. කුසලානය ගෙදරටම ගෙනත්දී මරීජා සමුගනී | කෙළිමඬල
2018 ඔක්තෝබර් මස 20 වැනි සෙනසුරාදා
කුසලානය ගෙදරටම ගෙනත්දී මරීජා සමුගනී
2018-02-12 09:43:08 | මොහාන් ප්‍රනාන්දු

ලක්ෂ සංඛ්‍යාත ක්‍රීඩාලෝලීන්ගේ ආදරය දිනූ අති විශිෂ්ට රග්බි ක්‍රීඩකයෙක් විශ්‍රාම ගත්තේ සිය කණ්ඩායම කුෂලානය කරා කැඳවාගෙන යාමේ ස්වර්ණමය මතක සටහනකිනි. අන්තර් සමාජ පළමුපෙළ ඩයලොග් ලීග් රග්බි තරගාවලියේ සමාප්තිය එසේ වර්ණවත් කළ ෆාසිල් මරිජාගේ උත්සාහක දිනුම් ත්‍රිත්වය නිසා හැව්ලොක්ස් ක්‍රීඩා සමාජයට එරෙහිව නිත්තවෙල ක්‍රීඩාංගණයේ පැවැති තරගයෙන් ලකුණු 30-28 ක ජයක් වාර්තා කළ මහනුවර ක්‍රීඩා සමාජය මෙවර තරගාවලියේ සිය අපරාජිතභාවය රැක ගනිමින්ම කුසලානය අතට ගත්තේය.

මහනුවර පිල මේ අත්පත් කරගත්තේ ඔවුන්ගේ 19 වැනි රග්බි ලීග් කිරුළයි.

වසර ගණනාවක් පුරා මහනුවර ක්‍රීඩා සමාජයේ ජයග්‍රහණ රැසකට උරදුන් විශිෂ්ට ෆ්ලයි හාෆ් ක්‍රීඩකයාගේ අවසන් ලීග් තරගය නැරැඹීමට කල්තියාම පැමිණ සිටි ක්‍රීඩාලෝලීන් අමන්දාන්දයට පත් කළ මරිජා සිය නිවහන බඳු නිත්තවෙල පිටියේ අණසක පතුරාවාලමින් හැව්ලොක්ස් පිලේ පරාජය තහවුරු කළේය.

දැනට සති කිහිපයක සිටම මෙවර ලීග් රග්බි කිරුළට හිමිකම් කියමින් සිටි මහනුවර පිල අද තරග වැදුණේ සිය අපරාජිතභාවය රැක ගැනීම උදෙසාය. එවැනි අනභිබවනීත්වයක් පෙන්නුම් කිරීම එතරම් පහසු නැත. එහෙත් ඒ සියල්ල මැඩ පවත්වමින් සිය ජ්‍යෙෂ්ඨ ක්‍රීඩකයාට අමරණීය සමුගැනීමක් ලබාදීමට ඔහුගේ සගයෝ සමත්වූහ.

ගයාන් වීරරත්නගේ උත්සාහක දිනුමකින් තරගය ආරම්භයේදීම ලකුණු 5-0 කින් පෙරමුණගත් මහනුවර  පිල ඉදිරියට ගෙන ගිය මරිජා සිය පළමු උත්සාහක දිනුම තැබුවේය. එය ගෝලයක් බවට ප්‍රවර්තනය කිරීමට නයිජල් රත්වත්ත සමත්වීමත් සමග මහනුවර පිලේ ලකුණු සංඛ්‍යාව 12-0 ක් විය.

අනතුරුව නයිජල් රත්වත්ත සාර්ථක කරගත් දඬුවම් පහරකින් පසුව සිය දෙවැනි උත්සාහක දිනුමත් තබමින් සමුගැනීමේ තරගය වර්ණවත් කිරීමට මරිජා සමත්විය. නරඹන්නන් කුල්මත් කළ මරිජාගේ උත්සාහක දිනුම ගෝලයක් බවට ප්‍රවර්තනය කිරීමට නයිජල් රත්වත්ත සමත්වීමත් සමග මහනුවර පිල තරගයේ පළමු භාගය ලකුණු 22-0 කින් නිමා කරගත්තේය.

දෙවැනි භාගය ආරම්භ වී මොහොතකින් තවත් දඬුවම් පහරක් සාර්ථක කරගැනීමට නයිජල් රත්වත්ත සමත්වීමෙන් පසුව සිය ආක්‍රමණශීලී ක්‍රීඩා රටාවට පිවිසි හැව්ලොක්ස් පිල සුදම් සුරියආරච්චි, ලිස්ටන් ෆ්ලැට්නි සහ ලසිඳු ඉෂාන් තැබූ උත්සාහක දිනුම් තුනකින් සත්කාරක මහනුවර පිල අන්ද මන්ද කළේය. මේ උත්සාහක දිනුම් තුනම කිසි කරදරයක් නැතිව ගෝල බවට ප්‍රවර්තනය කළ රීසා මුබාරක් හැව්ලොක්ස් පිල ලකුණු 21ක් දක්වා ඉදිරියට ඇදගෙන ගියේය.

එහෙත් ඊට මොහොතකට පසුව තරගයේ සිය තුන්වැනි උත්සාහක දිනුමත් තැබූ මරිජා සිය කණ්ඩායම ලකුණු 30-21 කින් ඉහළට ඔසවා තැබීමට සමත්විය. අවසන් මොහොතේ දෙවැනි උත්සාහක දිනුමත් තැබීමට ලසිඳු ඉෂාන් සමත්වූවත් මහනුවර පිලේ ජයග්‍රහණය ආපසු හැරවීමට හැව්ලොක්ස් පිලට නොහැකිවිය.   

නරඹන්නන්ගේ ප්‍රීතිඝෝෂා මැද ලීග් රග්බි පිටියට සමුදුන් ෆාසිල් මරිජා එළැඹෙන ක්ලිෆර්ඞ් කුසලාන පිලිමළුන් පිටුදැකීමේ තරගාවලියෙන් පසුව දේශීය රග්බි පිටියට සමුදීමට නියමිතය.



ඡායාරූප : ඉන්ද්‍රරත්න බාලසූරිය

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
මාලිංග ලෝක කුසලාන තරගාවලිය ඉලක්ක කරයි...
2018-10-14 17:23:45
දැන්ම ක්‍රීඩාවෙන් විශ්‍රාම ගැනීම සම්බන්ධයෙන් තවමත් තමාගේ කිසිදු අදහසක් නොමැති බවත්, අවස්ථාව හිමි වුවහොත් 2019 වසරේදී පැවැත්වෙන එක්...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...