. උදය - එරන්දි ජාතික ශූරතා දිනති | කෙළිමඬල
2018 ඔක්තෝබර් මස 15 වැනි සඳුදා
උදය - එරන්දි ජාතික ශූරතා දිනති
2018-02-06 20:18:41 | ශානුක අරවින්ද

ගල්කිස්ස සාන්ත තෝමස් විදුහල් ගෘහස්ත ක්‍රීඩාංගණයේදී පැවති 71 වැනි ජාතික මේසපන්දු තරගාවලියේ විවෘත පිරිමි ශූරතාව දිනාගැනීමට මහනුවර විද්‍යාර්ථ විදුහලේ උදය රණසිංහ සමත් විය. එහිදී ශ්‍රී ලංකා යුද හමුදාවේ එරන්දි වරුසවිතාන විවෘත කාන්තා ශූරතාව දිනාගත්තාය.

උදය රණසිංග පිට පිටම ජාතික මේසපන්දු ශූරතාව දිනාගත් 5 වැනි අවස්ථාව (2013, 2014, 2015, 2016 සහ 2017) මෙයයි. විවෘත පිරිමි කේවල අවසන් මහ තරගයේදී වට 4-1 ක් ලෙස මහනුවර විද්‍යාර්ථ විදුහලේම ශිෂ්‍යයෙක් වන ක්‍රිෂාන් වික්‍රමරත්න පරාජය කරමින් උදය මෙවර ශූරතාවට හිමිකම් කීවේය.

එරන්දි ජාතික මේසපන්දු ශූරතාව දිනාගත් දෙවැනි අවස්ථාව මෙය (2017) වන අතර මින් පෙර ඇය 2014 වසරේදීද ජාතික මේසපන්දු ශූරතාවට හිමිකම් කීවාය.  ඇය මෙවර ශූරතාවට හිමිකම් කීවේ විවෘත කාන්තා කේවල අවසන් මහ තරගයේදී වට 4-1 ක් ලෙස කොළඹ විශාකා විදුහලේ හංසනී පියුමිලා පරාජය කරමිනි.

තරග වට 3-2 ක් ලෙස නිමේෂ් රංචාගොඩ සහ තිසස් රංචාගොඩ පරාජය කරමින් රොහාන් සිරිසේන සහ චමීර ගිණිගේ පිරිමි යුගල ශූරතාව දිනාගත් අතර තරග වට 3-1 ක් ලෙස කාවින්දි සහබන්දු සහ තනුෂි රොද්‍රිගූ පරාජය කරමින් ඉෂාරා මධුරංගි සහ නුවනි නවෝද්‍යා කාන්තා යුගල ශූරතාව දිනාගත්හ.

උදය රණසිංහ සහ චමත්සරා ප්‍රනාන්දු හමුවේ තරග වට 3-2 ක පහසු ජයක් වාර්තා කළ රොහාන් සිරිසේන සහ ඉෂාරා මධුරංගි තරගාවලියේ මිශ්‍ර යුගල ශූරතාවට හිමිකම් කීහ. සමනල ක්‍රීඩා සමාජය නියෝජනය කළ ලලිත් ප්‍රියන්ත ප්‍රවීණ පිරිමි ශූරතාවද, ස්ටැග් මේසපන්දු ක්‍රීඩා සමාජය නියෝජනය කළ රොහාන් සිරිසේන ජ්‍යෙෂ්ඨ පිරිමි ශූරතාවද දිනාගැනීමට සමත්වූහ.

ශ්‍රී ලංකා මේසපන්දු සංගමය සංවිධානය කළ මෙම තරගාවලියේ ත්‍යාග ප්‍රදානෝත්සවයේ ප්‍රධාන ආරාධිතයා ලෙස ශ්‍රී ලංකා රග්බි සංගමයේ සභාපති අසංග සෙනෙවිරත්න මහතා සහභාගි විය.  

