. ජැක් කලිස් - ඕවිස් ෂා රෝයල්ස් පිල දිනවති | කෙළිමඬල
2018 ඔක්තෝබර් මස 16 වැනි අගහරුවාදා
ජැක් කලිස් - ඕවිස් ෂා රෝයල්ස් පිල දිනවති
2018-02-10 19:02:52 | .

ස්විට්සර්ලන්තයේ ශාන්ත මොරිට්ස්හිදී පළමු වරට පැවැත්වෙන ‘අයිස් ක්‍රිකට් චැලේන්ච්’ විස්සයි20 තරගාවලියේ දෙවැනි තරගයේදී විරේන්ද්‍ර ෂෙවාග් නායකත්වය දැරූ ඩයමන්ඞ්ස් කණ්ඩායමට එරෙහිව කඩුලු 8 ක ජයක් අත්කර ගැනීමට සහිඞ් අෆ්රිඞ් නායකත්වය දැරූ රෝයල්ස් කණ්ඩායම සමත් විය. ඒ අනුව තරග 2 කින් සමන්විත වූ තරගාවලිය 2-0 ක් ලෙස ජයගැනීමටද රෝයල්ස් කණ්ඩායමට හැකි විය.

ජයග්‍රහණය සඳහා ලකුණු 206 ක දැවැන්ත ඉලක්කයක් හඹාගිය රෝයල්ස් ක්‍රීඩකයෝ පන්දු 20 ක් ඉතිරිව තිබියදී කඩුලු 2 ක් පමණක් දැවී එම ඉලක්කය පසුකර ගියහ. තෙවැනි කඩුල්ල වෙනුවෙන් ලකුණු 94 ක සම්බන්ධතාවක් ගොඩනැගූ ජැක් කලිස් (නොදැවී 90) සහ ඕවිෂ් ෂා (නොදැවී 43) රෝයල්ස් කණ්ඩායම ජයග්‍රහණය කරා ගෙන ගියේය.

ප්‍රවේගකාරී පිතිහරඹයක නිරත වූ කලිස් පන්දු 37 කදී ලකුණු 90 ක් රැස්කළ අතර පන්දු 24 කදී අර්ධ ශතකය සම්පූර්ණ කළේය. රෝයල්ස් කණ්ඩායම දිනවීම සඳහා කලිස්ට අනගි සහයක් දුන් ෂා පන්දු 21 කදී නොදැවී ලකුණු 43 ක් රැස්කළේය. පන්දු 36 කදී ලකුණු 58 ක් රැස්කළ ග්‍රැහැම් ස්මිත්, රෝයල්ස් කණ්ඩායමේ ජයග්‍රහණය සඳහා මනා අඩිතාලමක් දැමීය.  

එහිදී ඩයමන්ඞ්ස් කණ්ඩායමේ පන්දු යවන්නන් දැඩි ලෙස පහර කෑමකට ලක්වූ අතර රමේෂ් පවර්ගේ ඕවර 4 දී ලකුණු 55 ක්ද, අජිත් අගාකාර්ගේ ඕවර 3 දී ලකුණු 41 ක්ද, ලසිත් මාලිංගගේ ඕවර 3 දී ලකුණු 40 ක්ද, රැස්කිරීමට රෝයල්ස් කණ්ඩායමේ පිතිකරුවෝ සමත් වූහ.

පළමුවෙන් පන්දුවට පහරදුන් ඩයමන්ඞ්ස් කණ්ඩායම ඕවර 20 අවසානයේ කඩුලු 5 ක් දැවී ලකුණු 205 ක් රැස්කළ අතර 5 වැනි කඩුල්ල වෙනුවෙන් ලකුණු 114 ක සම්බන්ධතාවක් ගොඩනැගූ ඇන්ඩෘ සයිමන්ස් (නොදැවී 67) සහ මොහොමඞ් කයිෆ් (57) ඩයමන්ඞ්ස් කණ්ඩායමේ ලකුණු සංඛ්‍යාව 200 සීමාවෙන් ඔබ්බට රැගෙන ගියහ.

එහිදී පන්දු 30 කට මුහුණදුන් කයිෆ්, හයේ පහර 5 කින් සහ හතරේ පහර 3 කින් සිය අර්ධ ශතකය අලංකාර කළ අතර ඇන්ඩෘ සයිමන්ස් නොදැවී ලකුණු 67 ක් රැස්කළේ පන්දු 42 කට මුහුණ දෙමිනි. නායක විරේන්ද්‍ර ෂෙවාග් පන්දු 22 කදී වේගවත් ලකුණු 46 ක් රැස්කරමින් ඩයමන්ඞ්ස් කණ්ඩායමට සාර්ථක ආරම්භයක් ලබාදුන්නේය.

ඩයමන්ඩ්ස් කණ්ඩායම නියෝජනය කළ තිලකරත්න ඩිල්ෂාන්ට (05) සහ මහේල ජයවර්ධනට (00) පන්දුවට පහරදීමේදී වැඩි යමක් කිරීමට නොහැකි වූහ. අබ්දුල් රසාක්ගේ පන්දුවක් හමුවේ කඩුලු රකින ක්‍රීඩක මැට් ප්‍රයර් අතට උඩ පන්දුවක් දෙමින් ඩිල්ෂාන් දැවී ගිය අතර මහේලද මුහුණදුන් පළමු පන්දුවේදීම දැවී ගියේ ඩිල්ෂාන් දැවී ගිය අයුරින්මය.

සිය ඕවර 4 තුළදී ලකුණු 48 කට කඩුලු 3 ක් දවාගත් අබ්දුල් රසාක්,  රෝයල්ස් කණ්ඩායමේ සාර්ථකම පන්දු යවන්නා බවට පත්විය.  


- 036

ඡායාරූපය - ‍ෆොක්ස්පෝර්ට් අනුග්‍රහයෙනි

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...