. ඉන්දියානුවෝ පළමු පහර ගහති | කෙළිමඬල
2018 ඔක්තෝබර් මස 16 වැනි අගහරුවාදා
ඉන්දියානුවෝ පළමු පහර ගහති
2018-02-02 14:13:25 | .

විරාට් කෝලි සහ අජින්ක්‍යා රහනේ එක්ව තුන්වනි කඩුල්ල වෙනුවෙන් ගොඩනැංවූ ලකුණු 189 ක සම්බන්ධතාව මත සිටගත් ඉන්දියානුවෝ ඩර්බන් නුවර කිංග්ස්මේඞ් ක්‍රීඩාංගණයේදී පැවැති පළමු වැනි එක්දින (දිවා/රාත්‍රී) තරගයේදී කඩුලු 6 ක පහසු ජයක් අත්කරගත්හ. මෙම ජයත් සමගින් තරග 6 කින් සමන්විත තරගාවලියේදී 1-0 ක් ලෙසින් ඉන්දිය පිල පෙරමුණ ගත්තේය.

ඉන්දීය ජයග්‍රහණයේ පදනම දැමූ කෝලි ලකුණු 112 ක් ලබාගත්තේ පන්දු 27 ක් ඉතිරිව තිබියදී ලකුණු 270 ජයග්‍රාහී ඉලක්කය පසුකර යාමට ඉන්දියානු පිලට පාර කපා දෙමිනි. පන්දු 119 කට මුහුණ දුන් කෝලි හතරේ පහර 10 ක් ඊට ඇතුළත් කළ අතර අජින්ක්‍යා රහනේගේ පන්දු 86 ඉනිමට හතරේ පහර 5 ක් සහ හයේ පහර 2 ක් ඇතුළත් වී තිබිණ.

“ඒක අති විශේෂ ජයග්‍රහණයක්”

“තරගාවලියක පළමු තරගය කොහොමටත් සුවිශේෂී තමා. ඒත් අන්තිම ටෙස්ට් තරගයේදී ලබාගත් ජයග්‍රහණයේ හයිය මේ තරගයටත් ගේන්න අපට උවමනා වුණා” යයි විරාට් කෝලි ජයග්‍රහණයෙන් පසුව පැවසීය.

මේ වන විට එක්දින ශතක 33 ක හිමිකරුවා වී සිටින ඉන්දීය නායකයා ඒවායින් 20 ක් ලබාගෙන ඇත්තේ ඉලක්කයක් හඹා යන විටදී, හෙවත් දෙවැනි වර පන්දුවට පහරදෙමිනි.

“ඒක පහසුයි”

“ලකුණු පුවරුවේ ඉලක්කම් කීපයක් තියෙන කොට ඒක කොටස් වලට කඩාගන්න පහසුයි. එතකොට අපි හරියටම දන්නවා ඒ ඒ පන්දු යවන්නාගෙන් අප ලබාගත යුත්තේ මොනවාද කියන එක...මගේ තරග රටාවට ඒක හොඳයි” යයිද කෝලි පැවසීය.

සිය මව්බිමේදී එක දිගට එක්දින තරග 17 ක් ජයගෙන සිටි දකුණු අප්‍රිකාවේ වාර්තාව ඉන්දීය ජයග්‍රහණය නිසා බිඳ වැටිණ. දකුණු අප්‍රිකානුවන් එක්දින තරගාවලියට පිවිසියේදී ලෝකයේ අංක 1 කණ්ඩායම වශයෙනි. දකුණු අප්‍රිකානු නායක ෆෆ් ඩුප්ලෙසි ශතකයක් ලබාගත් නමුත් ආරම්භයේ සිටම තරගයේ පාලනය ඉන්දියානුවන් අත රැඳිණ.

වේග පන්දු යවන්නන්ට යෝග්‍ය තණතීරු ඇතැයි කියැවුණද දඟ පන්දු යවන්නන් වන යුෂ්වේන්ද්‍ර චාහල් සහ කුල්දීප් යාදව් කණ්ඩායමට තෝරා ගැනීම ඉන්දියාවට බෙහෙවින් වාසි සහගත විය. මෙම පන්දු යවන්නන් දෙදෙනා විසින් කඩුලු 5 ක් බිම දමන ලදහ. පන්දු 112 කදී ලකුණු 120 ක් ලබාගත් ෆෆ්ගේ ශතකය නිසා දකුණු අප්‍රිකානු ඉනිම තරමක් ස්ථාවර වූ නමුත් ඊට වේගය එක්වූයේ ඉනිමේ අවසන් කොටසේදීය.

තරගයේ 28 වැනි ඕවරය වන විට දකුණු අප්‍රිකානු පිලේ කඩුලු 5 ක් ලකුණු 134 කට බිඳ වැටී තිබිණ. එහෙත් ක්‍රිස් මොරිස් සමග එක්ව ලකුණු 74 ක සම්බන්ධතාවක් ගොඩනැංවූ ෆෆ් ඩු’ප්ලෙසි ඇන්ඩිල් පෙලුක්වායෝ සමග එක්ව තවත් ලකණු 56 ක් එක්කරමින් දකුණු අප්‍රිකානු පිල ඉදිරියට ගෙන ගියේය. තරගයෙන් අනතුරුව දකුණු අප්‍රිකානු නායකයා කීවේ තමන්ට ලකුණු 50 ත් 70 ත් අතර ප්‍රමාණයක් මදිවූ බවයි.


දකුණු අප්‍රිකාව - ඕවර 50 කදී කඩුලු 8 ක් දැවී 269
(ක්වින්ටින් ඩි’කොක් 34, හසිම් අම්ලා 16, ෆෆ් ඩු’ප්ලෙසි 120, ජේ.පී. ඩුමිනි 12, ක්‍රිස් මොරිස් 37, ඇන්ඩිල්
පෙලුක්වායෝ නොදැවී 27, යුෂ්වේන්ද්‍ර චාහල් 45/2, කුල්දිප් යාදව් 34/3)

ඉන්දියාව - ඕවර 45.3 කදී කඩුලු 4 ක් දැවී 270
(රෝහිත් ෂර්මා 20, ෂිකාර් ධවාන් 35, විරාට් කෝලි 112, අජින්ක්‍යා රහනේ 79, ඇන්ඩිල් පෙලුක්වායෝ 42/2)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...