. බට්ලර්ගේ ශතකය එංගලන්තයට ජය ගෙනෙයි | කෙළිමඬල
2018 ඔක්තෝබර් මස 16 වැනි අගහරුවාදා
බට්ලර්ගේ ශතකය එංගලන්තයට ජය ගෙනෙයි
2018-01-22 19:23:07 | .

ඕස්ටේ්‍රලියාවට එරෙහිව සිඞ්නි ක්‍රිකට් ක්‍රීඩාංගණයේදී ඊයේ (21 වැනිදා) පැවැති තෙවැනි එක්දින තරගයෙන් ලකුණු 16 ක ජයක් වාර්තා කළ එංගලන්ත කණ්ඩායම, තවත් තරග 2 ක් ඉතිරිව තිබියදීම දෙරට අතර පැවැත්වෙන තරග 5 කින් සමන්විත එක්දින තරගාවලිය 3-0 ක් ලෙස ජය ගැනීමට සමත් විය.

ජයග්‍රහණය සඳහා ලකුණු 303 ක ඉලක්කයක් හඹාගිය ඕස්ටේ්‍රලියානු කණ්ඩායමට ඕවර 50 අවසානයේ කඩුලු 6 ක් දැවී රැස්කරගත හැකිවූයේ ලකුණු 286 ක් පමණි. මාර්ක් වුඞ්, ආදිල් රෂීඞ් සහ ක්‍රිස් වෝක්ස් කඩුලු 2 බැගින් දවාගනිමින් ඕස්ටේ්‍රලියානු කණ්ඩායමේ ජයග්‍රාහී මාවත අවහිර කර දැමූහ.

හයවැනි කඩුල්ල වෙනුවෙන් පන්දු 66 කදී ලකුණු 74 ක සම්බන්ධතාවක් ගොඩනැගූ මාර්කස් ස්ටොයිනිස් (56) සහ ටිම් පේන් (නොදැවී 31) ඕස්ටේ්‍රලියානු කණ්ඩායමට ජයග්‍රහණයේ බලාපොරොත්තු ගෙනාවද, පන්දු 4 කදී ලකුණු 18 ක් රැස්කළ යුතුව තිබූ අවස්ථාවේදී මාර්කස් ස්ටොයිනිස් දැවී යෑම නිසා එම බලාපොරොත්තු සුනුවිසුණු වී ගියේය.

ඒරන් ෆින්ච් (62) සමග එක්ව තෙවැනි කඩුල්ල වෙනුවෙන් පන්දු 74 කදී ලකුණු 69 ක සම්බන්ධතාවක් ගොඩනැගූ ස්ටීවන් ස්මිත් (45), ඉන් නොනැවතී මිචෙල් මාෂ් (55) සමග එක්ව සිවුවැනි කඩුල්ල වෙනුවෙන් පන්දු 83 කදී ලකුණු 68 ක සම්බන්ධතාවක් ගොඩනගමින් ඕස්ටේ්‍රලියානු කණ්ඩායමේ ලකුණු සංඛ්‍යාව ඉහළ දැමූහ.

පළමුවෙන් පන්දුවට පහරදුන් එංගලන්ත කණ්ඩායම වෙනුවෙන් ශතකයක් ලබාගැනීමට ජොස් බට්ලර් (නොදැවී 100) සමත් විය. පන්දු 83 කට මුහුණදුන් බට්ලර්, සිය 5 වැනි එක්දින ශතකය හයේ පහර 4 කින් සහ හතරේ පහර 6 කින් අලංකාර කළේය. ක්‍රිස් වෝක්ස් (නොදැවී 53) සමග එක්ව හත්වැනි කඩුල්ල වෙනුවෙන් පන්දු 71 කදී ලකුණු 113 ක සම්බනධතාවක් ගොඩනැගීමටද බට්ලර් සමත් විය. පන්දු 36 කදී වාර්තා වූ වොක්ස්ගේ අර්ධ ශතකයට හයේ පහර 2 ක් සහ හතරේ පහර 5 ක් ඇතුළත් විය.

ජොනී බෙයාස්ට්‍රෝ හතරේ පහර 2 ක් සමග ලකුණු 39 ක්ද, නායක ඔයින් මෝගන් හයේ පහරක් සහ හතරේ පහර 2 ක් සමග ලකුණු 41 ක්ද රැස්කරමින් ඕස්ටේ්‍රලියානු කණ්ඩායමේ ලකුණු සංඛ්‍යාව 300 සීමාවෙන් ඔබ්බට රැගෙන යෑම සඳහා දායකත්වය සැපයූහ.

එංගලන්තය - ඕවර 50 කදී කඩුලු 6 ක් දැවී 302
(ජේසන් රෝයි 19, ජොනී බෙයාස්ට්‍රෝ 39, ජෝ රූට් 27, ඔයින් මෝගන් 41, ජොස් බට්ලර් නොදැවී 100, ක්‍රිස් වෝක්ස් නොදැවී 53, ජොස් හෙසල්වුඞ් 58/2)

ඕස්ටේ්‍රලියාව - ඕවර 50 කදී කඩුලු 6 ක් දැවී 286
(ඒරන් ෆින්ච් 62, කැමරන් වයිට් 17, ස්ටීවන් ස්මිත් 45, මිචෙල් මාෂ් 55, මාර්කස් ස්ටොයිනිස් 56, ටිම් පේන් නොදැවී 31, මාර්ක් වුඞ් 46/2, ආදිල් රෂීඞ් 51/2, ක්‍රිස් වෝක්ස් 57/2)

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...