. සකීබ්ගේ ආගමනය සැක සහිතයි | කෙළිමඬල
2018 අගෝස්තු මස 14 වැනි අගහරුවාදා
සකීබ්ගේ ආගමනය සැක සහිතයි
2018-02-11 17:40:11 | .

ශ්‍රී ලංකාවට එරෙහිව පැවැත්වෙන විස්සයි20 ක්‍රිකට් තරගාවලියේදී බංග්ලාදේශ කණ්ඩායම මෙහෙයවීම සඳහා නම් කරනු ලැබ සිටි තුන් ඉරියව් ක්‍රීඩක සකීබ් අල් හසන්, දෙරට අතර පැවැත්වෙන පළමු විස්සයි20 තරගයට සහභාගි වීම අවිනිෂ්චිත බව එරට ක්‍රිකට් පාලක මණ්ඩලය නිවේදනය කර සිටියි.

ඊට හේතුවී ඇත්තේ ඔහුගේ වම් අතේ තුවාලය තවමත් පූර්ණ වශයෙන් සුව වී නොතිබීමයි. ශ්‍රී ලංකාව, සිම්බාබ්වේ සහ බංග්ලාදේශය අතර පැවැති තුන් කොන් එක්දින තරගාවලියේ අවසන් මහ තරගය අතරතුර වම් අත තුවාල වීම නිසා සකීබ්ට ශ්‍රී ලංකාවට එරෙහිව පැවැති ටෙස්ට් තරගාවලියද අහිමි විය.

සකීබ් ක්‍රීඩා නොකිරීම නිසා ටෙස්ට් තරගාවලියේදී බංග්ලාදේශ කණ්ඩායමේ නායකත්වය දැරූ මහමදුල්ලා රියාද්, ලබන 15 වැනිදා ඩකාහිදී පැවැත්වෙන පළමු විස්සයි20 තරගයේදීත් බංග්ලාදේශ කණ්ඩායම මෙහෙයවීමට නියමිතය.

බංග්ලාදේශ ක්‍රිකට් තේරීම් කමිටුවේ සභාපති මින්හජුල් ආබ්ඩීන් පවසන පරිදි සකීබ්ගේ අතේ තුවාලයට දමා තිබූ මැහැම් මේ වන විට ඉවත් කර ඇති අතර එය සම්පූර්ණයෙන්ම සුව වීම සඳහා තවත් කෙටි කාලයක් ගතවනු ඇත.

“ඊයේ (10 වැනිදා) ඔහුගේ අතේ මැහැම් කපා ඉවත් කළා. නමුත් ඒ තුවාලය සුව වෙන්න තව ටික දවසක් යාවි. අපි බලාපොරොත්තු වෙනවා ඔහුට දෙවැනි තරගයට ක්‍රීඩා කරන්න පුලුවන් වේවි කියලා.” යැයි ආබ්ඩීන් මහතා පැවසීය.


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාවට තියුණු ජයක්...
2018-08-08 23:00:15
පල්ලෙකැළේ ක්‍රීඩාංගණයට පැමිණි ප්‍රේක්‍ෂකයන්ගේ බලාපොරොත්තු කඩ නොකළ ශ්‍රී ලංකා ක්‍රීඩකයෝ දකුණු අප්‍රිකාවට එරෙහිව අද ...
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...