. ජාතික ක්‍රීඩා සංගම් ඇමතිට ලියති | කෙළිමඬල
2018 සැප්තැම්බර් මස 25 වැනි අගහරුවාදා
ජාතික ක්‍රීඩා සංගම් ඇමතිට ලියති
2018-02-07 20:43:50 | නාමල් පතිරගේ

රට තුළ දෙයාකාරයකින් ක්‍රීඩා නීතිය ක්‍රියාත්මකවීම සම්බන්ධයෙන් වහාම සිය අවධානය යොමු කරන ලෙස ජාතික ක්‍රීඩා සංගම් 14 ක ප්‍රධානීහු ක්‍රීඩා ඇමැති දයාසිරි ජයසේකර මහතාට විශේෂ ලිපියක් යොමු කරමින් කියා සිටිති.

පෙබරවාරි 23 වැනිදා පැවැත්වීමට නියමිත ජාතික ඔලිම්පික් කමිටුවේ නිලවරණයට වෙනම පාර්ශ්වයක් ලෙස තරග වදින ජාතික ක්‍රීඩා සංගම් එකමුතුවට අයත් ජාතික ක්‍රීඩා සංගම් ප්‍රධානීහු ඒ පිළිබඳව ක්‍රීඩා ඇමැතිවරයාගෙන් ඉල්ලීමක් කර ඇත්තේ ජාතික ඔලිම්පික් කමිටුවේ නිලවරණය පිළිබඳ කාරණාව සිහිපත් කරමිනි.

ජාතික ඔලිම්පික් කමිටුවටත් ශ්‍රී ලංකා බැඞ්මින්ටන් සංගමය ශ්‍රී ලංකා පාපැදි සම්මේලනය, ශ්‍රී ලංකා හොකී සම්මේලනය, ශ්‍රී ලංකා ටෙනිස් සංගමය, ශ්‍රී ලංකා ජූඩෝ සම්මේලනය, ශ්‍රී ලංකා අත්පන්දු (හෑන්ඞ්බෝල්) සංගමය යන ජාතික ක්‍රීඩා සංගම් අරභයාත්  රටේ ක්‍රීඩා නීතිය හා රෙගුලාසි ක්‍රියාත්මක වීමේ දී අසමානකම් ගණනාවක් බලපා ඇතැයිද ඔවුන් සිය ලිපියෙන් පෙන්වා දී තිබේ.

මූල්‍ය විනයට අදාළ රෙගුලාසි ජාතික ඔලිම්පික් කමිටුවේ නිලවරණය අරභයා උල්ලංඝනය වී ඇතැයි චෝදනා කරන ඔවුන් වැඩිදුරටත් පෙන්වා දෙන්නේ වසර 2010 සිට 2016 දක්වා එම කමිටුවේ ගිණුම් වාර්තා සාමාජිකත්වයට ලබාදීම ප්‍රමාදවීම තුළ එහි පූර්ණ වගන්ති හා වගවීම එම කමිටුවේ සභාපති, ලේකම් හා භාණ්ඩාගාරික විසින් බාර ගත යුතු බවත්ය.

කෙසේ වුවත් ජාතික ඔලිම්පික් කමිටුව වසර 2010 සිට 2012 දක්වා වූ කාල සීමාවල විගණන වාර්තා පසුගිය ජනවාරි මාසයේදී එහි සාමාජිකත්වයට ලබාදීමට කටයුතු කර තිබේ. ඒ අතර වසර 2013 සිට 2016 දක්වා කාල සීමාවේ ගිණුම්වලට අදාළ විගණන වාර්තා ද ඉකුත්දා ඔවුන්ට ලබාදී තිබේ.

