. තරගය ජය පරාජයෙන් තොරව අවසන් | කෙළිමඬල
2018 ඔක්තෝබර් මස 16 වැනි අගහරුවාදා
තරගය ජය පරාජයෙන් තොරව අවසන්
2018-02-04 15:00:53 | .

ශ්‍රී ලංකාව සහ බංග්ලාදේශය අතර චිතගොන්හි සහූර් අහමඞ් චෞද්රි ක්‍රීඩාංගණයේදී පැවැති පළමු ටෙස්ට් තරගය ජය පරාජයෙන් තොරව අද (04 වැනිදා) අවසන්විය. තරගයේ විසඳුමක් පේන තෙක් මානයේ නොතිබීම නිසා කණ්ඩායම් දෙකේ නායකයන්ගේ කැමැත්ත මත තරගය අවසන් කිරීමට විනිසුරුවෝ තීරණය කළහ.

තරගය නිමාවන විට පන්දුවට පහරදෙමින් සිටි බංග්ලාදේශය දෙවැනි ඉනිම සදහා කඩුලු 5 ක් දැවී ලකුණු 307 ක් රැස්කිරීමට සමත්විය. ශ්‍රී ලංකාව පළමු ඉනිමේදි රැස්කළ ලකුණු සංඛ්‍යාවට වඩා ලකුණු 200 ක් පසුපසින් සිට දෙවැනි ඉනිම ඇරඹූ බංග්ලාදේශය තරගය නිමාවන විට කඩුලු 5 ක් අතැතිව ශ්‍රී ලංකාවට වඩා ලකුණු 107 ක් ඉදිරියෙන් පසුවිය.

පිට පිට කඩුලු දැවීයාම හේතුවෙන් කඩා වැටුණු බංග්ලාදේශ ඉනිම ගොඩනගමින් ශ්‍රී ලංකා පන්දු යවන්නන්ට මහත් හිසරදයක්වූ මොමිනුල් හක් ලකුණු 105 ක් රැස්කර සිටියදි දවාගැනීමට ධනංජය ද සිල්වා සමත්විය. දිමුත් කරුණාරත්න අතට උඩපන්දුවක් දෙමින් දැවීයන විට පන්දු 174 කට මුහුණදී සිටි මොමිනුල් හක් හයේ පහර දෙකක් සහ හතරේ පහර පහක් සිය ඉනිමට එක්කරගෙන සිටියේය.

පළමු ඉනිමේදී ලකුණු 176 ක් සහ දෙවැනි ඉනිමේදී ලකුණු 105 ක් සමගින් ලකුණු 281 ක් රැස්කරගත් මොමිනුල් හක් බංග්ලාදේශය වෙනුවෙන් ටෙස්ට් තරගයකදී වැඩිම ලකුණු රැස්කළ පිතිකරුවා බවට පත්විය. මින් පෙර පාකිස්තානයට එරෙහිව ලකුණු 231 රැස්කළ ටමීම් ඉක්බාල් (25 සහ 206) බංග්ලාදේශය වෙනුවෙන් ටෙස්ට් තරගයකදී වැඩිම ලකුණු රැස්කළ පිතිකරුවා බවට පත්ව සිටියේය.

2000 වසරේ ටෙස්ට් වරම් හිමිකරගත් බංග්ලාදේශය වෙනුවෙන් වසර 18 ක් ගතවනතෙක් ඉනිම දෙකෙහිදි ශතක හිමිකර ගැනීමට කිසිදු පිතිකරුවකුට නොහැකිවූ අතර මෙම තරගයේ ඉනිම දෙකෙහිදි ශතක ලබාගත් මොමිනුල් හක් මේ දස්කම් සිදුකළ පළමු පිතිකරුවා බවට පත්විය.

මංගල ටෙස්ට් ශතකය ලබාගැනීමට තිබූ අවස්ථාව ඩිල්රුවන් පෙරේරාගේ දක්ෂ උඩපන්දු රැකීම හමුවේ ලිටන් දාස්ගෙන් අහිමිව ගියේය. රංගන හේරත් දැමූ පන්දුවකට ඉදිරියට පැන පහරක් ගැසූ ලිටන් දාස් හයකින් ශතකය සැමරීමට උත්සහ කළද නොසිතූ අයුරින් ඉහළ නැගි පන්දුව ඩිල්රුවන් පෙරේරා පසුපසට දිවවිත් රැකගැනීමත් සමගින් ඔහුගේ ඉනිම ලකුණු 94 කට අවසන් විය. පන්දු 182 කට මුහුණදුන් ලිටන් දාස් හතරේ පහර 11 ක් සමගින් ලබාගත්තේ ඔහුගේ සිවුවැනි ටෙස්ට් අර්ධ ශතකය වන අතර ඔහු ඉනිමක රැස්කළ වැඩිම ලකුණු සංඛ්‍යාවද වන්නේය.

සිවුවැනි දිනට ඊයේ (3 වැනිදා) තරගය නතර කරනවිට ලකුණු 81 කට කඩුලු 3 ක් අහිමිකරගෙන සිටි බංග්ලාදේශය අද දිවා ආහාරය වනවිට පළමු භාගය සදහා කිසිවකු නොදැවී ලකුණු 106 ක් රැස්කර සිටි අතර දිවා ආහාරය සහ තේ පානය අතර කාළය තුළ කඩුලු 2 ක් අහිමිකර ගනිමින් ලකුණු 94 ක් රැස්කිරිමට ඔවුන් සමත්වූහ.

තරගය ආරම්භයේදී සිවුවැනි සහ අවසන් දිනයන්හි තණතීරුව දඟපන්දු යවන්නන් සදහා යෝග්‍ය වනු ඇතැයි සියලුදෙනාගේ මතය වුවද දඟ පන්දු යවන්නන් සදහා තණතීරුව සහයෝගයක් දක්වන ආකාරයක් දැක ගැනීමට නොහැකිවිය.

වේගපන්දු යවන්නන් දෙදෙනෙකු සහ දඟපන්දු යවන්නන් පස්දෙනෙකු යොදා ගැනීමට ශ්‍රී ලංකා නායකයා තීරණය කළද දවාගැනිමට හැකිවූයේ කඩුලු පහකි. ඉන් කඩුලු 3 ක් ඊයේ දවාගත් අතර අද දිනයේදී දවාගැනිමට හැකිවූයේ කඩුලු 2 ක් පමණි. රංගන හේරත්ට කඩුලු දෙකක් සහ ධනංජය ද සිල්වා, ඩිල්රුවන් පෙරේරා සහ ලක්ෂාන් සඳකැන් අතර එක් කඩුල්ල බැගින් බෙදී ගියහ.

 

 

 

තරගයේ විශේෂ අවස්ථා ...

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...