. විස්සයි-20 නායකත්වය යළිත් චන්දිමාල්ට | කෙළිමඬල
2018 ඔක්තෝබර් මස 16 වැනි අගහරුවාදා
විස්සයි-20 නායකත්වය යළිත් චන්දිමාල්ට
2018-02-07 17:47:29 | ශානුක අරවින්ද

බංග්ලාදේශයට එරෙහිව පැවැත්වෙන තරග 2 කින් සමන්විත විස්සයි20 තරගාවලිය සඳහා නම් කරන ලද ශ්‍රී ලංකා සංචිතයේ නායකත්වය සඳහා දිනේෂ් චන්දිමාල් නම් කර තිබේ. ශ්‍රී ලංකා විස්සයි20 කණ්ඩායමේ නිත්‍ය නායක ඇන්ජලෝ මැතිව්ස් පාදයේ අබාධයකට ලක්වීම හේතුවෙන් චන්දිමාල්ට මෙම තරගාවලියේදීත් කණ්ඩායම මෙහෙයවීමේ වගකීම හිමිව තිබේ.

වසර හතරකට ඉහතදීත් ශ්‍රී ලංකා විස්සයි-20 පිලේ ලෝක කුසලාන කණ්ඩායමේ නායකයාව සිටි චන්දිමාල්ට නායකත්වය අහිමි වූයේද බංග්ලාදේශයේදීමය. ඒ ලකුණු අතර නොසිටීමේ පාපයෙනි.

චන්දිමාල් විස්සයි20 කණ්ඩායමට ඇතුළත්ව සිටින්නේ වසරකට පමණ පසුව වන අතර අවසන් වරට ඔහු ශ්‍රී ලංකාව නියෝජනය කරමින් විස්සය20 තරගයකට සහභාගි වී ඇත්තේ 2017 වසරේ ජනවාරි මාසයේදී දකුණු අප්‍රිකාවට එරෙහිවය.

2010 වසරේදී නවසීලන්තයට එරෙහිව විස්සය20 ජාත්‍යන්තර වරම් දිනාගත් චන්දිමාල් මේ දක්වා විස්සය20 තරග 48 කට ක්‍රීඩා කර ඇති අතර එහිදී අර්ධ ශතක 4 ක් සමගින් රැස්කරගෙන ඇති ලකුණු සංඛ්‍යාව 720 කි. තරගයකදී ඔහුගේ ලකුණු ලබාගැනීමේ සාමාන්‍ය 18 ක් වන අතර පන්දු 100 කදී ලකුණු ලබාගැනීමේ වේගය 103.29 ක අගයක් ගනී.

2013 වසරේ සිට 2017 වසර දක්වා විස්සය20 තරග 22 කදී චන්දිමාල්, ශ්‍රී ලංකා කණ්ඩායම මෙහෙයවා ඇති අතර ඉන් තරග 10 කදී ශ්‍රී ලංකාවට ජයග්‍රහණයන්ද, තරග 12 කදී පරාජයන්ද හිමිව තිබේ. කුමාර් සංගක්කාර සමග එක්ව වැඩිම විස්සයි20 තරග සංඛ්‍යාවකදී (තරග 22 බැගින්) ශ්‍රී ලංකා කණ්ඩායම මෙහෙයවීමේ සම වාර්තාවටද චන්දිමාල් හිමිකම් කියන අතර බංග්ලාදේශයට එරෙහිව පැවැත්වෙන පළමු තරගයේදී ශ්‍රී ලංකා කණ්ඩායමේ නායකත්වය දැරීමත් සමග එම වාර්තාවේ තනි අයිතිය ඔහුට හිමිවනු ඇත.

චන්දිමාල්ට අමතරව වේග පන්දු යවන්නන් වන ඉසුරු උදාන, ෂෙහාන් මධුෂංක සහ අසිත ප්‍රනාන්දුද, දඟ පන්දු යවන්නන් වන ජෙෆ්රි වැන්ඩසේ සහ අමිල අපොන්සුද, තුන් ඉරියව් ක්‍රීඩක ජීවන් මෙන්ඩිස්ද ශ්‍රී ලංකා සංචිතයට කැඳවීමට තේරීම් කමිටුව පියවර ගෙන තිබේ.

ඔවුන් අතරින් 22 හැවිරිදි ෂෙහාන් මධුෂංක සහ 20 හැවිරිදි අසිත ප්‍රනාන්දු තවමත් ශ්‍රී ලංකාව වෙනුවෙන් විස්සයි20 ජාත්‍යන්තර වරම් දිනා නොමැති අතර 35 වැනි වියේ පසුවන ජීවන් මෙන්ඩිස් කණ්ඩායමට ඇතුළත්ව සිටින්නේ වසර 4 හමාරකට පමණ පසුවය.

මෙන්ඩිස්ට අමතරව ධනුෂ්ක ගුණතිලක, තිසර පෙරේරා, අසේල ගුණරත්න සහ දසුන් ශානක තුන් ඉරියව් ක්‍රීඩකයන් ලෙස සංචිතයට ඇතුළත්ව සිටින අතර උපුල් තරංග, කුසල් පෙරේරා සහ නිරෝෂන් දික්වැල්ල ශ්‍රී ලංකා පිතිකරු ලැයිස්තුව ශක්තිමත් කරති.

අවසන් වරට ඉන්දියාවට එරෙහිව පැවැති විස්සයි20 තරගාවලියේදී ශ්‍රී ලංකා සංචිතයට ඇතුළත්ව සිටි සධීර සමරවික්‍රම, චතුරංග ද සිල්වා, සචිත් පතිරණ, දුෂ්මන්ත චමීර, නුවන් ප්‍රදීප් සහ විශ්ව ප්‍රනාන්දු යන ක්‍රීඩකයන්ට මෙම තරගාවලියේදී සංචිතයේ ස්ථාන අහිමිවී ඇත.

දෙරට අතර පැවැත්වෙන පළමු විස්සයි20 තරගය ලබන 15 වැනිදා ඩකාහිදී පැවැත්වෙන අතර දෙවැනි තරගය 18 වැනිදා ශිලාත්හිදී පැවැත්වීමට නියමිතය.


ශ්‍රී ලංකා සංචිතය
දිනේෂ් චන්දිමාල් (නායක), උපුල් තරංග, ධනුෂ්ක ගුණතිලක, කුසල් පෙරේරා, තිසර පෙරේරා, අසේල ගුණරත්න, නිරෝෂන් දික්වැල්ල, දසුන් ශානක, ඉසුරු උදාන, ෂෙහාන් මධුෂංක, ජෙෆ්රි වැන්ඩසේ, අකිල ධනංජය, අමිල අපොන්සු, ජීවන් මෙන්ඩිස් සහ අසිත ප්‍රනාන්දු  

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...