. ගෘහස්ථ මලල ක්‍රීඩා තරගාවලියට 6 ක් යති | කෙළිමඬල
2018 ජූනි මස 24 වැනි ඉරිදා
ගෘහස්ථ මලල ක්‍රීඩා තරගාවලියට 6 ක් යති
2018-01-31 19:05:48 | නාමල් පතිරගේ

ඉරානයේ ‘ටෙහෙරාන්’ නුවරදී හෙට (1) ආරම්භ වන හයවැනි ආසියානු ගෘහස්ථ මලල ක්‍රීඩා තරගාවලියට සහභාගි වන ක්‍රීඩක ක්‍රීඩිකාවන් 6 දෙනකුගෙන් සමන්විත ශ්‍රී ලංකා කණ්ඩායම ඊයේ (30) දිවයිනෙන් පිටත්ව ගියේය. නිමාලි ලියනආරච්චි (මීටර 800 - කාන්තා), හෂිනි ප්‍රසාදී (තුන්පිම්ම - කාන්තා), ජානක ප්‍රසාද් (දුර පැනීම - පිරිමි) හා උපමාලිකා රත්නකුමාරි (මීටර 400 - කාන්තා) යන ක්‍රීඩක ක්‍රීඩිකාවෝ මෙම තරගාවලිය සඳහා ශ්‍රී ලංකාවෙන් ඉදිරිපත්ව සිටිති.

මෙම තරගාවලිය ටෙහෙරාන් නුවරදී තරගාවලිය රටවල් 25ක් පමණ සහභාගීත්වයෙන් හෙට සිට අනිද්දා (1, 2, 3) දක්වා පැවැත්වේ.

මෙම තරග සංචාරයට සහභාගිවීම සඳහා පසුගිය 29දා කටුනායක ගුවන් තොටුපල වෙත ගිය ශ්‍රී ලංකා කණ්ඩායමට එහිදී වෙන්කර තිබූ ගුවන් ප්‍රවේශපත්‍ර අනුමත වී නොතිබීමේ සිද්ධියක් නිසා ආපසු හැරී ඒමට සිදුවූ බව වාර්තා වේ. ඒ සම්බන්ධයෙන් ‘ලංකාදීප’ය කළ විමසුමකදී ශ්‍රී ලංකා මලල ක්‍රීඩා සංගමයේ සභාපති මේජර් ජනරාල් පාලිත ප්‍රනාන්දු මහතා පැවසුවේ අඟහරුවාදා (30) දහවල් යළි ප්‍රශ්නය නිරාකරණය කරගනිමින් ඔවුන් දිවයිනෙන් පිටත්ව ගිය බවයි.

කෙසේ වූවත් එම සිද්ධිය හේතුවෙන් ශ්‍රී ලංකා කණ්ඩායමට තරගාවලියට දිනක් ඉතිරිව තිබියදී එහි යාමට තිබූ අවස්ථාව ගිලිහී යාමෙන් ටෙහෙරන් නුවර ඔවුන්ගේ පෙර පුහුණුවීම් කාලය අඩු වූ බවත් පාලිත ප්‍රනාන්දු මහතා වැඩිදුරටත් පැවැසීය.

මෙම තරග සංචාරයේදී කළමනාකරු හා පුහුණුකරු ලෙස පිලිප් රංජිත් මහතා ශ්‍රී ලංකා කණ්ඩායමේ කටයුතු කරයි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
ශ්‍රී ලංකා කණ්ඩායම දුර්වල අඩියක...
2018-06-22 14:46:32
පන්දුවේ ස්භාවය වෙනස් කිරීමට උත්සාහ ගත්තේ යැයි චෝදනා ලැබ තරග තහනමකට ලක්ව සිටින ශ්‍රී ලංකා කණ්ඩායමේ නායක දිනේෂ් චන්දිමාල් බාර්බඩෝස් හිදී...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...
ලොක්කෝ තුන්දෙනාම වරද පිළිගනිති...
2018-06-22 14:37:46
අන්තර්ජාතික ක්‍රිකට් සභාව විසින් පනවන ලද විනය නීති මාලාවේ 2.3.1 වගන්තියට අනුව ක්‍රීඩාවේ ජීව ගුණයට හානී කරමින් 3 වැනි මට්ටමේ වරදක් ...