. නාවික හමුදාවේ ස්ථානය හැව්ලොක්ස් අත | කෙළිමඬල
2018 ඔක්තෝබර් මස 16 වැනි අගහරුවාදා
නාවික හමුදාවේ ස්ථානය හැව්ලොක්ස් අත
2018-02-10 22:13:13 | මොහාන් ප්‍රනාන්දු


ගුවන් හමුදා ක්‍රීඩා සමාජයට එරෙහිව පැවැති අවසන් ලීග් තරගයෙන් ලකුණු 50-28 ක ජයක් අත්කර ගත් නාවික හමුදා ක්‍රීඩා සමාජය මෙවර අන්තර් සමාජ පළමුපෙළ ඩයලොග් ලීග් රග්බි තරගාවලියේ අනුශූරතාවට අත තැබීමට සමත්විය. එසේ වුවත් එය නිශ්චිත ලෙසම නැවියන්ට හිමිවන්නේදැයි තීරණය කෙරෙන්නේ හෙට (11 වැනිදා) මහනුවර පිල සමග පැවැත්වෙන තරගයේදී දැනට දෙවැනි තැන සිටින හැව්ලොක්ස් පිලේ දස්කම් අනුවය.

අනුශූරතාව දිනාගැනීමට නම් හෙට තරගයේදී මහනුවර පිලේ අපරාජිත බව බිඳ දමමින් ප්‍රසාද ලකුණක් ද සහිතව තරගය ජයැගනීමට හැව්ලොක්ස් පිලට සිදුවී තිබේ. තරගයෙන් පරාජයට පත්වූවා නම් සිවුවැනි තැන දක්වා පල්ලම් බැසීමට හැව්ලොක්ස් පිලට සිදුවනු ඇත.

ප්‍රසාද ලකුණක් ද ඩැහැගනිමින් උපරිම උත්සාහක දිනුම් සංඛ්‍යාවක් තබා තරගය ජයගැනීමේ වාසිය ඊයේ හොඳින්ම දැන සිටි නැවියන්ගේ ආක්‍රමණයට ගුවන් හමුදාව ගොදුරු විය.

රත්මලානේදී ඊයේ (9 වැනිදා) පැවැති මේ තරගයේදී නාවික හමුදාව උත්සාහක දිනුම් 7ක්ම තැබුවේය.  ඉන් 6 ක්ම ගෝල බවට ප්‍රවර්තනය කළ තිළිණ වීරසිංහ උත්සාහක දිනුම් දෙකක්ම තැබූ අතර තවත් දඬුවම් පහරකට හිමිකම් කියමින් තරගයේ නැවියන් රැස් කළ ලකුණු ප්‍රමාණයෙන් හරි අඩකම අයිතිකාරයා විය.

තරගාවලිය පුරාම කැපී පෙනෙන ක්‍රීඩකයා බවට පත්වී සිටින නාවික හමුදා ක්‍රීඩා සමාජයේ ෆුල් බෑක් ක්‍රීඩක තිළිණ වීරසිංහ ඊයේ  දැක්වූ දස්කම් නිසා තරගාවලියේ වැඩිම උත්සාහක දිනුම්ලාභියා මෙන්ම වැඩිම සමස්ත ලකුණු ලාභියා ලෙසත් ඉදිරියෙන් සිටී.

දුලාංජන විජේසිංහ තැබූ උත්සාහක දිනුමකින් ලකුණු ලබාගැනීම ආරම්භ කළ නැවියන්ට අභියෝග කළ ගුවන් හමුදා පිල කෞෂාල් මනුප්‍රිය තැබූ අනගි උත්සාහක දිනුමක් ගෝලයක් බවට ප්‍රවර්තනය කළ චරිත් සෙනෙවිරත්න අනතුරුව දඬුවම් පහරකුත් සාර්ථක කිරීම නිසා ලකුණු 10-5කින් පෙරමුණ ගත්තේය.

එහෙත් ඊට මිනිත්තු කිහිපයකට පසුව යළි තරගයේ පාලනය සියතට ගත් නැවියෝ මොහොමඞ් අබ්සාල් පිට පිට තැබූ උත්සාහක දිනුම් ද්විත්වය නිසා ලකුණු 19-10 කින් ඉදිරියට ගියහ. එම උත්සාහක දිනුම් දෙකම තිළිණ වීරසිංහ විසින් ගෝල බවට ප්‍රවර්තනය කරනු ලැබිණ.

තරගයේ  පළමු භාගය නිමාවනවිට නාවික හමුදා පිල ලකුණු 22-16 කින් පෙරමුණ ගත්තේ තිළිණ වීරසිංහ දඬුවම් පහරකුත් සාර්ථක කිරීමෙන් පසුවය. ඒ අතරතුර චරිත් සෙනෙවිරත්න දඬුවම් පහර දෙකක් සාර්ථක කරමින් ගුවන් හමුදා පිලේ ලකුණු සංඛ්‍යාව ඉහළ දැමුවේය.

එහෙත් දෙවැනි භාගයේදී සිය ආක්‍රමණශීලීත්වය තවත් වැඩි කළ නාවික හමුදා පිල 62 සහ 67 මිනිත්තුවලදී කසුන් ද සිල්වා පිට පිට තැබූ උත්සාහක දිනුම් 2ක් නිසා ලකුණු 36-16කින් ඉදිරියට ගියේය.

අවසන් මිනිත්තු 10දී දෙපිලම කරට කර සටනක නිරතවීම කැපී පෙනුණි. ඒ මිනිත්තු දහයේදී දෙපිලම උත්සාහක දිනුම් 2 බැගින් තැබීමට සමත්විය. තරගයේ 70 වැනි මිනිත්තුවේදී මොහොමඞ් අබ්සාල් සිය දෙවැනි උත්සාහක දිනුමත්, 73 වැනි මිනිත්තුවේදී තිළිණ වීරසිංහ සිය දෙවැනි උත්සාහක දිනුමත් තැබුවේය. එම දිනුම් දෙකම ගෝල බවට පත් කිරීමට තිළිණ වීරසිංහ සමත්වීමත් සමග ලකුණු 50-16කින් ජයග්‍රහණය තහවුරු කරගැනීමට නැවියෝ සමත්වූහ.

තරගයේ 75 වැනි මිනිත්තුවේදී චරිත් සෙනෙවිරත්නත්, අවසන් මිනිත්තුවේදී රුමේෂ් රාම්දාසුත් උත්සාහක දිනුම් තැබීමට සමත්වූවත් නැවියන්ගේ ජයග්‍රහණයට එය බලපෑවේ නැත.

නාවික හමුදා - ගුවන් හමුදා ඩයලොග් ලීග් රග්බි තරගයේ විශේෂ අවස්ථා ...

ඡායාරූප - වරුණ කරුණාසේකර

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...