. සකීබ් බංග්ලාදේශ විස්සයි20 කණ්ඩායමට | කෙළිමඬල
2019 මාර්තු මස 24 වැනි ඉරිදා
සකීබ් බංග්ලාදේශ විස්සයි20 කණ්ඩායමට
2018-02-10 20:16:42 | .

ඇඟිල්ලක ආබාධයක් හේතුවෙන් ශ්‍රී ලංකාවට එරෙහිව පැවැති ටෙස්ට් තරගාවලියට සහභාගි නොවූ බංග්ලාදේශ කණ්ඩායමේ තුන් ඉරියව් ක්‍රීඩක සකීබ් අල් හසන්, දෙරට අතර පැවැත්වෙන තරග 2 කින් සමන්විත විස්සයි20 තරගාවලියට ක්‍රීඩා කිරීමට සූදානමින් සිටියි.

විස්සයි20 තරගාවලිය සඳහා නම් කරන ලද සංචිතයේ නායකයා ලෙස සකීබ් නම් කරනු ලැබ ඇති අතර බංග්ලාදේශ විස්සයි20 කණ්ඩායමේ හිටපු නායක මෂ්රෆී මොටාසා සංචිතයට ඇතුළත්ව නැත.

ක්‍රීඩකයන් 15 දෙනෙකුගෙන් සමන්විත බංග්ලාදේශ සංචිතයට තවමත් විස්සයි20 ජාත්‍යන්තර වරම් නොලද ක්‍රීඩකයන් 5 දෙනෙක් ඇතුළත්ව සිටින අතර කඩුලු රකින ක්‍රීඩක සාකිර් හසන්, වේග පන්දු යවන ක්‍රීඩක අබු ජයේද්, තුන් ඉරියව් ක්‍රීඩකයන් වන අරිෆුල් හක්, මෙහෙදි හසන් සහ අෆීෆ් හුසේන් ඒ අතර වෙති.

2016 වසරේ ඉන්දියාවේදී පැවැති විස්සයි20 ලෝක කුසලාන තරගාවලියෙන් අනතුරුව පළමු වරට වේග පන්දු යවන ක්‍රීඩක අබු හයිදර් බංග්ලාදේශ සංචිතයට කැඳවා ඇති අතර ඉකුත් වසරේදී දකුණු අප්‍රිකාවට එරෙහිව පැවැති විස්සයි20 තරගාවලියට ක්‍රීඩා නොකළ ටමීම් ඉක්බාල් සහ මුස්තෆිසුර් රෙහෙමාන්ද නැවත සංචිතයට ඇතුළත් කර තිබේ.

දකුණු අප්‍රිකානු තරගාවලියට සහභාගි වූ ක්‍රීඩකයන් අතරින් මොමිනුල් හක්, ඉම්රුල් කේයස්, ලිටන් දාස්, නසිර් හුසේන්, මොහෙදි හසන්, ශෆියුල් ඉස්ලාම් සහ ටස්කින් අහමඞ් යන ක්‍රීඩකයන්ට ශ්‍රී ලංකාවට එරෙහිව පැවැත්වෙනි තරගාවලියේදී සංචිතයේ ස්ථාන අහිමිවී ඇත.

දෙරට අතර පැවැත්වෙන විස්සයි20 තරගාවලියේ පළමු තරගය ලබන 15 වැනිදා ඩකාහිදී පැවැත්වෙන අතර දෙවැනි තරගය 18 වැනිදා ශිලාත්හිදී පැවැත්වීමට නියමිතය.  


බංග්ලාදේශ විස්සයි20 සංචිතය
සකීබ් අල් හසන් (නායක), ටමීම් ඉක්බාල්, සෞම්‍ය සාකර්, මුෂ්ෆිකුර් රහීම්, මහමදුල්ලා රියාද්, සබීර් රෙහෙමාන්, මුස්තෆිසුර් රෙහෙමාන්, රුබෙල් හුසේන්, මොහොමඞ් ශයිෆුඩීන්, අබූ හයිදර්, අබූ ජයේද්, අරිෆුල් හක්, මෙහෙදි හසන්, සකීර් හසන් සහ අෆීෆ් හුසේන්

- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...