. ශ්‍රී ලංකාව 1-0 කින් ටෙස්ට් තරගාවලිය දිනයි | කෙළිමඬල
2018 ඔක්තෝබර් මස 22 වැනි සඳුදා
ශ්‍රී ලංකාව 1-0 කින් ටෙස්ට් තරගාවලිය දිනයි
2018-02-10 14:38:23 | .

තවත් දින 2 ක් ඉතිරිව තිබියදීම බංග්ලාදේශයට එරෙහිව ඩකාහි ශ්‍රේ බංග්ලා ක්‍රීඩාංගණයේදී පැවැති දෙවැනි ටෙස්ට් ක්‍රිකට් තරගයෙන් ලකුණු 215 ක ජයක් ලැබූ ශ්‍රී ලංකා කණ්ඩායම, දෙරට අතර පැවැති තරග දෙකකින් සමන්විත වූ ටෙස්ට් තරගාවලිය 1-0 ක් ලෙස ජයගැනීමට අද (10 වැනිදා) සමත් විය. ජයග්‍රහණය සඳහා ලකුණු 339 ක ඉලක්කයක් හඹා ගිය බංග්ලාදේශ කණ්ඩායමේ දෙවැනි ඉනිම ලකුණු 123 කට සීමා කිරීමට අකිල ධනංජය සහ රංගන හේරත් ප්‍රමුඛ ශ්‍රී ලංකා පන්දු යවන්නෝ සමත් වූහ.

සිය මංගල ටෙස්ට් තරගයට සහභාගි වූ අකිල ධනංජය ලකුණු 24 කට කඩුලු 5 ක් දවාගනිමින් බංග්ලාදේශ ඉනිමේ මැද පෙළ සුනුවිසුණු කර දැමුවේය. එම පන්දු යැවීමත් සමග මංගල ටෙස්ට් තරගයේදීම කඩුලු 5 ක් දවාගත් තෙවැනි ශ්‍රී ලංකා පන්දු යවන්නා බවට පත්වීමටද අකිල සමත් වූ අතර ඔහුට පෙර ශ්‍රී ලංකාව වෙනුවෙන් එවන් දස්කමක් දක්වා තිබුණේ කෝසල කුරුප්පුආරච්චි සහ උපුල් චන්දන පමණි. 1986 වසරේදී කොළඹ සී.සී.සී. ක්‍රීඩාංණයේදී පාකිස්තානයට එරෙහිව කෝසල එම දස්කම දක්වා තිබුණ අතර චන්දන එම දස්කම දක්වා තිබුණේ 1999 වසරේදී බංග්ලාදේශයේ බංගබන්දු ක්‍රීඩාංගණයේදී පාකිස්තානයට එරෙහිවය.

පළමු ඉනිමේදී කඩුලු දවාගැනීමට නොහැකි වුවද, ශ්‍රී ලංකා ජයග්‍රහණයට මාවත විවර කරමින් දෙවැනි ඉනිමේදී බංග්ලාදේශ ඉනිමේ මුල් පිතිකරුවන් තිදෙනකු පිටියෙන් ඉවත් කිරීමට රංගන හේරත් සමත් විය. බංග්ලාදේශ ඉනිමේ අවසන් කඩුල්ලද දවාගනිමින් ශ්‍රී ලංකා කණ්ඩායමේ ජයග්‍රහණය සනිටුහන් කළ හේරත්, තරගය අවසන් වන විට ලකුණු 49 කට කඩුලු 4 ක් දවාගෙන සිටියේය.

තරගයේ දෙවැනි දිනය වූ ඊයේ (9 වැනිදා) තරගය තතර කරන විට කඩුලු 8 ක් දැවී ලකුණු 200 ක් ලබා බංග්ලාදේශයට වඩා ලකුණු 312 ක් ඉදිරියෙන් සිටි ශ්‍රී ලංකා කණ්ඩායමට අද (10 වැනිදා) දිනයේදී සිය දෙවැනි ඉනිම වෙනුවෙන් එක්කරගත හැකි වූයේ තවත් ලකුණු 26 ක් පමණි. තයිජුල් ඉස්ලාම්ගේ පන්දුවක් කඩුල්ලේ වැදීමෙන් දිනයේ පළමු කඩුල්ලේ ලෙස ලකුණු 21 ක් ලබා සිටි සුරංග ලක්මාල් දැවී ගිය අතර ඉන් පසුව පිටියට පිවිසි රංගන හේරත්ද මුහුණදුන් පළමු පන්දුවේදීදම කඩුල්ල මුවා කිරීමේ වරදට හසුකර ගැනීමට ඉස්ලාම් සමත් විය.

ශ්‍රී ලංකා ඉනිම නිමාවන තෙක්ම කඩුල්ල ආරක්ෂා කරගනිමින් ඉතා දක්ෂ ලෙස පන්දුවට පහරදුන් රොෂේන් සිල්වා, හතරේ පහර 10 ක් සමගින් නොදැවී ලකුණු 70 ක් ලබා ගත්තේය. මෙය රොෂේන්ගේ තෙවැනි ටෙස්ට් අර්ධ ශතකය වන අතර මේ දක්වා ටෙස්ට් තරග 3 කදී ඉනිම් 5 ක් ක්‍රීඩා කර ඇති ඔහු, ශතකයක් සහ අර්ධ ශතක 3 ක් සමගින් ලකුණු 309 ක් ලබාගෙන 103 ක සාමාන්‍යක් රඳවාගෙන සිටියි. ඒ අතරින් ශතකය සහ අර්ධ ශතක දෙකක්ම ඔහු ලබාගත්තේ මෙම තරගාවලියේදී වීම නිසා දෙවැනි තරගයේ වීරයා සම්මානයට මෙන්ම තරගාවලියේ වීරයා සම්මානයටද ඔහු හිමිකම් කීවේය.

ශ්‍රී ලංකා - බංග්ලාදේශ දෙවන ටෙස්ට් තරගයේ විශේෂ අවස්ථා...

- 036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තය එක්දින තරගාවලිය ජයගනී...
2018-10-20 10:13:07
ශ්‍රී ලංකාව සහ එංගලන්තය අතර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී අද (20 වැනිදා) පැවැති සිවුවැනි එක්දින තරගයෙන් ඩක්...
ශ්‍රී ලංකාව පරාජයෙන් බේරීමේ මං සොයයි...
2018-10-19 17:58:44
මේ වන විට තරග 2 ක් පරාජය වී ඇති බැවින් කෙසේ හෝ ඉතිරි තරග 2 ජයගනිමින් එංගලන්තයට  එරෙහිව පැවැත්වෙන එක්දින තරගාවලිය 2-2 ක් ලෙස සම තත්වයට...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...