයේ කාගෙත් අවධානය දිනාගැනිමට ගුවන් හමුදා කණ්ඩායම සමත්විය. රත්මලාන ගුවන් හමුදා පිටියේ ඊයේ පස්වරුවේ පැවැති මේ තරගයේදී  සැලසුම් සහගත අයුරින් ක්‍රීඩා කළ ගුවන් හමුදා පිල ලැබුවේ තරගාවලියේ සිය දෙවැනි ජයග්‍රහණයයි. 

ළහිරු උදයංග කුමාර තැබූ අගනා උත්සාහක දිනුමක් ගෝලයක් බවට ප්‍රවර්තනය කරමින් ගුවන් හමුදා පිල ලකුණු 7-0 කින් ඉදිරියට ගෙන ගිය චරිත් සෙනෙවිරත්න ඊට මොහොතකට පසුව පබසර හේවගේ තැබූ විශිෂ්ට උත්සාහක දිනුමත් ගෝලයක් බවට ප්‍රවර්තනය කරමින් ගුවන් හමුදා පිල ලකුණු 14-0 කින් ඉහළට ඔසවා තැබුවේය. 

පසුව සුධාරක දික්කුඹුර උත්සාහක දිනුමක් තබමින් යුද හමුදා පිලේ ලකුණු ලබාගැනීම ආරම්භ කළත් එය ගෝලයක් බවට ප්‍රවර්තනය කිරීමට ගයාන් සාලින්ද අසමත්විය. තරගයේ පළමු භාගය නිමාවිමට පෙර ඉෂාර මධුෂාන් තැබූ උත්සාහක දිනුමත් සමග ලකුණු 19-5 කින් පෙරමුණ ගැනීමට ගුවන් හමුදා පිලට හැකිවිය.

දෙවැනි භාගය ආරම්භයේදීම සුපුන් මධුසංඛ තැබූ උත්සාහක දිනුමක් ගෝලයකට බවට ප්‍රවර්තනය කළ චරිත් සෙනෙවිරත්න ගුවන් හමුදා පිල ලකුණු 26-5 කින් ඉහළට ඔසවා තැබීය. ඊට මිනිත්තු කිහිපයකට පසුව උත්සාහක දිනුමක් තැබීමට යුද හමුදා පිලේ රොෂාන් සම්පත් සමත්වූවත් එය ගෝලයක් බවට ප්‍රවර්තනය කිරීමට ගයාන් සාලින්ද අසමත්විය. 

ගුවන් හමුදා පිලේ ජයග්‍රහණය තහවුරු කරමින් ගයන්ත ඉද්දමල්ගොඩ තැබූ උත්සාහක දිනුම චරිත් සෙනෙවිරත්න විසින් ගෝලයක් බවට ප්‍රවර්තනය කරනු ලැබීමෙන් ලකුණු තත්ත්වය 33-10 ක් විය. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අවිශ්ක - මිලින්ද ‘ඒ’ පිල දිනවති...
2019-01-19 10:02:21
සංචාරක අයර්ලන්ත ‘ඒ’ කණ්ඩායම එරෙහිව සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී අද (19 වැනිදා) පැවැත...
ක්‍රිකට් කාපාළුවෝ ක්‍රීඩා ඇමතිටත් අල්ලස් දෙන්න හදත...
2019-01-18 20:45:26
  ශ්‍රී ලංකා ක්‍රිකට් කණ්ඩායමට ක්‍රීඩකයන් ඇතුළත් කිරීම සඳහා තමන්ට අල්ලස් දීමට තැත්කළ අය පිළිබඳව ජාත්‍යන්තර ක්...
පැටර්සන් - ඩෝරන් ඕස්ට්‍රේලියානු පිල ඔසවා තබති ...
2019-01-17 05:20:22
සංචාරක ශ්‍රී ලංකා කණ්ඩායම සහ ඕස්ට්‍රේලියානු  ක්‍රිකට් ආයතන කණ්ඩායම අතර හෝබාට්හි බෙලෙරිව් ඕවල් ක්‍රීඩාංගණයේදී අද (1...
නුවන් ප්‍රදීප්ට ටෙස්ට් තරගාවලිය අහිමිවෙයි ...
2019-01-20 15:00:49
ඕස්ට්‍රේලියානු ක්‍රිකට් ආයතන කණ්ඩායමට එරෙහිව පැවැති තෙදින දිවා-රාත්‍රී පුහුණු තරගයේදී කලවේ ආබාධයකට ලක්වූ නුවන් ප්‍රදීප්ට ශ්...