. චනිඳුගෙන් නව ශ්‍රී ලංකා වාර්තාවක් | කෙළිමඬල
2018 සැප්තැම්බර් මස 20 වැනි බ‍්‍රහස්පතින්දා
චනිඳුගෙන් නව ශ්‍රී ලංකා වාර්තාවක්
2018-02-12 14:44:31 | .

වැලිසර නාවික හමුදා වෙඩි පිටියේ පැවති ජාතික වෙඩිතැබීමේ ශූරතාවලියේ වායු රයිෆල් ඉසව්වේ යොවුන්, කනිෂ්ඨ සහ විවෘත කාණ්ඩවල රන් පදක්කම් දිනාගැනීමට කුරුණෑගල මලියදේව විද්‍යාලයේ 10 වැනි ශ්‍රේණියේ ඉගෙනුම ලබන එස්.එම්. චනිඳු සමදිත් සේනානායක සමත් විය.

ජාතික වෙඩිතැබීමේ සංගමය සංවිධානය කළ මෙම තරගාවලියේදී වායු රයිෆල් මීටර 10 ඉසව්වේ විවෘත කාණ්ඩය යටතේ චනිඳු දැක්වූ දක්ෂතාව ශ්‍රී ලංකා වාර්තාවක්ද විය. ත්‍රිවිධ හමුදාව නියෝජනය කරන පළපුරුදු තරගකරුවන් සමග කරට කර තරගයක නිතර වූ චනිඳු, තවමත් 14 වැනි වියේ පසුවන ක්‍රීඩකයෙකි.

මෙම ජයග්‍රහණයන්ට අමතරව 2017 වසරේ ජපානයේ පැවති 10 වැනි ආසියානු වායු තුවක්කු යොවුන් තරගාවලියේදී රටවල් රැසක තරගකරුවන් අතරින් ආසියාවේ 20 වැනි ස්ථානය දිනාගැනීමට චනිඳු සමත් වූ අතර, එහිදී ඔහු දැක්වූ දක්ෂතාවද ශ්‍රී ලංකා වාර්තාවක් විය.

පසුගිය වසරේ වැලිසරදී පැවති ජාතික වෙඩිතැබීමේ ශූරතාවලියේදීද මීටර 10 යොවුන් කාණ්ඩයේ රන් පදක්කම දිනාගැනීමට චනිඳු සමත් වූ අතර, එම වසරේදීම නාවික හමුදා විවෘත වෙඩිතැබීමේ ශූරතාවලියේ මීටර 10 වායු රයිෆල් ඉසව්වේ යොවුන් සහ කනිෂ්ඨ ඉසව්වන්වල රන් පදක්කම්ද ඔහු සතුවිය. එම තරගාවලියේදී චනිඳු දක්ෂතම වෙඩි තබන්නා ලෙසද සම්මාන ලැබීය.

තවද 2017 වසරේ ශ්‍රී ලංකා පාසල් වායු රයිෆල් සහ වායු පිස්තෝල වෙඩි තැබීමේ ශූරතාවලියේ දක්ෂම වෙඩිතැබීමේ ශූරයා, 2016 වසරේදී මීටර 10 යොවුන් වායු රයිෆල් ඉසව්වේ රිදී පදක්කම මෙන්ම 2015 වසරේදී මීටර 10 යොවුන් වායු රයිෆල් ඉසව්වේ ලෝකඩ පදක්කමද ඔහු විසින් දිනාගනු ලැබීය.


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
ධනුෂ්ක එයි - ෂෙහාන් යයි...
2018-09-13 19:43:35
ඩුබායිහිදී අනිද්දා (15) ආරම්භ වන ආසියානු කුසලාන ක්‍රිකට් තරගාවලියට සහභාගි වන ශ්‍රී ලංකා පිලේ ප්‍රවේගකාරී පිතිකරු ධනුෂ්ක ගුණතිල...
මැතිව්ස් සමාව අයදී...
වැරදීම මිනිස් ගතියකි. වැරදීමට සමාවදීම දේව ගතියකි. එහි කිසිදු තර්කයක් නොමැත. අප ඔබලාට සමාව දෙන්නෙමු. නමුත් අප‍ට තිබෙන ගැටලුවලට නම් ඔබලා පිළිතුරු සපයන්...
මැතිව්ස් සමාව අයදී...
ඔක්කොටම ඉස්සෙල්ලා ටීම් එකෙන් ඉවත් කරන්න ඕනේ... මෙයාට ඕනේ සල්ලි විතරයි. රටට කුමක් වුවත් කමක් නැහැ. ...
උඩපන්දුවේ සැඟවී ගිළිහුණු ජයක්...
නොසැලකිල්ල නිසා අපරාදෙ අපි පැරදුණා. බැරිනම් නැවත ලංකාවට එන්න ඩිල්රුවන්... ...
ශ්‍රී ලංකාව හමුවේ බංග්ලාදේශයට දැවැන්ත ජයක්...
වහාම ඇන්ජලෝ මැතිව්ස් ඉවත් කරන්න. මොහු දැන් නායකත්වයට සුදුසු නැත. මීට වඩා හොඳයි ශ්‍රී ලංකා දැල්පන්දු කණ්ඩායමේ නායිකාව දැම්මා නම්... ...
බංග්ලාදේශයට හොඳ අභියෝගයක්...
මම නම් හිතන්නේ ඇෆ්ඝනිස්ථානය පෙරමුණට එයි කියලයි. ...