මේ අතර ක්‍රීඩා ඇමැතිවරයාට ලියන ඉහත ජාතික ක්‍රීඩා සංගම් ප්‍රධානීහු ජාතික ඔලිම්පික් කමිටුවේ ලේකම්වරයා ජූඩෝ හා ටෙනිස් යන සම්මේලනවල නිලධාරි මණ්ඩලයට ඇතුළත්වීමක්ද එහි භාණ්ඩාගාරිකවරයා හොකී, ඉහත පංචප්‍රයාම හා අත්පන්දු (හෑන්ඞ්බෝල්) යන ජාතික ක්‍රීඩා සංගම් තනතුරු සඳහා ඇතුළත්වීමෙන්ද ජාතික ඔලිම්පික් කමිටුවේ නිලවරණයට යළි තරග වැදීමට දරන උත්සාහය ක්‍රීඩා පනත රටේ දෙයාකාරයකින් ක්‍රියාත්මක වන බවට හොඳම නිදසුන් බවට පත්ව ඇතැයිද පෙන්වා දෙති.

හොකී සම්මේලනය විසුරුවා හැර එහි පාලන කටයුතු ක්‍රීඩා අමාත්‍යාංශය මෙහෙයවන තත්ත්වයක් තුළ එහි හිටපු සභාපතිවරයා තවමත් ජාතික ඔලිම්පික් කමිටුවේ හොකී සම්මේලනයේ නියෝජිතයා ලෙස අසුන් ගැනීම අනුමත කළ නොහැකි ක්‍රියාවක් බවටත් ලිපියෙන් තවදුරටත් අනාවරණය කරන ඔවුහු හොකී සම්මේලනය පසුගිය වසර පහක් වන කාලසීමාවක් අරභයා ගිණුම් වාර්තා ලබාදීමට අපොහොසත් වී ඇතැයිද පවසති.

ඔලිම්පික් ප්‍රඥප්තියේ 27 හා 28 යන වගන්ති ප්‍රකාරව ජාතික ඔලිම්පික් කමිටුවේ සෑම වාර්ෂික මහ සභා රැස්වීමකදී වාර්ෂික වාර්තාව හා විගණන වාර්තාව ඉදිරිපත් කළ යුතුය යන රෙගුලාසිය මේ වන විට තවම තිබීමෙන් රටේ ක්‍රීඩා නීතිය පමණක් නොව ජාත්‍යන්තර ඔලිම්පික් ප්‍රඥප්තියද කමිටුවේ වත්මන් ප්‍රධානින් උල්ලංඝනය කර ඇතැයි සිය ලිපියෙන් තවදුරටත් අවධාරණය කරන ජාතික ක්‍රීඩා සංගම් එකමුතුව ඒ සඳහා නිලවරණය පැවැත්වූයේද නැද්ද යන්න පිළිබඳව අදාළ නොවන බවත් පවසා සිටියි.

එම ලිපියෙන් ඔවුන් පවසා ඇත්තේ සියල්ලන්ටම කලින් ආදර්ශයක් වන ලෙස ජාතික ඔලිම්පික් කමිටුව හැඩගැසිය යුතු බවත් එසේ නොවන්නේ නම් ඔලිම්පික් ප්‍රඥප්තියට එය පයින් ගැසීමක් වන බවත්ය.
ජාතික ක්‍රීඩා සංගම් එකමුතුවට සහයෝගය දක්වන දේවා හෙන්රි මහතා සභාපතිත්වය දරන ශ්‍රී ලංකා හිම ක්‍රීඩා සංගමයට ජාතික ඔලිම්පික් කමිටුවේ නිරීක්‍ෂණ මට්ටමේ සාමාජිකත්වය පිරිනැමීමට මේ වනවිට තීරණ වී ඇතැයි ද වාර්තා වේ. නිරීක්‍ෂණ මට්ටමේ සාමාජිකත්වය ලැබීමෙන් එම සංගමයට මෙම 23 වැනිදා පැවැත්වීමට නියමිත ජාතික ඔලිම්පික් කමිටුවේ මහ සභා රැස්වීමට සහභාගිවීමේ අවස්ථාව හිමි වේ. එහෙත් පැවැත්වෙන නිලවරණයේ දී එම සංගමයට ඡන්ද බලය හිමි නොවේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...