. ඉන්දියාවට කඩුලු 9 ක පහසු ජයක් | කෙළිමඬල
2018 අගෝස්තු මස 16 වැනි බ‍්‍රහස්පතින්දා
ඉන්දියාවට කඩුලු 9 ක පහසු ජයක්
2018-02-05 12:53:19 | .

සත්කාරක දකුණු අප්‍රිකානු කණ්ඩායමට එරෙහිව සෙන්චූරියන්හිදී ඊයේ (4 වැනිදා) පැවැති දෙවැනි එක්දින තරගයෙන් කඩුලු 9 ක පහසු ජයක් අත්කර ගැනීමට සංචාරක ඉන්දීය කණ්ඩායම සමත් විය. එම ජයත් සමගින් තරග 6 කින් සමන්විත එක්දින තරගාවලිය 2-0 ක් ලෙස පෙරමුණ ගැනීමටද ඉන්දීයාව සමත් විය.

ජයග්‍රහණය සඳහා ලකුණු 119 ක පහසු ඉලක්කයක් හඹාගිය ඉන්දීය ක්‍රීඩකයෝ ඕවර 20.3 ක් අවසානයේ කඩුල්ලක් පමණක් දැවී එම ඉලක්කය පසුකර ගියේය. දෙවැනි කඩුල්ල වෙනුවෙන් පන්දු 100 කදී ලකුණු 93 ක නොබිඳුණ සම්බන්ධතාවක් ගොඩනැගූ ශිකර් ධවාන් (නොදැවී 51) සහ නායක විරාට් කෝලි (නොදැවී 46) ඉන්දීය කණ්ඩායමේ ජයග්‍රහණය ඉක්මන් කළහ.

පන්දු 51 කට මුහුණදුන් ධවාන් සිය 24 වැනි එක්දින අර්ධ ශතකය හතරේ පහර 9 කින් අලංකාර කළ අතර පන්දු 50 කදී වාර්තා වූ කෝලිගේ ඉනිමට හයේ පහරක් සහ හතරේ පහර 4 ක් ඇතුළත් විය. හයේ පහරක් සහ හතරේ පහර 2 ක් සමගින් ලකුණු 15 ක් ලබා සිටියදී කගිසෝ රබාඩාගේ පන්දුවක් හමුවේ මෝනි මෝකල් අතට උඩ පන්දුවක් දෙමින් ඉන්දීය ඉනිමේ පළමු කඩුල්ල ලෙස රෝහිත් ශර්මා දැවී ගියේය.

පළමුවෙන් පන්දුවට පහරදුන් දකුණු අප්‍රිකානු කණ්ඩායම ඕවර 32.2 ක් අවසානයේ ලකුණු 118 කට සීමා කිරීමට යුස්වින්දර් චාහල් ප්‍රමුඛ ඉන්දීය පන්දු යවන්නෝ සමත් වූහ. දක්ෂ පන්දු යැවීමක නිරත වූ චාහල් ලකුණු 22 කට කඩුලු 5 ක් දවාගනිමින් දකුණු අප්‍රිකානු ඉනිම සුනුවිසුණු කර දැමූ අතර ඒ සඳහා ඔහුට අනගි සහායක් දුන් කුල්දීප් යාදව් ලකුණු 20 කට කඩුලු 3 ක් දවාගත්තේය.

දකුණු අප්‍රිකානු කණ්ඩායම වෙනුවෙන් ජේ.පී. ඩුමිනි හතරේ පහර 2 ක් සමග ලකුණු 25 ක්ද, ඛායා සෙන්ඩෝ හතරේ පහර 2 ක් සමග ලකුණු 25 ක්ද රැස්කළ අතර හෂීම් අම්ලා ලකුණු 23 ක් රැස්කළේ හතරේ පහර 4 ක් සමගිනි.


දකුණු අප්‍රිකානු පිල - ඕවර 32.2 කදී සියලු දෙනා දැවී 118
(හෂීම් අම්ලා 23, ක්වින්ටින් ඩි’කොක් 20, ජේ.පී. ඩුමිනි 25, ඛායා සෙන්ඩෝ 25, යුස්වින්දර් චාහල් 22/5, කුල්දීප් යාදව් 20/3)

ඉන්දීය පිල - ඕවර 20.3 කදී කඩුල්ලක් දැවී 119
(රෝහිත් ශර්මා 15, ශිකර් ධාවාන් නොදැවී 51, විරාට් කෝලි නොදැවී 46)


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...