. යුද හමුදාව - යුනිචෙලා ජාතික ශූරතා දිනති | කෙළිමඬල
2018 මැයි මස 20 වැනි ඉරිදා
යුද හමුදාව - යුනිචෙලා ජාතික ශූරතා දිනති
2018-02-05 13:41:52 | .

ශ්‍රී ලංකා ආධුනික බොක්සිං සංගමය විසින් සංවිධානය කරන ලද 92 වැනි ජාතික බොක්සිං ශූරතාවලියේ පිරිමි ශූරතාවට හිමිකම් කියමින් සාජන් සෙල්වදුරෙයි අනුස්මරණ කුසලාන දිනාගැනීමට ශ්‍රී ලංකා යුද හමුදාව සමත් විය. රන් පදක්කම් 4 ක්, රිදී පදක්කමක් සහ ලෝකඩ පදක්කම් 4 ක් දිනාගනිමින් යුද හමුදා ක්‍රීඩකයෝ එම ශූරතාවට හිමිකම් කීහ.

රන් පදක්කම් 2 ක්, රිදී පදක්කම් 5 ක් සහ ලෝකඩ පදක්කම් 4 ක් දිනාගත් ස්ලිම්ලයින් ක්‍රීඩා සමාජය තරගාවලියේ පිරිමි අනු ශූරතාව හිමිකරගත් අතර රන් පදක්කමක්, රිදී පදක්කම් 2 ක් සහ ලෝකඩ පදක්කම් 5 ක් දිනාගත් ගුවන් හමුදාව එහි තෙවැනි ස්ථානයට පත් විය.

තරගාවලියේ කාන්තා ශූරතාවට හිමිකම් කියමින් නීවා ඇඹුල්දෙණිය අභියෝග කුසලාන දිනාගැනීමට යුනිචෙලා ක්‍රීඩා සමාජය සමත් විය. එහිදී රන් පදක්කම් 4 ක් සහ රිදී පදක්කම් 4 ක් දිනාගැනීමට යුනිචෙලා ක්‍රීඩිකාවෝ සමත් වූහ.

රන් පදක්කමක්, රිදී පදක්කම් 2 ක් සහ ලෝකඩ පදක්කම් 2 ක් දිනාගත් පොලිසිය, කාන්තා අනු ශූරතාව හිමිකරගත් අතර රන් පදක්කමක්, රිදී පදක්කම් 2 ක් සහ ලෝකඩ පදක්කමක් දිනාගත් යුද හමුදාව එහි තෙවැනි ස්ථානයට පත් විය.

තරගාවලියේ දක්ෂතම ක්‍රීඩකයා ලෙස ලයිට් වෙල්ටර් (කිලෝ ග්‍රෑම් 69) බර පංතියෙන් තරග වැදුණ යුද හමුදාවේ පී.ඩී.ඩී. මධුරංග සම්මාන දිනාගත් අතර දක්ෂතම ක්‍රීඩිකාව ලෙස ෆ්ලයි (කිලෝ ග්‍රෑම් 51) බර පංතියෙන් තරග වැදුණ යුනිචෙලා ක්‍රීඩා සමාජයේ ජේ.ඒ.ඩී. ජයසිංහ  සම්මාන දිනාගත්තාය.

දක්ෂතම පරාජිතයා ලෙස ලයිට් වෙල්ටර් (කිලෝ ග්‍රෑම් 69) බර පංතියෙන් තරග වැදුණ නාවික හමුදාවේ ආර්.ජී.එස්. කුමාරසිංහද, දක්ෂතම පරාජිත ක්‍රීඩිකාව ලෙස ෆ්ලයි (කිලෝ ග්‍රෑම් 51) බර පංතියෙන් තරග වැදුණ යුද හමුදාවේ එච්.එස්. ප්‍රියදර්ශනීද සම්මාන හිමකරගත්හ.

කොළඹ රාජකීය විදුහල් ගෘහස්ත ක්‍රීඩාංගණයේදී පැවැති මෙම තරගාවලියේ ත්‍යාග ප්‍රදානෝත්සවයේ ප්‍රධාන ආරාධිතයා ලෙස හිටපු යුද හමුදාපති ජගත් ජයසූරිය මහතා සහභාගි විය.

තරගාවලියේ දක්ෂතම ක්‍රීඩකයා - යුද හමුදාවේ පී.ඩී.ඩී. මධුරංග

දක්ෂතම පරාජිතයා -නාවික හමුදාවේ ආර්.ජී.එස්. කුමාරසිංහ

දක්ෂතම ක්‍රීඩිකාව - යුනිචෙලා ක්‍රීඩා සමාජයේ ජේ.ඒ.ඩී. ජයසිංහ

දක්ෂතම පරාජිත ක්‍රීඩිකාව - යුද හමුදාවේ එච්.එස්. ප්‍රියදර්ශනීද


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
විරාට් කෝලිගේ සැඟවුණ මානුෂීය ගුණය ...
2018-05-14 19:28:51
ඉන්දීය ප්‍රීමියර් ලීග් තරගාවලිය එන්න එන්නම උණුසුම් වන බව සැබෑය. එහි පූර්ණ ගෞරවය හිමිවිය යුත්තේ ඉන්දීය රසිකයන් වෙතය. මෙවර තරගාවලියේදී ඉ...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පිතිකරුවෝ ගාල්ල පිලට ජය ගෙනෙති...
2018-05-14 20:52:30
අන්තර් පළාත් එක්දින ක්‍රිකට් තරගාවලියේ ගාල්ල කණ්ඩායම සහ දඹුල්ල කණ්ඩායම අතර පී.සරවණමුත්තු ක්‍රීඩාංගණයේදී පැවැති තරගය ඩක්වත් ලුවිස් ...
කෙවින්ගේ ශතකයෙන් අයර්ලන්තය ඉදිරියට...
2018-05-14 23:57:57
කෙවින් ඕ’බ්‍රයන්ගේ මංගල ටෙස්ට් ශතකය හමුවේ පාකිස්තානයට එරෙහිව ඩබ්ලින්හිදී පැවැත්වෙන ටෙස්ට් ක්‍රිකට් තරගයේ සිවුවැනි දිනය වූ අද...