තරග ප්‍රතිඵල

විවෘත පිරිමි කේවල
උදය රණසිංහ (මහනුවර විද්‍යාර්ථ විදුහල) විසින් තරග වට 4-1 ක් ලෙස ක්‍රිෂාන් වික්‍රමරත්න (මහනුවර විද්‍යාර්ථ විදුහල) පරාජය කරන ලදි. (11/06, 11/07, 11/07, 07/11, 11/09)

විවෘත පිරිමි යුගල
රොහාන් සිරිසේන (ස්ටැග් මේසපන්දු විද්‍යායතනය) සහ චමීර ගිණිගේ (ශ්‍රී ජයවර්ධනපුර විශ්ව විද්‍යාලය) විසින් තරග වට 3-2 ක් ලෙස නිමේෂ් රංචාගොඩ සහ තිසස් රංචාගොඩ (කොළඹ රාජකීය විදුහල) පරාජය කරන ලදි. (09/11, 11/05, 08/11, 11/05, 11/04)

විවෘත කාන්තා කේවල
එරන්දි වරුසවිතාන (යුද හමුදාව) විසින් තරග වට 4-1 ක් ලෙස හංසනී පියුමිලා (කොළඹ විශාකා විදුහල) පරාජය කරන ලදි. (11/04, 11/03, 04/11, 11/07, 11/08)

විවෘත කාන්තා යුගල
ඉෂාරා මධුරංගි (වරාය අධිකාරිය) සහ නුවනි නවෝද්‍යා (යුද හමුදාව) විසින් තරග වට 3-1 ක් ලෙස කාවින්දි සහබන්දු (මොරටුව විශ්ව විද්‍යාලය) සහ තනුෂි රොද්‍රිගූ (මහනුවර මහාමායා විදුහල) පරාජය කරන ලදි. (06/11, 11/09, 11/06, 11/07)

විවෘත මිශ්‍ර යුගල
රොහාන් සිරිසේන (ස්ටැග් මේසපන්දු විද්‍යායතනය) සහ ඉෂාරා මධුරංගි (වරාය අධිකාරිය) විසින් තරග වට 3-2 ක් ලෙස උදය රණසිංහ (මහනුවර විද්‍යාර්ථ විදුහල) සහ චමත්සරා ප්‍රනාන්දු (කොළඹ විශාකා විදුහල) පරාජය කරන ලදි. (09/11, 11/07, 04/11, 12/10, 11/07)

21 න් පහළ පිරිමි කේවල
ප්‍රසාද් ද සිල්වා (මහනුවර විද්‍යාර්ථ විදුහල) විසින් තරග වට 3-2 ක් ලෙස ක්‍රිෂාන් වික්‍රමරත්න (මහනුවර විද්‍යාර්ථ විදුහල) පරාජය කරන ලදි. (14/12, 10/12, 12/10, 09/11, 11/08)

21 න් පහළ කාන්තා කේවල
හංසනී පියුමිලා (කොළඹ විශාකා විදුහල) විසින් තරග වට 3-1 ක් ලෙස මුතුමාලි ප්‍රියදර්ශනී (අම්බලන්ගොඩ ශ්‍රී දේවානන්ද විදුහල) පරාජය කරන ලදි. (11/08, 12/10, 07/11, 11/05)

ජ්‍යෙෂ්ඨ පිරිමි කේවල
රොහාන් සිරිසේන (ස්ටැග් මේසපන්දු විද්‍යායතනය) විසින් තරග වට 3-2 ක් ලෙස ඉන්දික ප්‍රසාද් (නාවික හමුදාව) පරාජය කරන ලදි. (12/10, 10/12, 11/06, 09/11, 12/10)

ප්‍රවීණ පිරිමි කේවල
ලලිත් ප්‍රියන්ත (බටර්ෆ්ලයි ක්‍රීඩා සමාජය) විසින් තරග වට 3-2 ක් ලෙස ජී.එන්. ලූකස් (ප්‍රවීණයන්ගේ මේසපන්දු සංගමය) පරාජය කරන ලදි. (07/11, 10/12, 11/09, 11/08, 11/07)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...