. පළමු ආසියානු ගෘහස්ථ රන් පදක්කම ගයන්තිකාගෙන් | කෙළිමඬල
2018 ඔක්තෝබර් මස 22 වැනි සඳුදා
පළමු ආසියානු ගෘහස්ථ රන් පදක්කම ගයන්තිකාගෙන්
2018-02-04 20:03:34 | නාමල් පතිරගේ

ඉරානයේ ටෙහෙරාන් නුවරදී පෙරේදා (3) නිමාවට පත් වූ අටවැනි ආසියානු ගෘහස්ථ මලල ක්‍රීඩා ශූරතාවලියේදී මීටර 1500 කාන්තා ඉසව්වෙන් රන් පදක්කමක් දිනා ගැනීමට ශ්‍රී ලංකා ක්‍රීඩිකා හසන්තිකා අබේරත්න සමත් වූවාය.

එය ශ්‍රී ලංකාව ආසියානු ගෘහස්ථ මලල ක්‍රීඩා ශූරතාවලියකදී දිනා ගත් පළමු රන් පදක්කම වන අතර මෙම ක්‍රීඩිකාව ලබන අප්‍රේල් 4 වැනිදා ඕස්ටේ්‍රලියාවේ ගෝල්ඞ්කොස්ට් නුවරදී ආරම්භ වන 21 වැනි පොදු රාජ්‍ය මණ්ඩලීය ක්‍රීඩා උළෙලට නිර්දේශ වී සිටින සංචාරක ශ්‍රී ලංකා මලල ක්‍රීඩා කණ්ඩායමට ද නිර්දේශිත ක්‍රීඩිකාවන් සිව්දෙනාගෙන් අයෙකි.

එහෙත් එහිදී ඇය නිර්දේශ වී සිටින්නේ මීටර 800 කාන්තා ඉසව්වෙනි. එම ඉසව්වෙන් මෙම තරගාවලියේදී ලෝකඩ පදක්කමත් දිනාගත් නිමාලි ලියනආරච්චි ද ඇය සමඟ ‘ගෝල්ඞ්කොස්ට්’ තරගාවලියට සුදුසුකම් ලබා සිටියි.

ශ්‍රී ලංකාව ආසියානු ගෘහස්ථ මලල ක්‍රීඩා තරගාවලියට සහභාගී වූ තෙවැනි අවස්ථාව මෙය වන අතර එහිදී එක් රන් පදක්කමක් හා ලෝකඩ පදක්කම් තුනක් හිමිකර ගැනීමට සමත්ව සිටින ශ්‍රී ලංකාව එම තරගාවලියේදී දිනාගත් වැඩිම පදක්කම් ගණන ද වීම කැපී පෙනේ.

කසකස්තාන ක්‍රීඩිකාව පරාජයට පත් කරමින් ගයන්තිකා විනාඩි 4 තත්ත්පර 26.83කට එම රන් පදක්කම දිනා ගැනීමට සමත්වූවාය.

පෙරේදා තරගාවලිය නිමාවට පත් වූ දිනයේදී ශ්‍රී ලංකාවට සෙසු ලෝකඩ පදක්කම හිමිකර දුන්නේ දුර පැනීමේ ක්‍රීඩක ජනක ප්‍රසාද් විමලසිරි ය. ඒ මීටර 7.67කටය.

නිමාලි ලියනආරච්චි (මීටර 800), උපමාලිකා රත්නකුමාරි (මීටර 400) තරගාවලියේදී ලෝකඩ පදක්කම් දිනා ගත් සෙසු ශ්‍රී ලංකා ක්‍රීඩිකාවෝ වෙති.

ක්‍රීඩක ක්‍රීඩිකාවන් පස් දෙනකුගෙන් සමන්විත ටෙහෙරාන් තරග සංචාරය සඳහා සහභාගි වූ ශ්‍රී ලංකා තුන් පිම්ම ක්‍රීඩිකා හසිනි ප්‍රසාදිකාට පමණක් තරගාවලියේදී පදක්කමක් මග හැරී ගිය අතර ඇය එහිදී හිමිකර ගත්තේ හයවැනි ස්ථානයයි. දුර පැනීම පිරිමි ඉසව්වෙන් ලෝකඩ පදක්කමක් හිමිකර ගත් ජනක ප්‍රසාද් විමලසිරි ද එළඹෙන පොදු රාජ්‍ය මණ්ඩලීය ක්‍රීඩා උළෙලට වරම් හිමිකර ගත් ශ්‍රී ලංකා ක්‍රීඩකයෙකි.


අට වැනි ආසියානු ගෘහස්ථ මලල ක්‍රීඩා ශූරතාවලියේ දී ශ්‍රී ලංකාව පදක්කම් දිනාගත් ඉසව්වල ප්‍රතිඵල

මීටර් 1500 - (කාන්තා)
1 හසන්තිකා අබේරත්න (ශ්‍රී ලංකාව-විනාඩි 4 තත්පර 26.83)
2. තැත්යානා ෆරොස්නෙක් (කසකස්තානය - 4.28.20)
3. ටියෝ ධආනා දූතුයෝ (වියට්නාමය 4.28.87)


දුර පැනීම (පිරිමි):-
1. ෂී. සුභාගෝ (චීනය මීටර් 8.16)
2. ලීක් හොන්ජා මින් (චීන තායිපේ 7.72.)
3. ජනක ප්‍රසාද් විමලසිරි (ශ්‍රී ලංකාව මීටර් 7.67)


මීටර් 400 (කාන්තා) -
1 ස්වේට්ලානා හොලෙන්ඩොවා (කසකස්තානය-තත්ත්පර 53.28)
2 මලීනා විනිතා (කසකස්තානය 53.49)
3. උපමාලිකා රත්නකුමාරි (ශ්‍රී ලංකාව 54.90)


මීටර් 800 (කාන්තා) -
1 චුන්සුවූන්ග් (චීනය විනාඩි 2. තත් 09.30)
2. ෂියෑන්ග් හූ (චීනය 2.10.81)
3. නිමාලි ලියනආරච්චි (ශ්‍රී ලංකාව 2.10.83)
4. ගයන්තිකා අබේරත්න (2.11.20).

තුන්පිම්ම (කාන්තා) -
1 ලීනා එක්ටෝවා (කසකස්තානය මීටර 13.79)
2 ෂිනා තෙල්තාල් මැකී (ඉන්දියාව 13.37)
3 කී දී චාඕ (වියට්නාමය 13.22)
4. හෂිනි ප්‍රසාදි (ශ්‍රී ලංකාව 12.77).

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තය එක්දින තරගාවලිය ජයගනී...
2018-10-20 10:13:07
ශ්‍රී ලංකාව සහ එංගලන්තය අතර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී අද (20 වැනිදා) පැවැති සිවුවැනි එක්දින තරගයෙන් ඩක්...
ශ්‍රී ලංකාව පරාජයෙන් බේරීමේ මං සොයයි...
2018-10-19 17:58:44
මේ වන විට තරග 2 ක් පරාජය වී ඇති බැවින් කෙසේ හෝ ඉතිරි තරග 2 ජයගනිමින් එංගලන්තයට  එරෙහිව පැවැත්වෙන එක්දින තරගාවලිය 2-2 ක් ලෙස සම තත්වයට...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...