. සංගාගේ ග්ලැඩියේටර්ස් පිල අවසන් තරගයට | කෙළිමඬල
2018 අගෝස්තු මස 16 වැනි බ‍්‍රහස්පතින්දා
සංගාගේ ග්ලැඩියේටර්ස් පිල අවසන් තරගයට
2018-02-11 13:50:43 | .

‘හොංකොං බ්ලිට්ස්’ විස්සයි20 ක්‍රිකට් තරගාවලියේ ඊයේ (10 වැනිදා) පැවැති අවසන් පූර්ව තරගයකදී වේගවත් ලකුණු 94 ක් රැස්කරමින් ගැලැක්සි ග්ලැඩියේටර්ස් කණ්ඩායම අවසන් තරගයට රැගෙන යෑමට කුමාර් සංගක්කාර සමත් විය. සංගක්කාරගේ ප්‍රවේගකාරී පිතිහරඹය හේතුවෙන් සිටි කයිතක් කණ්ඩායමට එරෙහිව පැවැති එම තරගයෙන් ග්ලැඩියේටර්ස් කණ්ඩායමට කඩුලු 5 ක ජයක් හිමිවිය.

ජයග්‍රහණය සඳහා ලකුණු 137 ක ඉලක්කයක් හඹාගිය ග්ලැඩියේටර්ස් ක්‍රීඩකයෝ ඕවර 18.2 අවසානයේ කඩුලු 5 ක් දැවී එම ඉලක්කය පසුකර ගියහ. සෙසු පිතිකරුවන් අසාර්ථක වෙද්දී හුදෙකලා ඉනිමක් ක්‍රීඩා කරමින් ග්ලැඩියේටර්ස් කණ්ඩායම ජයග්‍රහණය කරා ගෙන ගිය සංගක්කාර, හයේ පහර 7 කින් සහ හතරේ පහර 6 කින් සිය අර්ධ ශතකය අලංකාර කළේය. ඒ සඳහා ඔහුට වැය වූයේ පන්දු 56 ක් පමණි.

පළමුවෙන් පන්දුවට පහරදුන් සිටි කයිතක් කණ්ඩායමේ වැඩිම ලකුණු ලාභියා බවට පත් වූ රවී බොපාරා පන්දු 30 කදී හතරේ පහර 6 ක් සමගින් ලකුණු 37 ක් රැස්කළ අතර කයිල් කොයෙට්සර් හයේ පහරක් සහ හතරේ පහර 2 ක් සමගින් ලකුණු 24 ක් රැස්කළේය.

දක්ෂ පන්දු යැවීමක නිතර වූ ජේඞ් ඩර්න්බැච් සහ ජෙම්ස් ෆ්‍රෑන්ක්ලින් කඩුලු 3 බැගින් දවාගනිමින් සිටි කයිතක් කණ්ඩායම අඩු ලකුණු සංඛ්‍යාවකට සීමා කිරීමට දායක වූහ.


සිටි කයිතක් කණ්ඩායම - ඕවර 18.1 කදී සියලු දෙනා දැවී 136
(කයිල් කොයෙට්සර් 24, ජෙමී ඇට්කින්සන් 17, රවී බොපාරා 37, රයද් එමිර්ට් 18, ජේඞ් ඩර්න්බැච් 21/3, ජෙම්ස් ෆ්‍රෑන්ක්ලින් 24/3)

ගැලැක්සි ග්ලැඩියේටර්ස් කණ්ඩායම - ඕවර 18.2 කදී 5 ක් දැවී 139  
(කුමාර් සංගක්කාර නොදැවී 94, කැමරන් ඩෙල්පොට් 15, සැමුවෙල් බද්‍රි 12/3)

 

- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...